<![CDATA[ફ્રેન્ડશિપ ડે]]> https://gujarati.webdunia.com/friendship-day-08 Copyright webdunia.com Mon, 17 Aug 2026 12:45:04 +0530 en-us ફ્રેન્ડશિપ ડે https://gujarati.webdunia.com/friendship-day-08 https://gujarati.webdunia.com/friendship-day-08 <![CDATA[દોસ્તીના એસએમએસ]]> https://gujarati.webdunia.com/article/friendship-day-08/દોસ્તીના-એસએમએસ-108080200024_1.html https://gujarati.webdunia.com/article/friendship-day-08/દોસ્તીના-એસએમએસ-108080200024_1.html http:

  N.D

તારી મિત્રતા અમે એવી રીતે નિભાવીશુ
તુ રોજ રિસાજે, અમે રોજ મનાવીશુ
પણ માની જજે મનાવવાથી,
નહી તો અમે આંખોમાં આંસુ લઈને ક્યાં જઈશુ ?

આજ એ મિત્ર ખૂબ યાદ આવ્યો ભૂલતા-ભૂલતાં
જૂની મિત્રતા યાદ આવી ભૂંસાતા-ભૂંસાતા
શીખ્યા હતા જેની પાસેથી મૈત્રીની ભાવના
આપ્યા છે તેને આંસુ હસતાં-હસતાં


વચન ના આપો જો તમે નિભાવી ન શકો
ચાહો ના જેને તમે મેળવી ન શકો
મિત્રો તો દુનિયામાં ઘણા મળશે
બસ, એક ખાસ રાખો જેના સિવાય તમે હસી ના શકો

ક્યાંક અંધારુ તો ક્યાંક સાંજ હશે
મારી દરેક ખુશી તારા નામે હશે
કશુ માંગીને જો મારી પાસે એ મિત્ર
હસતાં-હસતાં તારી માટે મારો જીવ જશે

સંબંધોની દુનિયા છે નિરાળી
બધા સંબંધો કરતા વ્હાલી છે મિત્રતા તારી
મંજૂર છે આંખોમાં આંસુ પણ મારા
જો આવી જાય હાસ્ય હોઠો પર તારા ]]> Sun, 06 Aug 2017 10:37:00 +0530 Sun, 06 Aug 2017 10:05:41 +0530 વેબ દુનિયા <![CDATA[મિત્રો શું કહે છે આ દિવસે........]]> https://gujarati.webdunia.com/article/friendship-day-08/મિત્રો-શું-કહે-છે-આ-દિવસે-108080300007_1.htm https://gujarati.webdunia.com/article/friendship-day-08/મિત્રો-શું-કહે-છે-આ-દિવસે-108080300007_1.htm http:
''મિત્રતા એક અનોખો સંબંધ છે. દરેક માણસ પોતાના જીવનમાં મિત્રો બનાવે છે. પણ સાચા મિત્રો ઘણા ઓછાને મળે છે. મિત્ર એટલે જેની સાથે આપણે આપણા દુઃખ દર્દ વહેચવા અધિરા હોઈએ. જે આપણા જીવનની સુખદ ઘટનાને બમણા આનંદથી ઉજવે અને આપણા દુઃખમાં આપણને ટકી રહેવાની અને દુઃખનો સામનો કરવાની પ્રેરણા પૂરી પાડે. મિત્રો આપણને આપણ સગાવ્હાલા કરતા પણ વધારે વ્હાલા લાગે છે.. મિત્રને કશી કહેવાની જરૂર ન પડે અને તે સમજી જાય અને આપણી જરૂરીયાતને સમજે. બસ મિત્ર એટલે કંઈક અનોખો જ સંબંધ... આપણી પસંદ પ્રમાણે આપણે બીજો કોઈ સંબંધ મેળવી ન શકીએ પરંતુ આજ એક એવો સંબંધ છે જેને આપણે પસંદ કરવાનો છે. ક્યારેય પણ ક્યાંક એવું બને કે એક શિષ્ટાચાર સાથે થયેલી વાતચીત મિત્રતામાં પરીણમે...

W.D


સમય સમયની વાત છે મિત્ર, આજે વિરહની રાત તો કાલે મિલનનો દિવસ થશે મિત્ર;
જોજનો દુર રહ્યા તો શુ થયું, એકવાર દિલથી સંભારી તો જો યાદોનો ધોધ લાવશુ મિત્ર,
મિત્ર પર દુઃખનું તાપ હશે તો, સુખના ખોબે જીણો જીણો વરસાદ થઈને આવશુ મિત્ર....''
તૃપ્તિ પી દવે, પત્રકાર, અમદાવાદ
------------------------------------------

''પલકો કી કતાર પર આકર રૂક ગઈ, ઔર હોટો સે ભી ઝાહીર ન હો શકી,
કિસીકે ગુમતે નજારો સે તુમ સમજી, શબ્દ કે ઠહેરજાને પર જાન શકી કે
યહ તો દોસ્તી હે..

W.D


મિત્રતા એ પારસમણી છે જેને પામતા જ જીવન સોનેરી બની જાય છે. કોલેજના એ મિત્રો સાથેના હસી મજાકના દિવસો, નાટકની પ્રેક્ટિસમાં થતા જલસા, પરીક્ષામાં સાથે મળીને આખા વર્ષનું ભણેલું એક કલાકમાં તૈયાર કરી નાખવાની રીત હજી યાદ આવે છે. તેમની સાથે વિતાવેલા અનોખા અને વિસ્મૃત દિવસો આજે પણ આંખોમાં પાણી બની તરવળે છે. બધા પોતપોતાના કામે છે છૂટા છવાયા છે, પણ ફ્રેંડશીપ ડેના દિવસે મળવાનો મોકો મળે છે જે અમારા માટે કોલેજના દિવસો પાછા લાવી આપે છે પણ એક દિવસ ખરેખર ઓછો પડે છે.''
ગુંજન મોદી, અમદાવાદ
-------------------------------
''દોસ્તી એ ઈશ્વર તરફ થી મળેલી અમૂલ્ય ભેટ છે. તેને હું ઈશ્વરનું બીજુ રૂપ માનુ છું. અને તે સાચુ પણ છે. દોસ્તીમાં કોઈ સીમા હોતી નથી પણ પ્રેમમાં જરૂર હોય છે. જેવી રીતે એક મા સો શિક્ષકની ગરજ સારે છે તેમ, એક સાચો દોસ્ત સો માર્ગદર્શકની ગરજ સારે છે. દોસ્તીના કરાર પર કોઈ હસ્તાક્ષરની જરૂર નથી પડતી. દોસ્તી એક સ્વર્ગની સુગંધ છે. તેમાં એક બે કરતા વધારે મિત્રોની હુંફ રહેલી હોય છે, અને જે હંમેશા એક ગુલાબની

W.D

ખુશ્બુની જેમ મહેકતી રહે છે. દુનિયામાં એક દોસ્તીની સાચી અને તટષ્ઠ વ્યાખ્યા આપવી મુશ્કેલ છે. દોસ્તી ઘણી વાર ઓક્સિઝ્ન બનીને જીવનના અંતને પણ શરૂઆતમાં ફેરવી નાખે છે. માણસો મૃત્યુ પામે છે પરંતુ આ ધારા પર દોસ્તી હંમેશ માટે જીવંત રહે છે. જાણે કે તે અમૃત હોય તેમ... અને છેલ્લે દોસ્તી વગર જીવન અને આ દુનિયા અધુરી છે......''
મનીષ કાપડીયા, ગુજરાત વિદ્યાપીઠ, અમદાવાદ
---------------------------

''દોસ્તી આખરે શું છે ? એક જીવન જીવવાની કડી છે દોસ્તી.. દોસ્તી એક અહેસાસ છે જેમાં તે હંમેશા એક દોસ્તની હુંફ માંગે છે. જેની સાથેસાથે તે તેમાં વિશ્વાસ અને પ્રામાણિકતા પણ માંગી લે છે, જેના વગર દોસ્તી અધુરી છે. દુનિયામાં ઘણા બધા લોકો આવે છે ને જાય છે પણ જો તેમાં

W.D

દોસ્તીનો સંગાથના હોય તો સઘળુ મિથ્યા છે. દોસ્તી જીવન જીવવા માટેની એક રાહ દોરે છે. જીંદગીની અનેક સમસ્યાઓનો ઉકેલ તે લાવી આપે છે. દોસ્તી એક પ્રાણ વાયુ સમાન છે. જેમ ઔષધિ રોગોને દુર કરે છે તેમ દોસ્તી દોસ્તોના જીવનમાંથી મુશ્કેલીઓના અંધારાને દૂર કરી ખુશીઓની શુભ સવાર લાવે છે. કોઈને પણ પુછો કે તમારે મિત્ર છે? ના જવાબ દુનિયાનો બદનશિબ માણસ જ આપી શકે. ખરેખર તો સાચી મિત્રતાનું મુલ્યાંકન કરવું અઘરૂ છે.'' હર્ષા ઠાકુર,અમદાવાદ

--------------------------

W.D

''દોસ્ત એ હોય છે જે સમસ્યાઓમાં સાથે રહે અને તમરી સથે હસે અને તમારી સાથે રળે.સારા કામ માટે તમને પ્રોત્સાહન કરે અને ખરાબ કાર્ય કરતા તમને અટકાવે. દોસ્ત એવો અહેસાસ છે જે સહરાથી ભરેલી જીંદગીમાં હરીયાળી બની રહે. દોસ્ત એ નથી જેના કારણે આંખોમાં આંસુ આવે પણ દોસ્ત તો એ છે જેના માટે પોતાની આંખો પાણીથી ભરાઈ આવે. જો જીવનમાં દોસ્ત હોય તો નર્ક પણ સ્વર્ગ સમાન છે. અને સ્વર્ગ જેવી જીંદગીમાં એક દોસ્ત ન હોય તો તે નર્ક જેવું લાગે છે. છેલ્લે, કેટલાંક સંબંધો ઈશ્વર બનાવે છે જ્યારે કેટલાંક લોકો જાતે બનાવે છે. અને કેટલાંક લોકો વગર સંબંધે સંબંધો નિભાવી જાણે છે જેને દોસ્તી કહેવાય છે...''
રાજેશ ઠાકુર, એમ.એ. સાયકોલોજી, સી.યુ.શાહ આર્ટસ કોલેજ, અમદાવાદ

]]> Sat, 01 Aug 2009 19:12:51 +0530 Tue, 08 Apr 2014 19:50:59 +0530 ગજેન્દ્ર પરમાર <![CDATA[ધાર્મિક ગ્રંથોમાં મિત્રતાનું મહત્વ]]> https://gujarati.webdunia.com/article/friendship-day-08/ધાર્મિક-ગ્રંથોમાં-મિત્રતાનું-મહત્વ-108080300008_1.htm https://gujarati.webdunia.com/article/friendship-day-08/ધાર્મિક-ગ્રંથોમાં-મિત્રતાનું-મહત્વ-108080300008_1.htm http:

W.Dગજેન્દ્ર પરમાર


બાઈબલ,ગીતા, કુર્રાન, વગેરે ધાર્મિક ગ્રંથોમાં પણ મિત્રતાને ઉચ્ચ સ્થાન આપવામાં આવ્યું છે.

