<![CDATA[મહિલા દિવસ 08]]> https://gujarati.webdunia.com/women-day-08 Copyright webdunia.com Tue, 09 Jun 2026 22:52:24 +0530 en-us મહિલા દિવસ 08 https://gujarati.webdunia.com/women-day-08 https://gujarati.webdunia.com/women-day-08 <![CDATA[મહિલાઓ દરેક ક્ષેત્રમાં સમર્થ બનશે-સોનિયા]]> https://gujarati.webdunia.com/article/women-day-08/મહિલાઓ-દરેક-ક્ષેત્રમાં-સમર્થ-બનશે-સોનિયા-108030800018_1.htm https://gujarati.webdunia.com/article/women-day-08/મહિલાઓ-દરેક-ક્ષેત્રમાં-સમર્થ-બનશે-સોનિયા-108030800018_1.htm http:

NDN.D


નવી દિલ્હી(ભાષા) યુપીએ સરકારની કોંગ્રેસ અધ્યક્ષા સોનિયા ગાંધીએ આંતરરાષ્ટ્રીય મહિલા દિવસ નિમિત્તે નવી દિલ્હી ખાતે યોજાયેલા એક કાર્યક્રમમાં જણાવ્યું હતું કે સરકાર મહિલાઓને દરેક ક્ષેત્રમાં સમર્થ બનાવવા માંગે છે અને કેન્દ્રની સંયુ્કત પ્રગતિશીલ ગઠબંધન સરકારે આ દિશામાં પગલા ભર્યા છે.

આ અંગે પ્રાપ્ત માહિતી મુજબ પોતાના પતિ અને પૂર્વ પ્રઘાનમંત્રી રાજીવ ગાંઘીને યાદ કરતા તેમણે કહ્યું હતું કે તેઓ માનતા હતા કે મહિલાઓ પાતાનું ભવિષ્ય જાતે બનાવી શકે છે. જેમા તે પોતાનું, પોતાના સંતાન અને પરિવારનું ભલુ કરી શકે છે.

યુપિએ સરકારની નીતિઓ વિશે વાત કરતા તેમણે કહ્યું હતું કે, અમારી નીતિઓમાં મહિલાઓને લાભ મળશે. સ્વયં સહાયતા સમૂહ અને માઈક્રો ફાઈનેન્સ મહિલાઓને આત્મનિર્ભર બનાવવાની દીશામાં કારગર સાબિત થયા છે અને ગ્રામિણ રોજગાર ગેરંટી યોજનાથી પણ મહિલાઓને લાભ મળશે.

બાળ વિકાસ માટે ચલાવવામાં આવી રહેલી આંગણવાડી યોજનાના કાર્યકર્તાઓ અને સહાયિકાઓના યોગદાનનો ઉલ્લેખ કરતા સોનિયાએ જણાવ્યું હતું કે, તેમને ગર્વ છે કે તેમના યોગદાનના કારણે યુપીએ સરકારે તેમની માનદ વેતનમાં 50 ટકા વધારો કર્યો છે.

છેલ્લે તેઓએ જણાવ્યું હતું કે, આ કાર્યક્રમમાં 15 મહિલાઓને ઉલ્લેખનીય યોગદાન આપવા બદલ સ્ત્રી શક્તિ પુરસ્કારથી સમ્માનિત કરવામાં આવી હતી. આ પ્રકારના પુરસ્કારોથી મહિલાઓને પ્રેરણા મળશે.]]> Sat, 08 Mar 2008 16:52:59 +0530 Tue, 08 Apr 2014 19:36:29 +0530 ભાષા <![CDATA[દેશમાં ફકત 13% જ સ્ત્રીઓ કામ કરે છે !]]> https://gujarati.webdunia.com/article/women-day-08/દેશમાં-ફકત-13-જ-સ્ત્રીઓ-કામ-કરે-છે-108030800010_1.htm https://gujarati.webdunia.com/article/women-day-08/દેશમાં-ફકત-13-જ-સ્ત્રીઓ-કામ-કરે-છે-108030800010_1.htm http:

PTIPTI


નવીદિલ્‍હી (ભાષા) આજે શનિવારે 8મી માર્ચ એટલે કે, આંતરરાષ્ટ્રીય મહિલા દિવસની ઉજવણી. આપણા દેશમાં સર્વે બાદ એવી બાબત જાણવા મળી છે કે, મહિલાઓની સ્‍થિતીમાં હજુ નોંધપાત્ર સુધારો થયો નથી. ભારતે વિવિધ ક્ષેત્રોમાં ઉલ્લેખનીય પ્રગતિ કરી હોવા છતાં અને મહિલાઓને વ્‍યાપક તક આપવામાં આવી હોવાના દાવા છતાં સ્‍થિતી કફોડી છે. હજુ માત્ર 13 % મહિલાઓ જ કામ કરે છે.

