બનાવવાની રીત: સૌ પ્રથમ પનીરને નાના ચોરસ ટુકડામાં સમારી લો. હવે બીજી બાજુ ડુંગળી, ટમેટા, આદુ અને લીલા મરચાંને પીસીને જુદુ મુકો. માવાને છીણી લો.
એક પેન અથવા કઢાઈમાં ઘી ગરમ કરો, તેમાં ડુંગળી અને ટમેટાની પેસ્ટ ઉમેરીને સારી રીતે સાંતળો, આ ગ્રેવીમાંથી ઘી છૂટુ ન પડે ત્યા સુધી તેને મધ્યમ આંચ પર સાંતળો. હવે તેમાં માવો અને મલાઈ મિક્સ કરો. 2 મિનીટ સુધી પાકવા દો. આ મિશ્રણમાં મીઠું, લાલ મરચાંનો પાવડર, હળદર અને ગરમ મસાલો ઉમેરીને સારી રીતે હલાવો. ત્યાર બાદ પનીરના ટુકડા ઉમેરીને સાથે 1/2 કપ પાણી મિક્સ કરો. ગ્રેવી ઘટ્ટ થઈ જાય ત્યા સુધી પાકવા દો. ગરમા ગરમ પનીર કોરમા પરાઠા સાથે સર્વ કરો.