ખ્રીસ્તી ધર્મના બાઈબલ ગ્રંથમાં મેથ્યુ 7:7માં મિત્રતા વિશે લખાયુ છે કે -'' તું માગીશ તો તને જરૂર મળી જશે, તું શોધીશ તો તને જરૂર જડી જશે, તું દરવાજે ટકોરા દાઈશ તો બારણા તારે માટે ખુલી જશે.''

મિત્રમાં પણ આવું જ હોય છે, તમે સાચો મિત્ર શોધશો તો તમને અવશ્ય મળી જશે. શોધવાથી તો ભગવાન પણ મળે છે, તો શું એક સાચો મિત્રના મળે. એવું પણ બને કે તમે ભગવાનની શોધમાં હોય અને તમને સાચો મિત્ર મળી જાય જે ભગવાનને પણ ટપી જાય એવો હોય...

''હિન્દુ ધર્મના મહાભારત ગ્રંથમાં મિત્રતાને ભગવાન શ્રી કૃષ્ણએ મિત્રતાને એક રંગ તરીકે પ્રદર્શિત કરી છે, જેમાંથી જીવનના બીજા અનેક રંગો છૂટા પડે છે. એફેક્શન, રોમાંશ, બંધુત્વ, રક્ષણ, માર્ગદર્શક, વ્યક્તિગતતા, અને પજવણી વગેરે મિત્રતાના રંગમાંથી છૂટા પડતા રંગો છે.'' મિત્રતા આના કરતા વધારે રંગોથી ભરેલી છે. આ વાતની સાર્થકતા તો જેની પાસે મિત્રો હોય તેજ સમજી શકે. કેમ મિત્રો.

]]> Sat, 01 Aug 2009 19:08:53 +0530 Tue, 08 Apr 2014 19:50:59 +0530 ગજેન્દ્ર પરમાર <![CDATA[યાદે દોસ્તી કી..]]> https://gujarati.webdunia.com/article/friendship-day-08/યાદે-દોસ્તી-કી-108080300009_1.htm https://gujarati.webdunia.com/article/friendship-day-08/યાદે-દોસ્તી-કી-108080300009_1.htm http:

W.Dગજેન્દ્ર પરમાર


જબ ભી ખોલતી હું અપના જૂના પુરાના બક્સા લગતા હે,
જેસે સમેટી ગળી કર રખી હો યાદે;
જૂને પુરાને ફટે કાગજો કી પાની મે ભીગ કર ધુંધલી હો ગઈ હો યાદે;
કુછ કપડો કે દાગ સી ગહેરી યાદે,
કીસીકી દી ગઈ ચોકલેટો સે બસી પન્ની કી ઝગમહાતી હુઈ યાદે;

કીસીકી અંજાને મે લીખી હુઈ બાતોકી ગહેરાઈઓ મે લે જાતી યાદે;
રૂમાલ જીસસે અપમાન કરને કે બાદ પોછી હુઈ આંસુઓસી યાદે..;

બડે બડે ઈનામો કી કતારોકો છોટા બનાતે અભિનંદન કી યાદે,
ભાવ બનકર સપનોમે ભી પીછા ન છોડને વાલી યાદે..
અબ તુમ બાવરી કે હો, એસા અહેસાસ દિલાતી યાદે........
ગુંજન મોદી
બીએડ અર્થશાસ્ત્ર, અમદાવાદ

.....................................દોસ્ત..........................................


આજ તારી યાદમાં ફરતો હતો;
આજ તારા સપનાઓમાં હસતો હતો.

દુઃખમાં તારો સહારો હોય છે,
આજ તારા સ્નેહમાં તરતો હતો.

ચાંદ આ તારા ઈશારાથી રમે,
વાત સૌને દોસ્તની કરતો હતો.

હાથ છોડી દૂર જાય ગમે નહી,
થતું કંઈક દર્દને રડતો હતો.

પત્રને આખો જબોળી પ્રેમથી
'વિજય' આજે દોસ્તને મળતો હતો.

વિજય ચલાદરી
ગુજરાતી અધ્યાપક,
બી.જે.ગઢવી બીએડ કોલેજ
રાધનપુર. ]]> Sat, 01 Aug 2009 19:07:16 +0530 Tue, 08 Apr 2014 19:50:59 +0530 ગજેન્દ્ર પરમાર <![CDATA[શિક્ષકમિત્રની અનિવાર્યતા..]]> https://gujarati.webdunia.com/article/friendship-day-08/શિક્ષકમિત્રની-અનિવાર્યતા-108080300015_1.htm https://gujarati.webdunia.com/article/friendship-day-08/શિક્ષકમિત્રની-અનિવાર્યતા-108080300015_1.htm http:

W.DW.D

શિક્ષકમિત્રની વાત કરીએ તો, જ્યારે કોઈ શિક્ષક તમને મિત્રની જેમ ટ્રીટ કરે ત્યારે સમજવુ કે તે તમને તમારી રીતે શીખવાડવા માંગે છે. તમારી સાથે મિત્રની જેમ વાત કરે, તમને દરેક પુસ્તક વિશે માહિતી આપે, તમને શિક્ષણ સિવાય તમારી અંગતજીવની સમસ્યાઓને ઉકેલવા માટે પણ માર્ગદર્શન પૂરૂ પાડે, તમારી કારકિર્દી માટે પણ તેઓ તેમનો કિમતી સમય કાઢીને તમને યોગ્ય રસ્તો બતાવે આવા સાચા શિક્ષકમિત્ર ભાગ્યશાળીને જ સાંપડતા હોય છે.

પરંતુ કેટલાંક મુર્ખાઓ આ શિક્ષક મિત્ર સાથે ભાઈબંધની જેમ વ્યવહાર કરતા હોય છે, અને એક ભગવાન સમોવડિયા શિક્ષકને ગુમાવી બેસતા હોય છે. અહિ મને એક શિક્ષકે કહેલી વાત યાદ આવે છે-' તમારા શિક્ષક તમારી સાથે મિત્રતાભર્યુ વર્તન કરે એટલે એનો અર્થ એ નથી કે એ તમારા ભાઈબંધ થયા..'

શિક્ષકનું પણ જીવન માં એટલું જ મહત્વ હોય છે જેટલું મહત્વ આપણા જીવનમાં માતા-પિતાનુ હોય છે. ભેદ માત્ર એટલો જ છે કે માતા-પિતા બાળાકોને બાળકની જેમ રાખે છે અને શિક્ષક મિત્ર સમાન વર્તન કરીને તમને શિક્ષણ આપે છે,અને જો સારા શિક્ષકનો તમે છેડો પકડ્યો તો. નહીતર...? એવુ નથી બધા જ શિક્ષક વિધ્યાર્થીઓના હિતકારક હોય છે,

શિક્ષકોમાં પણ સારા-નરસા, સાચા-ખોટા, જ્ઞાની- દંભી આવા પ્રકાર હોય છે. પરંતુ જો તમે સારા શિક્ષકની આંગળી પકડી તો તમને એ રણમાંથી કાઢીને લીલોતરી પગદંડી પર લઈ જશે. અને તમારા જીવનનો બેડો પાર થઈ જશે.

શિક્ષકની આંગળી પકડતાની સાથે જ સમજવું કે અહીંથી દરીયો પણ શરૂ થઈ શકે અને ત્યાંથી રણ પણ શરૂ થઈ શકે છે. માત્ર જીવનમાં એક વાત યાદ રાખવી મિત્રો કે આપણે જેવી એક સારા શિક્ષક પાસેથી અપેક્ષા રાખીએ છીએ એવી અપેક્ષા આપણી પાસે શિક્ષક પણ રાખતા હોય છે.

જેમ આપણે જીવનમાં એક સાચો મિત્ર મેળવવાની વાત કરીએ છીએ તેવીજ રીતે આપણા જીવનમાં એક સારા શિક્ષક સાથેની મૈત્રી પણ અનિવાર્ય છે. ]]> Sat, 01 Aug 2009 19:00:53 +0530 Tue, 08 Apr 2014 19:50:59 +0530 ગજેન્દ્ર પરમાર <![CDATA[યુએસ ફ્રેંડશીપ એમ્બેસડર દેશ]]> https://gujarati.webdunia.com/article/friendship-day-08/યુએસ-ફ્રેંડશીપ-એમ્બેસડર-દેશ-108080300020_1.htm https://gujarati.webdunia.com/article/friendship-day-08/યુએસ-ફ્રેંડશીપ-એમ્બેસડર-દેશ-108080300020_1.htm http:

W.Dગજેન્દ્ર પરમાર



ફ્રેંડશીપ ડે ઓગસ્ટના પહેલા રવિવારે ઉજવાય છે. બધા જ ડેઝમાંથી આ એક અનોખો ડે વિશ્વના ઘણાબધા દેશોમાં ઉજવાય છે. પશ્ચિમી સંસ્કૃતિમાંથી આવેલો આ ડે ભારતીય સંસ્કૃતિનો એક ભાગ બનવા જઈ રહ્યો છે. આ દિવસે મિત્રો પોતાના પ્રેમને વ્યક્ત કરે છે. એક મિત્ર બીજા મિત્રને અનેક જાતની ભેટ ,ચૉકલેટ, ફૂલ, કાર્ડ આપે છે અને ફ્રેંડશીપ બેલ્ટ પણ બાંધે છે. અથવા બીજા અર્થમાં કહીયે તો પોતાની મિત્રતાને એ બેલ્ટ બાંધી અતૂટ બનાવે છે. આ દિવસે ઘણા યંગસ્ટરો નવા મિત્રો બનાવે છે. તેમની સાથે મિત્રતા કરવાનો તે ઈજહાર કરે છે. in this way they make some new friends...

જૂના મિત્રો આ દિવસે એકઠા થઈને તેમના ભૂતકાળના મજાના દિવસો ફરી તાજા કરે છે. અને હા બે મિત્રો વચ્ચે થયેલા અબોલાને બુચ્ચામાં બદલવાનો એટલે કે માફી માંગવાનો આ ખાસ દિવસ કહી શકાય. કારણ કે આ દિવસે બધી જ ગેર સમજો , ભેદભાવ ભુલી જઈને ફરી મિત્રતાના તાંતણે બંધાઈ જવાય છે.