સર્વેમાં પ્રાપ્ત માહિતી મુજબ 10 મહિલાઓ પૈકીની નવ મહિલા તો અતિ મુશ્‍કેલ પર્યાવરણ ધરાવતા અનઓર્ગેનાઇઝેશન ક્ષેત્રમાં નોકરી કરે છે. 18થી 59 વર્ષની આ મહિલાઓ પૈકી મોટા ભાગની મહિલાઓ નોકરીથી સંતુષ્ટ નથી. શહેરી ભારતની સરખામણીમાં ગ્રામીણ ભારતમાં કામ કરતી મહિલાઓ વધુ છે. તેમનું શોષણનું પ્રમાણ પણ વધુ છે.

PTIPTI


35 %થી વધુ મહિલા ખેતરોમાં કામ કરે છે. અને તેમની આવક ખુબ જ ઓછી છે. 45 % મહિલા વર્કરો એક વર્ષમાં 50,000થી ઓછી આવક મેળવે છે. ભારતમાં સૌથી મોટુ સર્વેક્ષણ હાથ ધરવામાં આવ્‍યા બાદ ઇન્‍વેસ્‍ટ ઇન્‍ડિયા ઇનકમ એન્‍ડ સેવિગ્‍સ સર્વે 2007માં આ આંકડા જારી કરવામાં આવ્‍યા છે. સર્વેનું ચિત્ર પ્રોત્‍સાહનજનક નથી.

સર્વેમાં જણાવાયું છે કે, ગ્રામીણ અને શહેરી વિસ્‍તારમાં પ્રમાણમાં સારી આવક ધરાવતા પરિવારો મહિલાઓને નોકરીમાં નહીં મોકલવાના મતમાં વિશ્વાસ ધરાવે છે. 2 થી 5 લાખની વાર્ષિક આવક ધરાવનાર શહેરી ઘરમાં કામ કરતી મહિલાઓની ટકાવારી 13 % છે.

પાંચ લાખથી ઉપરની આવકમાં આ ટકાવારી નવ % જેટલી છે.ગ્રામીણ ભારતમાં પણ આ જ સ્‍થિતી છે. 50,000થી પાંચ લાખ વચ્‍ચેની આવક ધરાવનાર ઘરમાં કામ કરતી મહિલાઓની ટકાવારી 16-19 % છે. પાંચ લાખથી ઉપરની આવકમાં ટકાવારી ઘટીને 4 % થઇ જાય છે.]]> Sat, 08 Mar 2008 13:11:24 +0530 Tue, 08 Apr 2014 19:36:29 +0530 ભાષા <![CDATA[સ્ત્રીની વિટંબણા]]> https://gujarati.webdunia.com/article/women-day-08/સ્ત્રીની-વિટંબણા-108030700023_1.htm https://gujarati.webdunia.com/article/women-day-08/સ્ત્રીની-વિટંબણા-108030700023_1.htm http:

N.D

તુ સ્ત્રી છે,
તે તુ હંમેશા યાદ રાખજે
જ્યારે ઘરનો ઉંબરો ઓળંગીશ
સૌની ઘાતક નજરોને જોઈશ
જ્યારે તુ ઘરની બહાર નીકળીશ
લોકો તારો પીંછો કરશે, સીટી વગાડશે
તને ઘરમાં જ બેસાડવા તારી પર આંગળી ઉઠાવશે
જો તુ નિર્જીવ હોઈશ તો
બધુ સાંભળીને પગ પાછા વાળીશ
તુ સાચે જ બહાદુર હોઈશ તો
જીવન પથ પર આગળ વધીશ ]]> Sat, 08 Mar 2008 10:50:50 +0530 Tue, 08 Apr 2014 19:36:29 +0530 વેબ દુનિયા <![CDATA[સ્ત્રીઓ પુરૂષમય બની જાવ !]]> https://gujarati.webdunia.com/article/women-day-08/સ્ત્રીઓ-પુરૂષમય-બની-જાવ-108030700021_1.htm https://gujarati.webdunia.com/article/women-day-08/સ્ત્રીઓ-પુરૂષમય-બની-જાવ-108030700021_1.htm http:
લગ્ન સ્ત્રી અને પુરૂષ બંનેના થાય છે. પણ વિવાહિત થયા પછી જે ચિહ્નો મળે છે તે એકલી સ્ત્રીને જ ભોગવવા પડે છે, પુરૂષોને નહી. અવિવાહિત અને વિવાહિત પુરૂષોમાં કોઈ અંતર નથી - ન તો નામમાં, અને ન તો કપડા-લત્તામાં, ન તો કપાળમાં કે ન તો આંગળીમાં. તેમની વચ્ચે અંતર કરવાનો કોઈ ઉપાય જ નથી. પરંતુ વિવાહિત અને અવિવાહિત સ્ત્રીઓ વચ્ચે અંતર કરવાની ઘણી વ્યવસ્થા કરવામાં આવી છે. વિવાહિત અને વિધવા સ્ત્રીની વચ્ચે પણ અંતર રાખવાની વ્યવસ્થા છે.

