સ્પેશ્યલ મીઠાઈ - સોન પાપડી

વેબ દુનિયા|

P.R
સામગ્રી - 1 1/4 કપ ચણાનો લોટ, 1 1/4 કપ મેંદો, 250 ગ્રામ ઘી, 1 1/2 કપ ખાંડ, 1 1/2 કપ પાણી, 2 મોટી ચમચી દૂધ, 1/2 ચમચી ઈલાયચી

બનાવવાની રીત - બંને લોટને મિક્સ કરો. એક જાડા તળિયાની કઢાઈમાં ઘી નાખીને ગરમ કરો, હવે તેમા મિક્સ લોટ નાખીને સોનેરી થતા સુધી સેકો. હવે આ મિશ્રણને નીચે ઉતારી ઠંડુ થવા દો અને વચ્ચે વચ્ચે ઘીરેથી હલાવતા રહો. બીજી બાજુ પાણી, દૂધ અને ખાંડને મિક્સ કરી ગેસ પર ચઢાવો અને 2 1/2 (અઢી તાર)તારની ચાસણી બનાવી ઓ. આ ચાસણીને એકસાથે જ લોટના મિશ્રણમાં નાખી દો. હવે એક મોટા કાંટાવાળા ચમચીથી આ મિશ્રણ પર ત્યાં સુધી મારતા રહો જ્યા સુધી તે મિશ્રણ સોન પાપડી જેવુ ન દેખાવા લાગે. હવે તેને એક ઘી લગાવેલ થાળીમાં પાથરી તેના પર પ્લાસ્ટિક મુકીને રોલ કરો. તેમા ઘીરેથી ઈલાયચી પાવડર ભભરાવી દો. આ સોન રોલ કરેલ મિશ્રણને ધીરેથી દબાવો. હવે તેના ટુકડા કરીને એક એર ટાઈટ ડબ્બામાં ભરી લો. તૈયાર છે સોન પાપડી.


આ પણ વાંચો :