ફ્રેંડશીપ ડેનો ઇતિહાસ 73 વર્ષ જૂનો છે, છતાં તેના વિશે સાહિત્ય નહિવત છે. દરેકના જીવનમાં મિત્રો તો હોય જ છે. મિત્રો જીવનમાં હકારાત્મક ભૂમિકા ભજવતા હોય છે. આ જ મર્મને યુનાઈટેડ સ્ટેટસ કોંગ્રેસે ઇ.સ.1935માં સમજી ગયુ હતું. અને સરકારે આ મિત્રતાને માન આપવા ઓગસ્ટના પ્રથમ રવિવારને ફ્રેંડશીપ ડે તરીકે ઉજવવાનું નક્કી કર્યું છે. ત્યાર બાદ આ દિવસ બીજા ઘણા દેશોમાં પણ ઉજાવા લાગ્યો. ઇ.સ.1997માં યુ.એસને winnie-the-pooh આપીને વિશ્વમાં ફ્રેંડશીપ એમ્બેસડર દેશની ખ્યાતી આપવામાં આવી ]]> Sat, 01 Aug 2009 18:58:01 +0530 Tue, 08 Apr 2014 19:50:59 +0530 ગજેન્દ્ર પરમાર <![CDATA[ફ્રેંડશીપ ડે ઉજવણીની બદલાતી ભાતો]]> https://gujarati.webdunia.com/article/friendship-day-08/ફ્રેંડશીપ-ડે-ઉજવણીની-બદલાતી-ભાતો-108080300021_1.htm https://gujarati.webdunia.com/article/friendship-day-08/ફ્રેંડશીપ-ડે-ઉજવણીની-બદલાતી-ભાતો-108080300021_1.htm http:

W.Dપારૂલ શર્મા


ભારતમાં ફ્રેંડશીપડેની શરૂઆત પશ્ચિમી સંસ્કૃતિમાંથી આવી અને નવયુવાનોએ તેને સારો એવો આવકાર આપ્યો. ધીરેધીરે આખા ભારતમાં આ દિવસની ઉજવણી થવા લાગી.પરંતુ હવે તે માત્ર યંગસ્ટર્સનો જ ઈજારો રહ્યો નથી, નાનાથી લઈને મોટેરાઓ પણ હવે આ દિવસની ઉજવણીમાં ભાગીદાર બને છે.

ખાસ કરીને નવયુવાનોમાં ફ્રેંડશીપનો ક્રેઝ વધારે જોવા મળે છે. જેમજેમ સમય વિતતો ગયો તેમતેમ ભારતનો યુવાવર્ગ પણ સ્ટાઈલીશ, ફેશનીશ ગ્લેમરયુક્ત બનતો ગયો અને તેની સાથે સાથે ફ્રેંડશીપ ડે ઉજવવાની રીતો પણ મોઘી અને સ્ટાઈલીશ બનતી ગઈ.

પહેલા તો ફ્રેંડશીપ ડે હોય એટલે નવા કપડા પહેરીને કોલેજમાં જવાનું અને માત્ર હેંડશેક કરવાનો એટલે ફ્રેંડશીપ ડે પૂર્ણ. પરંતુ હવે નવા રંગબેરંગી કપડાની સાથે સાથે મોઘામાં મોઘો ફ્રેંડશીપ બેલ્ટ, બાઈક, પાર્ટી, મૂવી, પબ, ડાન્સ પાર્ટી વગેરે વગેરે..

આ દિવસની તૈયારીઓ અને તેની પ્લાનિંગ અઠવાડીયાથી ચાલુ થઈ જતી હોય છે. અને પાછી ક્યા કેટલો સમય કાઢવો તેની પળે પળની પ્લાનિંગ કરી લેવામાં આવતી હોય છે. સવારે કોલેજ પણ લેક્ચર બધા બંક, કેંટીનમાં બધાએ ભેગા થવાનું, કોલેજના સમય સુધી બધાને બેલ્ટ બાંધી દેવાના, બારથી ત્રણ મૂવી, હોટેલમાં લંચ, ગાર્ડનમાં આખી બપોર મસ્તી, નાસ્તા પાણી, અને રાત્રે તો દિવસ ઉગે, ડાન્સ પાર્ટી, પબ, વગેરેમાં જઈને મોજમસ્તી કરવાની અને આખુ વર્ષ આ દિવસની ઉજવણીને વાગોળવાની.

ફ્રેંડશીપ ડેની આવી ગ્લેમરલી ઉજવણી મોટાભાગની મેટ્રોસીટીમાં જ જોવા મળે છે.ભાઈ દરેકની રીત જુદી જુદી હોય છે ખરૂને મિત્રો..? તમે તમારા મિત્રો સાથે કઈ રીતે ફ્રેંડશીપ ડેની ઉજવણી કરી અમને ચોક્ક્સ જણાવો અને તમારા મિત્ર સાથે ફોટો પણ મેલ કરો. ]]> Sat, 01 Aug 2009 18:55:09 +0530 Tue, 08 Apr 2014 19:50:59 +0530 ગજેન્દ્ર પરમાર <![CDATA[મિત્રો વચ્ચે છુપાયેલો ગાઢ પ્રેમ]]> https://gujarati.webdunia.com/article/friendship-day-08/મિત્રો-વચ્ચે-છુપાયેલો-ગાઢ-પ્રેમ-108080200021_1.htm https://gujarati.webdunia.com/article/friendship-day-08/મિત્રો-વચ્ચે-છુપાયેલો-ગાઢ-પ્રેમ-108080200021_1.htm http:

W.D


બે મિત્રો વચ્ચેના ગાઢ પ્રેમને વ્યક્ત કરવાનો દિવસ એટલે ફ્રેંડશીપ ડે.. જોજનો અંતર દૂર રહેનારા મિત્રોને મળવાની તક એટલે ફ્રેંડશીપ ડે.. બે હૃદય વચ્ચેના અંતરને ઘટાડવાની વેળા એટલે ફ્રેંડશીપ ડે.. ઉમર, અંતર, નાના-મોટાના દરેક જાતના ભેદને ભુલાવી માત્ર પ્રેમને જ વ્યાખ્યાયિત કરવાનો અને અભિવ્યક્ત કરવાનો દિવસ એટલે ફ્રેંડશીપ ડે...

મિત્ર' અને 'દિવસ' આ બે શબ્દો 'ફ્રેંડશીપ ડે'માં સમાયેલા છે. પરંતુ તે માત્ર મિત્ર-મિત્ર અને દિવસ-દિવસ એ શબ્દની સીમામાં જ બંધાયેલો નથી. તેના અર્થની વિશાળતા ઝળહળતા આકાશની જેમ અમાપ અને અસીમ છે. આ દિવસને નાના મોટેરા સૌ હર્સોલ્લાસથી ઉજવે છે.

પરંતુ યંગસ્ટરોમાં આ દિવસનો ક્રેઝ વધારે જોવા મળે છે. અને ભાઈ હોવો પણ જોઈએ કેમ!? કારણ કે યંગસ્ટરોએ તો આ દિવસને અત્યાર સુધી જીવંત રાખ્યો છે. દોસ્તો મિત્રનું જીવનમાં મહત્વ તે જ સમજી શકે છે જેણે જીવનમાં સાચો મિત્ર પામ્યો હોય. ખરેખર તો સાચા મિત્રથી જ્યારે અળગા થઈએ ત્યારે દિલમાં અચાનક વસી જતું સુમસામ નગર તે મિત્રની કદર કરતા શીખવાડે છે. આ મિત્રતામાં હું માત્ર છોકરા-છોકરી વચ્ચેના સંબંધની વાત નથી કરતો, પરંતુ જીવનમાં શિક્ષક તથા માતા-પિતા પણ મિત્રથી ઓછા નથી હોતા. કારણ કે તે આપણને મિત્રની જેમ જ દરેક બાબતોથી પરિચિત કરાવે છે. તે આપણને સાચુ માર્ગદર્શન આપી સાચાખોટાની પરખ કરાવે છે. પ્રગતિના પંથે સફળતા હાસલ કરવા માટે તેઓ સૌથી મોટુ પ્રેરણાબળ પૂરુ પાડે છે.

ગજેન્દ્ર પરમાર ]]> Sun, 03 Aug 2008 13:13:43 +0530 Tue, 08 Apr 2014 19:50:59 +0530 વેબ દુનિયા <![CDATA[આજે પણ યાદ છે તે મિત્રો તે દિવસ...]]> https://gujarati.webdunia.com/article/friendship-day-08/આજે-પણ-યાદ-છે-તે-મિત્રો-તે-દિવસ-108080200022_1.htm https://gujarati.webdunia.com/article/friendship-day-08/આજે-પણ-યાદ-છે-તે-મિત્રો-તે-દિવસ-108080200022_1.htm http:

W.D


મિત્રતા ! વ્યાખ્યા શું કરવી અહી નથી કોઈ અપેક્ષા, બસ પ્રેમ-હૂંફ અને હોય જાણે અભય સુરક્ષા !!! મિત્ર શબ્દ સામે આવતા જ કૃષ્ણ-સુદામાની મૈત્રી યાદ આવી જાય. જ્યા ન હતો કોએ એ ભેદભાવ કે ન હતો કોઈ સ્વાર્થ. હતી તો બસ એક નિર્દોષ મિત્રતા. અ અજે આ શબ્દે વરવુ સ્વરૂપ લઈ લીધુ છે. મૈત્રીમાં આજે છેતરપીંડી, અવિશ્વાસ, લાલચ, અભિમાન વગેરે જેવા કૃતત્વોનો ઉમેરો થઈ ગયો છે, જેને આ શબ્દનુ મહત્વ અર્થઘટન જ ફેરવી નાખ્ય છે. યુવક-યુવતીઓ આ જ મિત્રતાના પવિત્ર નામ સાથે ચેડા કરી અવળા માર્ગે દોરાય જાય છે. ખેર છોડો, નકારત્મક કરતા સકારાત્મક વાતોમાં મજા છે.

મારો લંગોટીયો ભેરૂ દિપક એનુ નામ અને એના સંભારણા છોડીને કશેક દૂર જતો રહ્યો છે. કહે છે કે ત્યાંથી કોઈ પાછુ આવતું નથી, પણ કોઈ મારા તે ભાઈબંધની યાદો અને તેના પ્રેમને મારી પાસેથી છીનવી નહી શકે. પછી તો ઘણા યારો-દોસ્તારો આવ્યા પણ બેગ્લોરના મારા જર્નાલીઝમના કોર્સ અને ત્યાં હોસ્ટેલમાં અને કોલેજોમાં ચોવીસે કલાક સાથે રહીને ગાળેલો મારો એ જોડીદારો સાથની મીઠી પળોને હું કેવી રીતે ભૂલી શકુ ? ભારતના ખૂણેખૂણાથી આવેલા સિધ્ધરાજ, મનીષ, ભાવિન, પારૂલ, રાજેશ્વરી, સુપ્રિયા, શેફાલી, શિવાની, પૌરવી, શ્વેતા, સૂચી, નિરજ અને અભિલાષ સાથેની મસ્તી ભરી ક્ષણો, કુટુંબથી દૂર હોવાથી એક બીજાના સ્વજન તરીકેની લાગણી, મીઠા ઝઘડાઓ અને છૂટી પડતી સમયની વેદનાને મારા મન મસ્તિષ્કમાંથી કાઢવી મુશ્કેલ જ નહી પરંતુ અશક્ય પણ છે.ઘણી વખત વિચારોના વમળો ઉઠે કે જાણે એ સમયને સારી રીતે માણી નથી શક્યો પણ વ્યર્થ ! એ ઘડીઓ ફરી નથી આવવાની પણ હા એ મિત્રતાની મધુરતાનો કદી અંત નહી આવે.

