વિધાનસભામાં કોંગ્રેસના ધારાસભ્યો પર ‘ઓબ્ઝર્વર'ની બાજ નજર રહેશે

ગુરુવાર, 8 ફેબ્રુઆરી 2018 (15:53 IST)

Widgets Magazine
vidhansabha


રાજ્ય વિધાનસભાના બજેટ સત્રનો આગામી ૧૯ ફેબ્રુઆરીથી પ્રારંભ થઈ રહ્યો છે ત્યારે સમગ્ર સત્ર દરમિયાન કોંગ્રેસના ધારાસભ્યો પર વોચ રાખવા માટે પ્રેક્ષક ગેલેરીમાં કોંગ્રેસના ઓબ્ઝર્વર હાજર રહેશે. વિધાનસભાના સત્રમાં કોંગ્રેસના કેટલાક ધારાસભ્યો પ્રશ્ન પૂછીને ગેરહાજર રહેવા અથવા સરકાર ભીડાઈ જાય તેવા સવાલોમાં પેટા પ્રશ્ન ન ઉઠાવવા સહિતના સરકાર સાથેના ‘સેટિંગ'ની પ્રવૃત્તિ આચરતા હોવાની હાઈકમાન્ડ સમક્ષ પહોંચેલી ફરિયાદને પગલે ઓબ્ઝર્વરને વિધાનસભાના સત્ર દરમિયાન હાજર રાખવાનો નિર્ણય લેવાયો છે. અલબત્ત, ઓબ્ઝર્વર તરીકેની જવાબદારી ગુજરાત કે ગુજરાત બહારના આગેવાનને સોંપવામાં આવશે? અને આ ‘વોચ' સમગ્ર બજેટ સત્ર દરમિયાન રખાશે કે ચોક્કસ દિવસોમાં એ અંગે કોઈ ખુલાસો કરવામાં આવ્યો નથી. કોંગ્રેસના વિશ્વસનિય સૂત્રોએ જણાવ્યું કે, વિધાનસભાના આગામી બજેટ સત્ર પહેલાં કોંગ્રેસના ચૂંટાયેલાં નવા ૪૧ સહિત ૭૭ ધારાસભ્યોને વિધાનસભામાં પ્રજાના પ્રશ્નો કઈ રીતે ઉઠાવવા, વિવિધ વિભાગો અને બજેટ પરની ચર્ચામાં કેવા મુદ્દા કઈ રીતે ઉઠાવવા વગેરેની તાલીમ માટેનો ત્રણ દિવસનો તાલીમ કેમ્પ યોજવામાં આવી રહ્યો છે. અત્યારસુધીના વિધાનસભાના બજેટ સત્રમાં અનેક વાર સરકાર ભીંસમાં મુકાય તેવા મુદ્દાઓ કોંગ્રેસ ઉઠાવે છે પરંતુ અણીના સમયે આ મુદ્દો ઉઠાવનારા કોંગ્રેસના ધારાસભ્યો ભેદી રીતે ગૃહમાંથી ગાયબ થઈ જતા જોવા મળ્યા છે. એવી જ રીતે વિધાનસભામાં કોંગ્રેસના ધારાસભ્યો દ્વારા પ્રશ્નો પૂછવામાં આવે છે. આ પ્રશ્નો જ્યારે પ્રશ્નોત્તરીકાળમાં ચર્ચામાં આવવાના હોય એ દિવસે જે તે ધારાસભ્ય ગેરહાજર રહે છે અથવા ગૃહમાં મોડા આવીને આ પ્રશ્ન ન ચર્ચાય તેવું ‘સેટિંગ' કરી લેતા હોવાનું જોવા મળ્યું છે. વિધાનસભામાં ધારાસભ્યોની લોકો સાથે છેતરપીંડી કરવાની પ્રવૃત્તિ અંગે કોંગ્રેસ અધ્યક્ષ રાહુલ ગાંધી સમક્ષ ફરિયાદ કરવામાં આવી હતી. આ ફરિયાદને પગલે હાઈકમાન્ડે વિધાનસભાના આગામી સત્ર દરમિયાન ધારાસભ્યોની જાણ બહાર ઓબ્ઝર્વરને ધારાસભ્યની કામગીરી પર વોચ રાખવાની જવાબદારી સોંપવાનો નિર્ણય કર્યો છે.



Widgets Magazine
Widgets Magazine
Widgets Magazine
આ પણ વાંચો :  
વિધાનસભા કોંગ્રેસના ધારાસભ્યો ગુજરાત સમાચાર ગુજરાતી ન્યુઝ ગુજરાતી સમાચાર તાજા સમાચાર ‘ઓબ્ઝર્વર' Gujarat News Local News Gujrat Samachar Gujrati Samasar Ahmedabad News Live Gujarati News

Loading comments ...

ગુજરાત સમાચાર

news

ફી નિયમન કાયદાના અમલના માર્ગદર્શન માટે સરકાર સુપ્રીમ કોર્ટમાં

ફી નિયમન એક્ટ અંગે સુપ્રીમ કોર્ટે ૧ ફેબ્રુઆરીએ આપેલા આદેશ પછી તેનો કેવી રીતે અમલ કરવો તે ...

news

કેળાંના ઉત્પાદનમાં ભારતનું સમગ્ર વિશ્વમાં મોખરાનું સ્થાન, ગુજરાત સમગ્ર દેશમાં પ્રથમ ક્રમાંકે

ગુજરાતની કૃષિ વિશે ચર્ચા વખતે અહીંના બાગાયતી પાકોની ચર્ચા ભાગ્યે જ થાય છે પરંતુ ગુજરાત ૪૨ ...

news

ગુજરાતના સૌથી મોટા પાંચ ડેમમાં પાણીનો જથ્થો છેલ્લા દસ વર્ષના તળિયે!

ગુજરાતના મહત્વના ડેમનો હાલનો જથ્થો ગત દસ વર્ષના સરેરાશ જથ્થાથી પણ નીચો ગયો છે. નર્મદાના ...

અભિનેતા જીતેન્દ્ર પર તેમની કઝિને લગાવ્યો ગંભીર આરોપ, બોલી - 18 વર્ષની વયે કર્યો હતો રેપ

બોલીવુડના દિગ્ગજ અભિનેતા જીતેન્દ્રને એક મોટો સનસનીખેજ ખુલાસો થયો છે. ઉલ્લેખનીય છે કે ...

Widgets Magazine Widgets Magazine
Widgets Magazine
Widgets Magazine