દલિત સામાજિક કાર્યકરના અગ્નિસ્નાન મુદ્દે સીએમ રૂપાણી રાજીનામું આપે: મેવાણી

શુક્રવાર, 16 ફેબ્રુઆરી 2018 (13:32 IST)

Widgets Magazine
jignesh mevani


પાટણ કલેકટર કચેરી ખાતે દલિત અગ્રણી ભાનુભાઇ વણકરે તેમના પરિવારને સરકારના નિયમ મુજબ ફાળવાયેલી જમીનનો કબજો નહીં સોંપાતા આત્મહત્યાનો પ્રયાસ કર્યો છે તેમાં સંપૂર્ણ રીતે સરકારની જવાબદારી હોવાથી મુખ્યમંત્રી વિજય રૂપાણીએ રાજીનામુ આપવું જોઇએ તેવી માગણી અપક્ષ ધારાસભ્ય અને દલિત નેતા જિજ્ઞેશ મેવાણીએ કરી છે. તે સાથે અગાઉથી આત્મવિલોપન કરવામાં આવશે તેવી પાટણના વહીવટી તંત્રને જાણ કરવામાં આવી હોવા છતા આ બનાવ બન્યો તે બદલ પાટણ જિલ્લા પોલીસ વડા અને પાટણના કલેકટરને બેદરકારી બદલ સસ્પેન્ડ કરવા પણ માગણી કરી છે. છેલ્લા ૩ વર્ષથી ગાંધીનગરના મહેસૂલ વિભાગમાં જમીન મંજૂરીની ફાઇલ પડી રહી છે પણ મંજૂરી અપાતી ન હતી.  મેવાણીએ પાટણની ઘટના બદલ સરકારી તંત્રની ઝાટકણી કાઢતા કહ્યું છે કે, દલિતોને નિયમ મુજબ ફાળવાયેલી જમીનનો વાસ્તવિક કબજો સોંપવા છેલ્લા બે વર્ષથી અમારી રજૂઆતો અને આંદોલન છતાં તંત્રના પેટનું પાણી હલતું નથી. તંત્રની બેદરકારીના કારણે ભાનુભાઈ વણકરે જમીનના એક ટુકડા માટે આત્મવિલોપનનો પ્રયાસ કર્યો છે. એક ગરીબ માણસ આ વ્યવસ્થામાં કઇ હદે ગૂંગળામણ અનુભવતો હોય છે તેનો આ વરવો દાખલો છે. ભાનુભાઇ એ આ પગલું ભરવું પડયું તે માટે રુપાણી સરકાર જવાબદાર છે.  મેવાણીએ વધુમાં જણાવ્યું છે કે,ગુજરાતના દલિતો આ મુદ્દે રોડ ઉપર ઉતરી આવી વિરોધ કરે અને ઉનાકાંડની જેમ આ ઘટનાના ઘેરા પ્રત્યાઘાત આપે તે જરૂરી છે. પાટણ કલેકટર અને જિલ્લા પોલીસ વડાને અગાઉ જાણ હોવા છતાં ભાનુભાઈને આત્મવિલોપન કરતા રોકી શક્યા નહીં તે બદલ તેમને સસ્પેન્ડ કરી દેવા જોઇએ. 



Widgets Magazine
Widgets Magazine
Widgets Magazine
આ પણ વાંચો :  

Loading comments ...

ગુજરાત સમાચાર

news

પ્રિયંકા ચોપડા લીજા હેડન અને આ એક્ટ્રેસ હતી નીરવ મોદીની કલાયંટસ

તેના જ્વેલરી બ્રાંડ માટે પ્રિયંકા ચોપડા અને લીજા હેડન જેવા સેલિબ્રિટી પણ એંડોર્સ કરી છે.

news

ખેડૂતો ભ્રષ્ટાચાર સામે નર્મદા નિગમ સામે આંદોલન કરશે

ખેડૂતોને સિંચાઇ માટે આપવામાં આવતા નર્મદાના પાણી મામલે સરદાર સરોવર નર્મદા નિગમ અને ગુજરાત ...

news

#Exam Warrior LIVE: બાળકોને એક્ઝામ ટેંશનથી મુક્ત કરવા માટે ટિપ્સ આપશે PM

પીએમ નરેન્દ્ર મોદી આજે શાળાના વિદ્યાર્થીઓને પરીક્ષા સાથે જોડાયેલા જુદા જુદા મુદ્દા પર ...

news

કેબિનેટ મંત્રી ભૂપેન્દ્રસિંહ ચુડાસમાને જીત પડકારાઈ, હાઈકોર્ટે નોટીસ ફટકારી

રુપાણી સરકારના કેબિનેટ મંત્રી ભૂપેન્દ્રસિંહ ચુડાસમાની વિધાનસભા ચૂંટણીમાં થયેલી જીતને ...

Widgets Magazine