W.D


હજુ જ્યારે પણ કોઈનો ફોન આવે તો મારા તે મિત્રોના ફોનનો જ આભાસ થાય... ફોન પર વાતોનો અંત જ ન આવે... હા, સાચે જ, હજુ એ મિત્રતા મરી પરવારી નથી એવો અનુભવ આવા સમયે જ થાય, બસ, લખવા માટે તો હાથ રોકી શકાય એમ નથી પણ... એક કામ યાદ આવી ગયુ... અરે.. અરે.. મેરે યાર કી શાદી હૈ... અને છેલ્લા એક મહિનાથી એના માટેની તૈયારીઓ ચાલુ હોવા છતાં એ પૂરી જ નથી થઈ રહી.. મારા બધા મિત્રોને હેપી ફ્રેંડશિપ ડે..........બધાના કોલની રાહ સાથે ......

કુલદિપ લહેરૂ ]]> Sun, 03 Aug 2008 12:17:19 +0530 Tue, 08 Apr 2014 19:50:59 +0530 વેબ દુનિયા <![CDATA[ફ્રેંડશીપ ડેનું અર્થતંત્ર]]> https://gujarati.webdunia.com/article/friendship-day-08/ફ્રેંડશીપ-ડેનું-અર્થતંત્ર-108080200028_1.htm https://gujarati.webdunia.com/article/friendship-day-08/ફ્રેંડશીપ-ડેનું-અર્થતંત્ર-108080200028_1.htm http: ગજેન્દ્ર પરમાર

W.D


આમતો આપણે દરેક બાબતોને પૈસાની સાથે સરખામણી કરીએ છીએ. પરંતુ જ્યા પ્રેમની વાત આવે ત્યા પૈસા પત્થર બની જતા હોય છે. બે મિત્રો વચ્ચેના પ્રેમનું પણ કઈ આવું જ છે. મિત્ર સામે હોય એટલે પૈસા સામે ન જોવાય. એટલે તે તેના માટે મોઘામાં મોઘી ગીફ્ટ, ચોકલેટ, બેલ્ટ વગેરે લઈ આવે, અને મલ્ટીપ્લેક્સમાં ફિલ્મ જોવા જવાનું તો પાકુ જ હોય જ કેમ.?

આપણે ભોગવેલી આ વસ્તુઓનું ઉત્પાદન સ્પેશિયલ ફ્રેંડશીપ ડે માટે મહિનાઓ પહેલા થતું હોય છે. મહિનાઓ પહેલા આ બધી વસ્તુઓથી માર્કેટ ઉભરાઈ જતુ હોય છે. અને માર્કેટરો મો માંગી કિંમત આપણી પાસે પડાવતા હોય છે. સાથે સાથે અનેક લોભામણી ઓફરો આવી જતી હોય છે. એસએમએસ ફ્રી સર્વીસ,રેડિયો પર ફોન કરો અને કપલ ટીકીટ જીતવાનો મોકો વગેરે વગેરે..

ખર્ચ ગમેતેટલો થાય થાય પરંતુ કોઈ પ્રેમી, કોઈ મિત્ર, પાછુ વળીને જોતો નથી. કારણ કે મિત્રતાના દિવસ કરતા મિત્રનુ મહત્વ વધારે હોય છે. એટલે જ તો મિત્રોને આર્થિક બાબત નડતી નથી હોતી. ફ્રેંડશીપમાં પૈસા પાર્ટીનું મહત્વ હોતુ નથી. અને હોવુ પણ ન જોઈએ. ન ગીફ્ટ, ન ફ્રેંડશીપ બેલ્ટ, ન મૂવી ન બીજા કોઈ પણ વૈતરા છતાં બધા મિત્રો ભેગા મળી કોલેજની લાઈબ્રેરીના પગથીયે કે કેન્ટીનની બહાર બેસીને એકબીજા સાથે વીતાવેલા દિવસોને વાગોળવાથી કે ભવિષ્યમાં વાગોળી શકાય એવા દિવસો ઘડવાથી પણ ફ્રેંડશીપ ડેની ભવ્ય ઉજવણી કરી શકાય. તમારૂ શું માનવું છે મિત્રો.?]]> Sat, 02 Aug 2008 18:57:22 +0530 Tue, 08 Apr 2014 19:50:59 +0530 વેબ દુનિયા <![CDATA[મહત્વ ગુમાવતો મિત્રતા દિવસ]]> https://gujarati.webdunia.com/article/friendship-day-08/મહત્વ-ગુમાવતો-મિત્રતા-દિવસ-108080200023_1.htm https://gujarati.webdunia.com/article/friendship-day-08/મહત્વ-ગુમાવતો-મિત્રતા-દિવસ-108080200023_1.htm http:

W.D


ફ્રેંડશીપ ડેને વર્ષોથી લોકો ઉજવતાં આવી રહ્યાં છે. આજથી વર્ષો પહેલાં જ્યારે આ દિવસની ઉજવણી કરવામાં આવતી હતી ત્યારે કદાચ લોકો આ દિવસને માત્ર મિત્રતા દિવસ તરીકે જ ઉજવતાં હતાં. તેઓ આ દિવસને કોઈ અન્ય લાગણી સાથે જોડતાં ન હતાં.

પરંતુ આજે ફ્રેંડશીપ ડેનું જે મહત્વ ઘટી રહ્યું છે તેનું કારણ તે છે કે આજના યુવાનો તેને સાચા અર્થમાં લઈ રહ્યાં નથી. યુવાનો માટે ફ્રેંડશીપ ડે એટલે કોઈને પ્રપોઝ કરવાનો દિવસ બની ગયો છે. પોતાના ખિસ્સાની અંદર ફ્રેંડશીપ બેલ્ટનો જથ્થો લઈને ફરતાં યુવાનો ન જાણે કેટલીય યુવતિઓને ફ્રેંડશીપ બેલ્ટ બાંધે છે અને ત્યાર બાદ પોતાની માળાજાળમાં ફસાવીને તેમની ભાવનાઓની સાથે ચેડા કરે છે. આવું ફક્ત યુવાનો જ કરે છે તેવું નથી પરંતુ આવુ કરવામાં હવે તો યુવતીઓ પણ પાછળ નથી.

ફ્રેંડશીપ ડેનો અર્થ છે કે આજના દિવસે તમે તમારા મિત્રની વધારે નજીક જાવ તેને સારી રીતે જાણો અને તેના સુખ દુ:ખમાં ભાગીદાર થાવ. તમને તેના માટે એક મિત્ર તરીકે કેટલો પ્રેમ છે તે દર્શાવો. પછી ભલેને તમારો મિત્ર છોકરો હોય કે છોકરી અને તે ગમે તે ઉંમરનો હોઈ શકે છે. મિત્ર બનાવવા માટે કોઈ સીમા બંધન હોતા નથી. મિત્ર આપણા જીવનનો એક એવો ખુણો છે કે જો તે ના હોય તો જીંદગીમાં અંધારૂ જ અંધારૂ હોત. તેની સામે આપણે દરેક પ્રકારની આપણી લાગણીઓને ઠાલવી શકીએ છીએ. આપણા ભારે હૈયાને શાંત કરી શકીએ છીએ. જીવનના દરેક સુખ દુ:ખની અંદર તે આપણી સાથે એક પડછાયાની જેમ ઉભો રહે છે. જો જીવનમાં કોઈ મોટી આપત્તિ આવી પડે તો આપણને સાંત્વના આપે છે.

તો પછી જીવનની અંદર આટલુ બધું મહત્વ ધરાવતાં એવા આપણા પરમ મિત્રને ફક્ત એક મિત્ર જ રહેવા દઈને તેની મિત્રતાને હંમેશા આપણા માટે વધારે મહત્વની બનાવી દેવી જોઈએ. ]]> Sat, 02 Aug 2008 17:53:47 +0530 Tue, 08 Apr 2014 19:50:59 +0530 પારૂલ ચૌધરી <![CDATA[કેટલી સુંદર મિત્રતા]]> https://gujarati.webdunia.com/article/friendship-day-08/કેટલી-સુંદર-મિત્રતા-108080200018_1.htm https://gujarati.webdunia.com/article/friendship-day-08/કેટલી-સુંદર-મિત્રતા-108080200018_1.htm http:

W.D

તારો મારો સાથ, જાણે બાગમાં ખીલતું ગુલાબ,
કેવી તાજી અને સુવાસિત આપણી મિત્રતા છે.

તારી મારી વાતો જાણે વસંતમાં મોર ગાતો
કેટલી મીઠી અને સુરીલી આપણી મિત્રતા છે.

તારો મારો વિશ્વાસ, જાણે મંદિરમાં ઈશ્વરનો વાસ,
કેટલી સાચી અને પવિત્ર આપણી મિત્રતા છે.

તારો મારો ઝઘડો જાણે હાથમાં રેતી પકડો
કેટલી સીધી અને સાદી આપણી મિત્રતા છે.

તારું મારું જીવન જાણે સમુદ્ર કિનારાનો પવન
કેટલી કોમળ અને ઠંડી આપણી મિત્રતા છે.]]> Sat, 02 Aug 2008 17:30:17 +0530 Tue, 08 Apr 2014 19:50:59 +0530 કલ્યાણી દેશમુખ <![CDATA[મોટા બની ગયા છે બાળપણના દોસ્ત]]> https://gujarati.webdunia.com/article/friendship-day-08/મોટા-બની-ગયા-છે-બાળપણના-દોસ્ત-108080200013_1.htm https://gujarati.webdunia.com/article/friendship-day-08/મોટા-બની-ગયા-છે-બાળપણના-દોસ્ત-108080200013_1.htm http:

N.D

એ રીતે સાથ દે છે સદા એક ક્ષણના દોસ્ત
પગલાં બની ગયા છે તમારા ચરણના દોસ્ત,

ઊભરો રહે ન દિલમાં ન બદનામીનો ડર,
શોધુ છુ ભેદ કહેવાને નબળાં સ્મરણના દોસ્ત

એના લીધે નિભાવી લીધી કંઈક દોસ્તી
બાકી અમે અહીં હતા બસ એક જણના દોસ્ત

હિમંતની એ ઊણપ હો કે કિસ્મતની વાત હોય
ખાબોચિયામાં તરમાં દીઠા છે ઝરણન દોસ્ત

એનું થવાનું એ જ કે પટકાશે આમતેમ
દરિયાના મોજેમોજા થયા છે તરણના દોસ્ત

તારા લીધે ખુવાર થયો છુ જહાનમાં
ઢાંકણ એ ભેદના બુરા આચરણના દોસ્ત

ઓ દોસ્ત કોઈ દોસ્તનો નથી એમા કસૂર
વાતાવરણ બનાવે છે, વાતાવરણના દોસ્ત

ક્યારે વજન હું એમનુ પામીશ શું ખબર
કંકર લઈને તોળું છુ લાખ મણના દોસ્ત

જઈને વતનમાં એટલુ જોયું અમે 'મરીઝ'
મોટા બની ગયા છે બધા બાળપણના દોસ્ત. ]]> Sat, 02 Aug 2008 16:22:34 +0530 Tue, 08 Apr 2014 19:50:59 +0530 વેબ દુનિયા <![CDATA[શુ તમે સાચા મિત્ર છો ?]]> https://gujarati.webdunia.com/article/friendship-day-08/શુ-તમે-સાચા-મિત્ર-છો-108080200011_1.htm https://gujarati.webdunia.com/article/friendship-day-08/શુ-તમે-સાચા-મિત્ર-છો-108080200011_1.htm http:

satmeet

આજે આપણી દિનચર્યા એટલી વ્યસ્ત થઈ ગઈ છે કે સવારથી સાંજ કેવી વીતી જાય છે તે ખબર જ નથી પડતી. કદી ક્દી એટલા કામ હોય છે કે કોઈને જોવાનો કે કોઈનુ સાંભળવાનો પણ સમય નથી હોતો, અને જ્યારે આપણે ફ્રી હોઈએ છીએ ત્યારે આપણી પાસે કોઈ નથી હોતુ. ઘણીવાર એવી ઘટનાઓ બની જાય છે જેનાથી આપણે પરેશાન થઈ જઈએ છીએ અને જે આપણી ઉદાસીનુ કારણ બની જાય છે. આવા સમયે થાય છે કે સારુ હોત, કે આપણો પણ કોઈ મિત્ર હોત, પણ એ સમયે આપણી પાસે કોઈ નથી હોતુ.

એક સાચા મિત્રની શોધ કરવી સહેલી નથી. આપણે મોટાભાગે એવુ જ કહીએ છીએ કે અત્યાર સુધી એવુ કોઈ મળ્યુ જ નથી. આપણે હંમેશા બીજાઓથી આશા રાખીએ છીએ. કદી એવુ નથી વિચારતા કે કોઈ તમારાથી પણ અપેક્ષા રાખે છે, કોઈને તમારી જરૂર છે. મિત્રતા દુનિયામાં સૌથી સુંદર સંબંધ છે. આ એક એવુ ફૂલ છે જે ન કદી કરમાય છે કે ન કદી તેની સુંગંધ ઓછી થાય છે. બસ, જરૂર છે પ્રેમ અને વિશ્વાસના પાણીથી તેને સીંચવાની. ઘણીવાર એવુ બને છે કે જે સમયે આપણા સંબંધીઓ આપણો સાથ છોડી દે છે ત્યારે મિત્રો જ આપણને કામ આવે છે. આવા સમયે મિત્રતાની ઓળખ થાય છે.

મોટાભાગે એવુ બને છે કે શાળા-કોલેજના છોકરા છોકરીઓ કહે છે કે આ મારો બેસ્ટ ફ્રેંડ કે મિત્ર છે પરંતુ શુ તમે તેના બેસ્ટ ફ્રેંડ છો ? દરેક વ્યક્તિની એક અલગ દુનિયા હોય છે, પણ એ બધાથી જુદી એક દુનિયા હોય છે. જેમા તેના માતા-પિતા, ભાઈ-બહેન, સંબંધીઓ હોય છે, પણ તેનાથી પણ એક જુદી દુનિયા હોય છે. આ દુનિયામાં તેની નજીક એ હોય છે જે તેના સારા મિત્રો હોય છે, જેને તે પસંદ કરે છે, જે તેની દુનિયાનો મહત્વનો ભાગ હોય છે. એ વખતે કેટલુ સારુ લાગે છે જ્યારે કોઈ આપણને તેની દુનિયામાં મહત્વ આપે છે. પોતાની દરેક વાત આપણને બતાવે છે. અને જેના બધી ગુપ્ત વાતો આપણે જાણતા હોઈએ છીએ. જ્યારે આપણે કોઈનાથી દૂર હોઈએ અને જ્યારે તેને આપણી કમી અનુભવાય તો કેટલુ સારું લાગે છે. કેટલુ સારુ લાગે છે જ્યારે આપણે કોઈની પ્રેરણા બની જઈએ છીએ.

મૈત્રી લાગણીનો એક અતૂટ ભાગ છે. આ પ્રેમનો સુખદ અનુભવ છે. આપણો થોડો પ્રેમ તેનામાં નવો જીવ પૂરી દે છે. એ માણસ કદી પોતાની જાતને એકલો નથી અનુભવતો જેને સાચો મિત્ર મળી જાય છે. ]]> Sat, 02 Aug 2008 16:21:46 +0530 Tue, 08 Apr 2014 19:50:59 +0530 વેબ દુનિયા <![CDATA[ફેન્ડશીપ વીથ પેટ્સ.......]]> https://gujarati.webdunia.com/article/friendship-day-08/ફેન્ડશીપ-વીથ-પેટ્સ-108080200010_1.htm https://gujarati.webdunia.com/article/friendship-day-08/ફેન્ડશીપ-વીથ-પેટ્સ-108080200010_1.htm http:

N.D


મિત્રતા કોને કહેશો તમે? શુ ફક્ત માણસો વચ્ચેના સંબંધને જ આપણે મિત્રતા કહી શકીએ. શું બે માણસો વચ્ચે જ સાચી જ મિત્રતા બંધાય ? શું ક્યારેય માણસ કે કોઈ પ્રાણી વચ્ચે મિત્રતા ન હોઈ શકે? આજે જ્યારે માણસ એક બીજા માણસ પ્રત્યે વિશ્વાસ ગુમાવતો જાય છે ત્યારે પ્રાણીઓની વફાદારી માણસ કરતાં બે વેંત ઉંચેરી મનાય છે.

ફ્રેંડશીપ ડેના દિવસે આપણે ફક્ત આપણા મિત્રો સાથે જ ફરીએ છીએ, તેમની સાથે પીકનીક પર જઈએ છીએ, તેમને ગીફ્ટ આપીએ છીએ અને આખો દિવસ તેમની સાથે જ પસાર કરીએ છીએ તો પછી આજના દિવસે માણસોનાં મિત્રો ગણાંતા એવાં પ્રાણીઓને કેમ ભુલી જવાય?

N.D


ઘણાં લોકો પોતાની પસંદગીના પેટ્સ રાખે છે. કેટલાયને પ્રાણીઓ, પક્ષીઓ તેમજ પશુઓને પાળવાનો શોખ હોય છે જેમકે કોઈને બિલાડી, કુતરાઓ, પોપટ, કબુતર તેમજ અન્ય જુદા જુદા પશુઓને પણ પાળવાનો શોખ હોય છે. આ પ્રાણીઓને પાળવા તે જ ફક્ત પુરતુ નથી પરંતુ થોડા સમય અંતરે તેમની સાથે જે મિત્રતાનો સંબંધ બંધાઈ જાય છે તે ખુબ જ અગત્યની છે.

પ્રાણીઓ સાથેની મિત્રતા પણ એક અલગ જ સંબંધ છે. જો આપણા ઘરમાં કોઇ પાલતું પ્રાણી હોય તો તે ઘરના એક સભ્યના જેટલો હક ભોગવે છે. તેને રહેવાની, જમવાની એક અલગ સગવડ કરાય છે. વધુમાં ક્યારેક જો આપણે બહાર જવાનું થાય તો પાલતુ પ્રાણીની આપણે પહેલ ચિંતા થાય છે. આપણી ગેરહાજરીમાં તેની સાર સંભાળ કોણ લેશે? તેને સમયસર જમવાનું કોણ આપશે? સહિતની ચિંતા તેના માલિકને કોરી ખાય છે. છેવટે તે આ બધી વ્યવસ્થા કરીને જ બહાર જાય છે.

શુ આ એક અનોખો પ્રેમ નથી દર્શાવતો? ઘણાં ઘરમાં તો મા-બાપ જેટલો પ્રેમ બાળકોને આપે છે તેટલો જ પ્રેમ પશુઓને અને પ્રાણીઓને પણ આપે છે.

N.D


ફક્ત મનુષ્ય જ મનુષ્યનો સાચો મિત્ર બની શકે તેવું નથી પરંતુ પ્રાણીઓ પણ મનુષ્યના સાચા મિત્રો સાબિત થયા છે. જેટલો વફાદાર મનુષ્ય નથી રહેતો તેટલા વફાદાર પ્રાણીઓ રહે છે. ઘણાં પ્રાણીઓને પણ એટલી સુઝ હોય છે કે જો તેમનો માલિક અમુક દિવસ સુધી બહાર ગામ જાય તો તેઓ ખાવાનું પણ નથી ખાતાં અને જો તેમના માલિકનું મૃત્યું નીપજે તો તેઓ પણ શોક મનાવે છે. તો આટલી બધી સમજણ અને પ્રેમ દાખવતાં આપણાં પ્રાણીઓને આપણે આજના દિવસે કેવી રીતે ભુલી શકીએ?

આ અંગે તમને જણાવું કે 2000ની સાલમાં જ્યારે ગુજરાતમાં ભુકંપ આવ્યો તેના અમુક દિવસ બાદ છાપામાં અમુક કિસ્સાઓ વાંચવા મળતાં હતાં કે, જો આજે હું આ ધરતી પર હોઉ તો તે મારા કુતરાને લીધે. કેમકે જ્યારે ભુકંપ આવવાનો હતો ત્યારે તે મને ખેચીને ઘરમાંથી બહાર લઈ આવ્યો હતો. આવા અનેક કિસ્સા છાપામાં આવ્યાં હતાં. તો પ્રાણીઓને પણ એટલી સમજ પડે છે કે મારા માલિક જે મારા માટે આટલું બધું કરે છે તેમનું ઋણ ચુકવવાનો વારો આજે આવી ગયો છે.

તો પછી આજના દિવસે આપણે આટકા બધા પ્રેમાળ મિત્રોને પણ યાદ રાખીને તેમની સાથે મિત્રતા જેવું વર્તન કરવું જોઈએ. ]]> Sat, 02 Aug 2008 16:21:19 +0530 Tue, 08 Apr 2014 19:50:59 +0530 પારૂલ ચૌધરી <![CDATA[મિત્રોની વ્યાખ્યા તમે શું કરો છો?]]> https://gujarati.webdunia.com/article/friendship-day-08/મિત્રોની-વ્યાખ્યા-તમે-શું-કરો-છો-108080200009_1.htm https://gujarati.webdunia.com/article/friendship-day-08/મિત્રોની-વ્યાખ્યા-તમે-શું-કરો-છો-108080200009_1.htm http:

W.D


આપણે એક ગુજરાતીમાં મિત્રતા માટે ખુબ જ પ્રખ્યાત કહેવત છે કે -

મિત્ર એવો શોધવો કે ઢાલ સરીખો હોય.
સુખમાં પાછળ પડી રહે દુખમાં આગળ હોય.

મિત્રનો અર્થ શું થાય જાણો છો તમે? મિત્ર એટલે-

- જેમાં તમે તમારુ પોતાનું પ્રતિબીંબ જોઇ શકો. મિત્રએ તમારો અરીસો છે.

- એક સારો મિત્ર જો તમારી જોડે હશે તો તમારે હજારો સંબંધીઓની પણ જરૂર નથી.

- કોઇ પણ માણસ નકામો નથી જો એ કોઇનો સારો મિત્ર હોય તો.

- મિત્રો એટલે બે શરીર અને એક આત્મા.

- અજવાળામાં એકલા ચાલવા કરતાં અંધારામાં મિત્ર સાથે ચાલવું વધું સારુ.

- કઈ પણ બોલ્યા વિના આપણી આંખો જોઇને આપણું દુખ સમજી જાય તે મિત્ર.

- સાત સમુદ્ર પાર હોય છતાં પણ આપણા દુખને અનુભવી શકે તે મિત્ર.

- આપણી સફળતા જોઇને આપણા કરતાં પણ વધું ખુશ થાય તે મિત્ર.

W.D


- મિત્ર એક ગુલાબ એક ગુલાબ છે તે તમારા જીવનને તેની સુગંધથી ભરી દે છે.

- અંધારામાં એક આશાનું કિરણ એટલે મિત્ર.

- મુશળધાર વરસાદમાં પણ તમારા આંસુને ઓળખી લે તે મિત્ર.

- કોઇ પણ ઇચ્છાને કહ્યા વિના પુરી કરી દે તે મિત્ર.

- તમારી આંખમાંથી પડતાં આંસુ ઝીલી લે તે મિત્ર.

- તમારા આંખમાંથી કદી પણ આંસુનું એક ટીપું પણ પડવા ન દે તે મિત્ર.

- દુખમાં પણ હંમેશા તમારી આગળ ચાલે તે મિત્ર.

- મિત્ર એટલે જેની પર તમે આંખો બંધ કરીને વિશ્વાસ કરી શકો.

- પ્રેમ આંધળો હોય છે પરંતુ મિત્રતાને તો આંખો હોય છે.
]]> Sat, 02 Aug 2008 15:13:58 +0530 Tue, 08 Apr 2014 19:50:59 +0530 પારૂલ ચૌધરી <![CDATA[મારા મિત્રો મારા પુસ્તકો]]> https://gujarati.webdunia.com/article/friendship-day-08/મારા-મિત્રો-મારા-પુસ્તકો-108080200008_1.htm https://gujarati.webdunia.com/article/friendship-day-08/મારા-મિત્રો-મારા-પુસ્તકો-108080200008_1.htm http:

N.D

મારા પ્રિય મિત્રો મારા પુસ્તકો છે
જેમણે મારા જીવનને જ્ઞાનથી ભર્યુ છે

હું હતી એક ખાલી ખોખું
તેમણે મગજ મારું વિવિધતાથી ભર્યુ છે

જ્યારે હું અટવાઈ દુનિયાની અટકળોમાં ત્યારે
તેમણે ગુરૂ બનીને મને રાહ બતાવી છે

પુસ્તકોના રંગબેરંગી શબ્દોથી જીવન મારુ રંગાયુ છે
મેં ભલે તેમને કંઈ ન આપ્યુ પણ તેમણે મારું જીવન ઉજાળ્યુ છે

તેમનુ આ કર્જ ઉતારુ, તેમને પણ બદલામાં કાંઈક આપુ
પણ એ તો છે ગુરૂના ગુરૂ, તેમને બસ આપવામાં જ આનંદ આવે છે.]]> Sat, 02 Aug 2008 15:13:29 +0530 Tue, 08 Apr 2014 19:50:59 +0530 કલ્યાણી દેશમુખ <![CDATA[બદલાઈ ગયો મિત્રતાનો અર્થ]]> https://gujarati.webdunia.com/article/friendship-day-08/બદલાઈ-ગયો-મિત્રતાનો-અર્થ-108080200007_1.htm https://gujarati.webdunia.com/article/friendship-day-08/બદલાઈ-ગયો-મિત્રતાનો-અર્થ-108080200007_1.htm http:

W.D


રસ્તાઓ પર વધતો જતો ટ્રાફીક દેશની પ્રગતિનું પ્રતિક નથી પરંતુ દેશની બરબાદીનું પ્રતિક છે. આ ભલે કોઈના ગળે ઉતરે કે ના ઉતરે પરંતુ ઉતરી પણ કેવી રીતે શકે સાચી વાત તો બધાને કડવી જ લાગતી હોય છે ને! આ વધતો જતો ટ્રાફીક આપણી પાસે ઓછા પડતાં સમયની નિશાની છે. ઓફીસે જલ્દી પહોચવા માટે આપણે વાહનનો સહારો લઈએ છીએ પરંતુ તે છતાં પણ આપણને સમય ઓછો પડે છે. નાનપણની અંદર જ્યારે શિક્ષક કહેતાં હતાં કે દિકરા જો તમારા શહેરની અંદર વધારે પડતી મેડિકલની દુકાનો થઈ જાય તો એમ ન સમજતાં કે તમારૂ શહેર પ્રગતિના પંથે છે પરંતુ એવું વિચારજો કે આ શહેરની અંદર બિમારી અને બેરોજગારી વધી ગઈ છે.

આપણી વાહન તો છે પરંતુ મિત્રો અને દોસ્તોને મળવા માટેનો સમય નથી. હા યાદ આવ્યું 3જી ઓક્ટોમ્બરે તો મિત્રતા દિવસ છે. ચાલો છેવટે આ દિવસે તો ભુલી ગયેલા મિત્રોની યાદ આવી જાય છે. આની અંદર કોઈ જ બે મત નથી કે આપણે જીંદગીની અંદર કરિળિયાની જાળમાં એટલા બધા ફસાતા જઈએ છીએ કે મિત્રતાનો સાચો અર્થ જ ભુલી ગયાં. આપણને મિત્રોની યાદ ક્યારે આવે છે જ્યારે આપણને કોઈ કામ પડે કે પછી આપણે કોઈ મોટી મુશ્કેલીમાં મુકાઈ ગયાં હોઈએ. ત્યારે પણ આપણે એટલી વાત કહીને ખંખેરી નાંખીએ છીએ કે યાર મિત્રતામાં કંઈ પુછવાની જરૂરત હોય છે? તેમાં તો ફકત એક જ વખત કહેવું પડે?

W.D


આજે મિત્રતા કંઈક એવી થઈ ગઈ છે કે ચાલતાં-ચાલતાં ગલીની અંદરના છોકરાઓ સાથે મિત્રતા થઈ ગઈ, જ્યારે ભણવાની ઉઁમર થઈ ત્યારે સહાધ્યાયીઓને મિત્રો બનાવી લીધા, જ્યારે નોકરી મળી ત્યારે સહકર્મચારીઓને મિત્રો બનાવી લીધા. જેમ જેમ આગળ વધતાં ગયાં તેમ તેમ જુના મિત્રોને ભુલતાં ગયાં અને નવા મિત્રોનાં રંગમાં રંગાતા ગયાં. આ કેવી મિત્રતા છે જે આગળ વધતાં પગલાંઓની સાથે પુરી થઈ જાય છે. આપણે જુના મિત્રોને જુના વિચારોની જેમ કેમ ભુલી જઈએ છીએ.

જેને તમે સાચો મિત્ર માનો છો તે ફક્ત એકબીજા લોકોની જેમ જ તમારી સાથે જોડાયેલ છે જે બીજાઓ કરતાં થોડોક વધારે તમારી નજીક છે. મિત્રો તો આપણા શ્વાસ કરતાં પણ વધારે આપણી નજીક હોય છે. જો તમને આ વાત ખોટી લાગતી હોય તો એક વખત ઝગડો કરીને જુઓ જ્યા સુધી તમે સામે ચાલીને નહિ જાવ કે તેના મનમાં કઈક સ્વાર્થ પેદા નહી થાય ત્યાર સુધી તે તમારી સાથે વાત નહી કરે.

W.D


આજકાલના મિત્રો એકબીજાને કદાચ એટલા જ જાણે છે જેટલા બસની અંદર મળેલા બે મુસાફર. કરાણ કે આટલા બધા ફાસ્ટ યુગની અંદર કોઈની પાસે ટાઈમ જ ક્યાં છે એકબીજાને જાણવાનો! ઘણાં દિવસો થાય એટલે મિત્રની યાદ આવતાં ફકત ફોન પર જ હેલ્લો હાય કરી લે છે. પણ મળવાની વાત આવે એટલે સોરી યાર હાલ ટાઈમ નથી થોડુક વધારે કામ છે પણ હા ફરી વખત ચોક્કસ મળીશું.

ભલે કોઈ માને કે ના માને પણ મિત્રતાની વ્યાખ્યા દિવસે દિવસે બદલાતી જઈ રહી છે. જેણે આપણી સાથે સારી રીતે વાતચીત કરી તે આપણો દોસ્ત આપણા વખાણ કર્યા તે આપણો દોસ્ત પરંતુ જેણે આપણી સાથે સારી રીતે વાતચીત ન કરી અને આપણને બે કડવા વહેણ કહી દિધા તે દોસ્તની યાદીમાંથી નીકળી જશે. ]]> Sat, 02 Aug 2008 14:39:24 +0530 Tue, 08 Apr 2014 19:50:59 +0530 પારૂલ ચૌધરી <![CDATA[પુસ્તકો પણ છે આપણા સાચા મિત્રો!]]> https://gujarati.webdunia.com/article/friendship-day-08/પુસ્તકો-પણ-છે-આપણા-સાચા-મિત્રો-108080200006_1.htm https://gujarati.webdunia.com/article/friendship-day-08/પુસ્તકો-પણ-છે-આપણા-સાચા-મિત્રો-108080200006_1.htm http:

W.D


ઘણાં લોકોને પુસ્તકો વાંચવાનો ખુબ જ શોખ હોય છે. એક કહેવત છે કે વિદેશમાં વિદ્યા મિત્ર સમાન છે. અને વિદ્યા મળે છે પુસ્તકો દ્વારા. તો તે પણ આપણા સારા મિત્રો થયાં ને! માણસનો સાથ ભલેને એક માણસ છોડી દે પરંતુ પુસ્તકો તો હંમેશા તેની સાથે રહે છે. પછી ભલે ને સુખ હોય કે દુ:ખ, તડકો હોય કે છાંયડો તે હંમેશા સાચા મિત્રની જેમ આપણી સાથે રહે છે.

દુનિયામાં દરેક સંબંધ કદાચ ખોટો સાબિત થઈ શકે છે પરંતુ પુસ્તકો સાથેની મિત્રતાનો સંબંધ ક્યારેય પણ ખોટો સાબિત થતો નથી. તે સુખની અંદર આપણી સાથે હસે છે તો દુ:ખની અંદર આપણી સાથે રડે પણ છે. ભલે દુ:ખના સમયે દુનિયાનો કોઈ વ્યક્તિ આપણી પાસે ન હોય અને આપણા આંસુઓને બંધ કરનાર ન હોય તે સમયે પણ પુસ્તક જ મિત્ર બનીને કામમાં આવે છે.

પુસ્તક દ્વારા આપણે દરેક વ્યક્તિની લાગણીને સમજી શકીએ છીએ. તેના દ્વારા આપણી ભુતકાળને પણ વાંચી શકીએ, ઈતિહાસ વિશે જાણી શકીએ છીએ. મહાન લેખકોનાં વિચારોથી પણ પરિચિત થઈ શકીએ છીએ. પુસ્તકોનો સંસાર ખુબ જ વિશાળ છે. દુનિયાની નાનામાં નાની બાબત તેની અંદર તેની અંદર સમાયેલી છે. દુનિયાના સુકા રણવિસ્તારથી લઈને ખળ ખળ વહેતી નદીઓ સુધી દરેકની વિગત છે જેના દ્વારા તે આપણને દેશ-દુનિયાનો પરિચય કરાવે છે.

ઘરે બેઠા બેઠા પુસ્તક દ્વારા દુનિયાની કઈ વસ્તુ ક્યાં આવેલી છે? કયું સ્થળ ક્યાં છે? સમાજ વ્યવસ્થા કેવી રીતે અસ્તિત્વમાં આવી? કયા મહાન માણસો કેટલો સંઘર્ષ કરીને આગળ આવ્યાં? કોની જીંદગીમાં શું ચાલી રહ્યું છે? દુનિયાના કયા ખુણામાં શુ બન્યું હતું? મહાન સંતોએ શું કહ્યું? તેમના બોધપાઠ દરેકે દરેક વસ્તુનો સમાવેશ આ પુસ્તકોએ પોતાની અંદર કરી લીધો છે. એક મનુષ્ય મિત્ર કરતાં તો પુસ્તકો કદાચ કોઈને વધારે દિલાસો આપી શકે છે. એક દોસ્ત તરીકે તે વધું સારી જાણકારી આપી શકે છે.

જીવનના દરેક ખુણેથી જોઈએ તો દુનિયામાં મિનિટે મિનિટે બદલાવ થઈ રહ્યો છે. દરેક વસ્તુ બદ્લાઈ રહી છે પરિસ્થિતિ બદલાઈ રહી છે, માણસો પણ બદલાઈ જાય છે અને ઘણી વખતે તો મિત્રો પણ બદલાઈ જાય છે. પરંતુ પુસ્તક મિત્ર તો પહેલાં જેવાં હતાં તેવાં ને તેવા મરણાંત સુધી સાથે રહે છે અને દેશ દુનિયાનું જ્ઞાન આપણને આપે છે. તો મિત્રો આજના દિવસે આ પુસ્તક મિત્રો પણ ભુલશો નહિ. ]]> Sat, 02 Aug 2008 14:23:28 +0530 Tue, 08 Apr 2014 19:50:59 +0530 પારૂલ ચૌધરી <![CDATA[મિત્રતા કેવી હોવી જોઈએ ?]]> https://gujarati.webdunia.com/article/friendship-day-08/મિત્રતા-કેવી-હોવી-જોઈએ-108080100029_1.htm https://gujarati.webdunia.com/article/friendship-day-08/મિત્રતા-કેવી-હોવી-જોઈએ-108080100029_1.htm http:

satmeet

સર્વોત્તમ મિત્રતા એક વૃત્ત જેવી હોય છે, જેનો કોઈ પ્રારંભ કે અંત બિન્દુ નથી હોતો. મિત્ર કપડાંની જેમ રોજરોજ બદલાતો નથી. મિત્રનો મતલબ છે એક એવો વ્યક્તિ જે તમારા સુખ-દુ:ખમાં દરેક સમયે તમારી સાથે રહે. જ્યારે તમને તેની ઉણપ લાગે ત્યારે તે તમારી સામે હોય, પરંતુ નાની-મોટી ગેરસમજો અને અવિશ્વાસને કારણે મૈત્રીમાં દરાર આવી જાય છે અને ખૂબ જ વિશ્વાસથી બતાવેલા રહસ્યો ઉધાડા પડી જાય છે.

આવી સ્થિતિમાં કદી ઉભી ન થાય એ માટે કેટલીક વાતો પર ધ્યાન આપવુ જોઈએ. રહસ્યને રહસ્ય જ રહેવા દો, મિત્રો હમરાજ હોય છે. ઘણા વિશ્વાસની સાથે
એક બીજાને બેઘડક પોતાની ખાસ વાતો એક બીજાને જણાવે છે. પરંતુ ખરાબ ત્યારે થાય છે જ્યારે એક મિત્ર એ વિશ્વાસને તોડીને મિત્રના રહસ્યો બીજા સામે ખોલી નાખે છે. તેથી એક સારી મૈત્રીનો એક સિધ્ધાંત છે કે કોઈ પણ પરિસ્થિતિમાં પરસ્પર એકબીજાના રહસ્યો કોઈને બતાવવા જોઈએ નહી.

આલોચના કરો પણ સાચવીને, તમારા મિત્રમાં હંમેશા ઉણપો શોધવાનુ ટાળો. તેની સકારાત્મક વાતોની પ્રશંસા કરો. તેથી એ તમારી આલોચનાઓનો પણ સ્વીકાર કરી શકે. તેના ગુણો અને તેની ઉણપોના વિશે નિષ્પક્ષ થઈને તમારા વિચાર જણાવો. જો તમને તમારા મિત્રની કોઈ વાત કે આદત સારી નથી લાગતી, જેમ કે તેનુ વાત-વાતમાં રિસાઈ જવુ કે નાની-નાની વાતો પર રડી પડવુ કે પછી તમને તેનો કોઈ ડ્રેસ ગમતો ન હોય કે પછી એવુ લાગે કે તેનુ વજન વધી રહ્યુ છે તો તેના વિશે તેને જણાવો, પરંતુ એક ટીકાકાર રૂપે નહી, એક શુભચિંતક બનીને.

સારા મિત્રો એકબીજાની સારી વાતોના વખાણ કરે છે અને નબળાઈઓ પ્રત્યે પરિપક્વ રીતે પ્રતિક્રિયા વ્યક્ત કરે છે અને તેને દૂર કરવા એક બીજાને પ્રોત્સાહન આપે છે. એકબીજાને મદદ કરો. પોતાની દરેક સમસ્યા કે મુશ્કેલીમાં તમારા મિત્રને કારણ વગર ન જોડો. પરંતુ જાતે દરેક મુશ્કેલીનો હલ કાઢતા સીખો. પરંતુ જરૂર પડે તો તેની મદદ અવશ્ય માંગો. મદદ લેવાની સાથે સાથે મદદ આપતા કરતા પણ સીખો. દુ:ખમાં પણ મિત્રની પડખે રહો. તમે મજાક-મસ્તી, હરવા-ફરવામાં તો હંમેશા તમારી મિત્રોની સાથે રહો જ છો, પરંતુ દુ:ખ કે મુશ્કેલીના સમયે પણ તમારે તમારા મિત્રનો સાથ આપવો જોઈએ. મુસીબત સમયે આગળ વધીને મિત્રનો સાથ આપો.

તેને આ વાતનો અહેસાસ કરાવો કે તમે દરેક સમયે તેની સાથે છો, દરેક નાની-મોટી મુશ્કેલીમાં તેની પાસે ચો. જો આવા સમયે એ તમારી સાથે વાત કરવા ન માંગતો હોય તો થોડુ ધીરજથી કામ લો અને તેને થોડો સમય આપો. સાથે સાથે એ પણ બતાવો કે તમે તેની પરવાહ કરો છો.

દોસ્તીને મજાક ન બનાવો. જો બીજા લોકો તમારા મિત્ર વિશે કોઈ ઉણપ કે ખરું ખોટુ કહે તો એ સમયે તેમના ટોળામાં જોડાવવાને બદલે તમારા મિત્રનો સાથ આપો. આલોચકોની ટોળીમાં જોડાઈને આગમાં ઘી નાખવાનુ કામ ન કરો. આવા સમયે વિષય બદલવાનો પ્રયત્ન કરો કે પછી ત્યાંથી નીકળી જવુ યોગ્ય છે. તમારો મિત્ર તમારા પર વિશ્વાસ કરે છે અને તમને એક સારો મિત્ર માને છે. બીજાની સામે તમારી મિત્રતાને એક મજાક ન બનાવો. તમે તેને એની ભૂલ વિશે એકાંતમાં જણાવી શકો છો.

મૈત્રી કરી છે તો તેને નિભાવતા પણ સીખો. કપડાની જેમ મિત્રો ન બદલો. મિત્રનો મતલબ છે એક એવો માણસ જે દરેક સમયે તમારો સાથ આપે. ટૂંકમાં કહેવુ છે કે તમારી શાળાના મિત્ર હોય કે, કોલેજના મિત્ર હોય કે પછી તમારી સાથે કામ કરતા તમારા ઓફિસના મિત્રો હોય, તમારો આવો વ્યવ્હાર એ બતાવે છે કે તમારી મૈત્રી સ્થાયી નથી. તમારી મૈત્રી ઋતુની જેમ છે, જે થોડા સમય પછી બદલાઈ જાય છે. શાળા, કોલેજ કે ઓફિસ સિવાયના સમયે પણ તમારા મિત્રો સાથે સંપર્ક રાખો. ]]> Fri, 01 Aug 2008 18:30:23 +0530 Tue, 08 Apr 2014 19:50:59 +0530 વેબ દુનિયા <![CDATA[સાચા મિત્રો : પતિ પત્ની]]> https://gujarati.webdunia.com/article/friendship-day-08/સાચા-મિત્રો-પતિ-પત્ની-108080100030_1.htm https://gujarati.webdunia.com/article/friendship-day-08/સાચા-મિત્રો-પતિ-પત્ની-108080100030_1.htm http:

N.D

ભારતમાં સૌથી સારો કોઈ રીત રિવાજ હોય તો એ છે વિધિસર લગ્ન કરાવવાનો રિવાજ. જ્યારે પતિ પત્ની અગ્નિના સાત ફેરા ફરે છે તો મન એક અનોખા બંધનમાં બંધાઈ જાય છે. આ સાત ફેરા એટલે જ ....

પ્રથમ ફેરો - એકબીજાને વફાદાર રહેવાનુ વચન

બીજો ફેરો - એકબીજા પર વિશ્વાસ કરવાનુ વચન

ત્રીજો ફેરો - સુખ અને દુ:ખમાં એકબીજાને સાથ આપવાનુ વચન

ચોથો ફેરો - ઘરની જવાબદારીમાં બરાબરીનો ફાળો આપવાનુ વચન

પાંચમો ફેરો - બાળકોના વિકાસમાં બંનેની બરાબરીની જવાબદારી

છઠ્ઠો ફેરો - એકબીજાનો સાથ નિભાવવાનુ વચન

સાતમો ફેરો - એકબીજાના મિત્રો બનીને રહેવાનુ વચન

તમને એવુ લાગતુ હશે કે પતિ-પત્ની પ્રેમી હોઈ શકે, પણ મિત્રો કેવી રીતે હોઈ શકે. કારણ કે ઘણા લોકોનુ એવુ તર્ક રહે છે કે જે વાત એક મિત્ર સમજી શકે તે પતિ ન સમજી શકે. પરંતુ આ વાતમાં કોઈ તથ્ય નથી. જો તમે એકબીજાને ખૂબ પ્રેમ કરો છો, એકબીજા પર વિશ્વાસ કરો છો તો પછી તમે એકબીજાના બેસ્ટ ફ્રેન્ડ છો જ.

મારું તો કહેવુ છે કે તમારે સફળ લગ્ન જીવન જીવવુ હોય તો જરૂરી છે કે તમે તમારા જીવનસાથીને મિત્ર બનાવો. જેની સાથે જીંદગી વિતાવવાની હોય જો એ આપણો મિત્ર બની જાય તો જીવન વધુ સરળ અને સુંદર બની જાય છે. જીંદગીની બધી મુશ્કેલીઓ હળવી લાગે છે. જીવનમાં કોઈ મુશ્કેલી આવે તો મન કહે છે - કોઈ વાંધો નહી મારો જીવનસાથી મારી સાથે છે જ ને.

આજે ઘણા કપલ્સ એવા જોવા મળે છે જે પહેલા મિત્રો હતા પણ હવે પતિ-પત્ની છે. જે જીવનસાથી તમે કશુ કહો તે પહેલા જ તમારી વાત સમજી જાય, તમારી દરેક જરૂરિયાતને અનુભવી શકે, ચહેરો જોઈને સમજી જાય કે તમે ખુશ છો કે દુ:ખી છો. એનાથી વધુ સારો મિત્ર તમને મળી શકે ખરો ?

જે જીવનસાથી સાથે આપણે જીંદગી વિતાવવાની છે તેને માત્ર એક સમાજમાં ઓળખ બતાવનારુ પાત્ર સમજીને રહેવાથી લગ્ન એક બોજ લાગે છે. તમે કોઈ પણ મિત્ર બનાવો તો દરેક સમય એવો નથી હોતો કે તમે તેને મળી શકો, અને દરેક વાત પણ એવી નથી હોતી કે બેજીજક કહી શકો. જીવનસાથી એક એવો મિત્ર છે જેની સાથે તમે બધી વાતો શેર કરી શકો છો અને તમારી વાતો પણ ગોપનીય રહે છે.

ઘણા એક્સપર્ટ કહે છે કે આજે દુનિયામાં 70 ટકાથી વધુ પતિ-પત્ની સારા મિત્રો પણ છે. મિત્રતાનો મતલબ માત્ર એકબીજાને મદદ કરવી એટલો જ નહી પરંતુ દરેક વાતે પોતાના સાથીનો સપોર્ટ કરવો પણ છે. જેની સાથે રહીએ છીએ તેને સમજવામાં પણ સરળતા રહે છે અને તેથી તે તમારો બેસ્ટ ફ્રેંડ પણ બની જાય છે. ]]> Fri, 01 Aug 2008 17:36:20 +0530 Tue, 08 Apr 2014 19:50:59 +0530 કલ્યાણી દેશમુખ <![CDATA[કેવી છે આ મિત્રતા ?]]> https://gujarati.webdunia.com/article/friendship-day-08/કેવી-છે-આ-મિત્રતા-108080100028_1.htm https://gujarati.webdunia.com/article/friendship-day-08/કેવી-છે-આ-મિત્રતા-108080100028_1.htm http:

gajendra

જીવન મારું અધુરુ છે જ્યા એ મિત્ર તુ નથી
બધુ હોવા છતાં એક ખાલીપો છે જ્યાં એ મિત્ર તુ નથી

કેવી હતી આપણી એ મૈત્રી જ્યાં પ્રેમની કોઈ સીમા નહોતી
પ્રેમને તો જવા દે આજે તારા એક કોલની પણ બેલ નથી

યાદ છે જ્યારે આપણે કરતા હતા વાતો,તો વાતો આપણી થંભતી નહોતી
વાતો તો જવા દો હવે તો તારા વિશે કોઈ સમાચાર પણ મળતા નથી

દરેક પળે હું જ તને સામે ચાલીને બોલાવુ છુ
એક તરફની આ મિત્રતા હું વર્ષોથી નિભાવુ છુ

છોડી દે એ અહંમને, ત્યજી દે દરેક ગેરસમજને
કે પછી સમજી લઉં કે મારા માટે તને હવે કોઈ પ્રેમ નથી ? ]]> Fri, 01 Aug 2008 17:14:32 +0530 Tue, 08 Apr 2014 19:50:59 +0530 કલ્યાણી દેશમુખ <![CDATA[મુશ્કેલીથી મિત્રો મળે છે...]]> https://gujarati.webdunia.com/article/friendship-day-08/મુશ્કેલીથી-મિત્રો-મળે-છે-108080100027_1.htm https://gujarati.webdunia.com/article/friendship-day-08/મુશ્કેલીથી-મિત્રો-મળે-છે-108080100027_1.htm http:
ચાહુંગા મેં તુજે સાંજ સવેરે, ફિર ભી કભી અબ નામ કો તેરે આવાજ મે ન દુંગા...!

W.D


શુ તમારી સાથે પણ આવુ જ કાંઈક થાય છે. કે તમારા મિત્રો તમને દિવસ-રાત યાદી કરી રહ્યો છે, પરંતુ એક નાનકડી વાતને લઈને તમે આગળ થઈને તેની સાથે વત નથી કરવા માંગતા. તમને યાદ આવી રહી છે તેની સાથેની તમારો અગાધ પ્રેમ, એ મજાક અને મસ્તી.... અને સાથે વિતાવેલી હળવી પળો. પરંતુ જ્યારે મિત્રતા તૂટવાનુ કારણ યાદ આવે છે તો ફરી પાછો તમને એના પર ગુસ્સો આવી જશે.

આવુ કોણ હોય જે પોતાના કોઈ મિત્ર સાથે ઝગડતુ ન હોય અને દોસ્તી એવી કે ઝગડો કર્યા પછી પણ એક પળ દૂર ન રહેવાય. પરંતુ આ પણ એક સત્ય છે કે જેટલી મિત્રતા પાકી હોય છે તેટલુ જ મુશ્કેલ હોય છે ઝગડા પછી તેને સાથે બોલતા થવુ. મૈત્રીની મધુરતાને બરકરાર રાખવા અને ફરીથી જીવીત કરવા માટે આવો જાણીએ થોડીક વાતો... કારણ કે ઘણી મુશ્કેલીથી મિત્રો મળે છે...

તમારા ઈગોને ભૂલી જાવ

જો તમે હંમેશા તમારા ઈગોને મહત્વ આપશો તો કોઈ પણ સંબંધને જાળવી રાખવો તમારે માટે મુશ્કેલ થઈ જશે. તમ હંમેશા પ્રથમ પગલું ભરવા તૈયાર રહો. જો તમારાથી ભૂલ થઈ ગઈ હોય તો તમે પરિસ્થિતિને સમજીને પોતાની ભૂલ સ્વીકારી લો. એવુ ન બને કે એક નાનકડી ભૂલને કારણે જીંદગીની મહત્વની ક્ષણ વખતે તમને એક મિત્રની કમી અનુભવવી પડે. જો ભૂલ તેની હોય તો તમે એટલુ સમજી જાવ કે તે પણ તમારી જેમ જ એક માણસ છે અને પેલી કહેવત છે ને કે 'માણસ માત્ર ભૂલને પાત્ર'. જ્યારે તમે આ વાત સમજી જશો તો તમારે માટે સોરી બોલવુ કે ઉકેલ લાવવા માટે પ્રથમ પગલું ભરવુ ખૂબ જ સરળ થઈ જશે.

તમારી જાતને પૂછો થોડા સવાલ

યાદ કરો, ઝગડાનુ કારણ શુ હતુ ? ભૂલ કોનાથી થઈ ? ભૂલ જો તમારાથી થઈ હશે તો શુ ખરેખર તમારી ભૂલ માનીને તમે માફી માંગવાની ઈચ્છા ધરાવો છો ? જો ભૂલ તમારા મિત્રની થઈ છે તો શુ તમે તમારા મિત્રની ભૂલને ભૂલાવીને તેને માફ કરવા માંગો છો ? આ બધા પ્રશ્નો પર વિચાર કર્યા પછી જ તમે નિરાકરણ તરફ આગળ પગલું ભરી શકો છો.

જણાવો તમારા મિત્રને મૈત્રી તમારા માટે શુ છે ?

જ્યારે તમે ઝગડો કર્યા પછી ઉકેલ લાવવા તમારા મિત્રને મળો તો તેને એ બતાવો કે તમારે માટે મિત્રતાનુ શુ મહત્વ છે અને તમને તેની કેટલી પરવા છે. તેમે તેને કહી શકો છો કે 'હું જ જાણુ છુ કે હું આટલા દિવસ તારી સાથે વાત કર્યા વગર કેવી રીતે વિતાવ્યા. મેં તારી ઘણી કમી અનુભવી. મારી માટે આપણી મૈત્રી ઘણી મહત્વની છે.

તમારી ભૂલ સ્વીકારી લો...

જો તમે તમારી ભૂલ સ્વીકારવા માંગતા હોય તો, જ્યારે પણ મળવાની તક મળે તો તેને જણાવો કે તમે તમારી ભૂલ માટે માફી માંગવા માંગો છો. અને તેને સમજાવો કે કંઈ પરિસ્થિતિમાં તમારાથી ભૂલ થઈ ગઈ.

મિત્રતા ટકાવવા માંગો છો....

તમે એને જણાવો કે તમે તેના જેવો મિત્ર ગુમાવવા નથી માંગતા. આવી ભૂલ ફરી કદી નહી થાય. તો થઈ જાવ તમારા મિત્રની સાથે અને ઉઠાવો ફરી એજ આનંદ પ્રેમ અને મસ્તીનો. ભાઈ આ તો આ બંધન છે સ્નેહનો.... ]]> Fri, 01 Aug 2008 16:55:11 +0530 Tue, 08 Apr 2014 19:50:59 +0530 વેબ દુનિયા