પૃથ્વી પરના બધા દેશોના બધા સમાજોના પુરૂષોને માટે એક જ જેવુ સંબોધન રાખવામાં આવ્યુ છે. અવિવાહિત સ્ત્રી પોતાના નામ આગળ મિસ અને વિવાહિત 'મિસેજ; શબ્દનો પ્રયોગ કરીને પોતાની વૈવાહિક સ્થિતિને પોતાની સાથે જોડે છે. પરંતુ પુરૂષ પોતાના નામની આગળ 'મિસ્ટર' સંબોધનને શરૂથી રાખે છે. શુ મિસ્ટર સોમેન અને મિસ્ટર મિલનમાં કોણ પરિણિત છે એ કોઈ કહી શકે છે ? પણ મિસ લીના અને મિસેજ બીનામાં કોણ વિવાહિત છે તેની પર કોએ શક નથી. સ્ત્રી પરિણિત છે કે અપરિણિત એ તેના નામ સાથે જ સમાયેલ છે - વિવાહ જરૂર કોઈ સ્ત્રી માટે ખૂબ જ મહત્વપૂર્ણ વસ્તુને સ્વીકારવા જેવી છે જે પુરૂષો માટે નથી.

તેવી જ રીતે વિધવા સ્ત્રી અને સૌભાગ્યવતી સ્ત્રીમાં અંતર રાખવામાં આવે છે. જો મનુષ્યના રૂપે સ્ત્રી અને પુરૂષ સમાન છે તો વિવાહિત સાથીનુ મોત થયા પછી કેમ સ્ત્રીને જ બધા રીત-રિવાજોનો સામનો કરવો પડે છે. જેવા કપડાં સ્ત્રી પહેરે છે તે પુરૂષ કેમ નથી પહેરતો. કેમ તે માત્ર સફેદ કપડાં જ પહેરીને નથી ફરતો ? કેમ તે બધા નિષેધનુ પાલન નથી કરતો ? સ્ત્રીને ઘણુ સ્વીકારવુ અને ત્યજવુ પડે છે જ્યારે પુરૂષ તેની આસપાસ એકદમ સ્વતંત્ર અને બંધનમુક્ત છે. આ સમાજમાં સ્ત્રીનુ મુખ્ય કામ છે પુરૂષને ખુશ રાખવો, તેને તૃપ્ત કરવો.

કેવો છે આ સમાજ ? સ્ત્રી જો એકવાર આ સમાજના આ સારહીન ચહેરાને ઓળખી જાય તો પોતાની જાતને મનુષ્યના રૂપમાં પામી લે. સ્ત્રીઓ, હવે તમે મિથ્યા સંસ્કારોને અને ઘરેણાઓને તોડીને મનુષ્ય બની જાવ. ]]> Sat, 08 Mar 2008 10:46:10 +0530 Tue, 08 Apr 2014 19:36:29 +0530 કલ્યાણી દેશમુખ <![CDATA[કેમ છે આ સ્ત્રીઓ પાવર વુમન ?]]> https://gujarati.webdunia.com/article/women-day-08/કેમ-છે-આ-સ્ત્રીઓ-પાવર-વુમન-108030700017_1.htm https://gujarati.webdunia.com/article/women-day-08/કેમ-છે-આ-સ્ત્રીઓ-પાવર-વુમન-108030700017_1.htm http:
આ એ મહિલાઓ છે, જે સફળતાના શિખર પર છે અને પોત-પોતાના ક્ષેત્રની જાણીતી વ્યક્તિઓ છે. એવુ તો શુ છે, જે એમને સફળ અને સમર્થ બનાવે છે ? આવો જાણીએ આ હકીકતને તેમના જ કહેલા શબ્દોમાં....

ઈન્દિરા નૂઈ (સીઈઓ, પેપ્સિકો)
એક સ્ત્રી હોવાને નાતે તમારે બીજાના મુકાબલે વધુ ચાલાકીથી કામ લેવુ પડે છે, કારણ કે તમારે માટે એક સ્થાન મેળવવુ વધુ મુશ્કેલ છે.

નીતા અંબાણી (સમાજ સેવિકા)
બીજાની ભલાઈ માટે પૈસાનો વપરાશ કરવામાં અધિક સુખ મળે છે. મારો અનુભવ કહે છે કે બીજાના કલ્યાન માટે ખર્ચ કરવો એ સારી વાત છે.

ફરાહ ખાન (ફિલ્મ નિર્દેશક)
મને લાગે છે કે પાવરનો મતલબ છે તમારી પાસે નિર્ણય લેવાની ક્ષમતા હોવી જોઈએ. ખાસ કરીને એ વાત માટે કે તમે શુ કરવા માંગો છો. અને જરૂર પડે ત્યારે 'ના' કહેવાનો અધિકાર પણ તમારી તાકતની શ્રેણીમાં જ આવે છે.

બરખા દત્ત (પત્રકાર)
મને લાગે છે કે આજના જમાનામાં આજના જમાનામાં હિમંતવાળી અને સાહસિક પત્રકારિકા
નો જ કોઈ મતલબ છે.

શબાના આઝમી (અભિનેત્રી)
હું જ્યારે અન્યાય થઈ રહ્યો હોય ત્યારે ચૂપ નથી રહી શકતી. હું તેના પરિણામની ચિંતા કર્યા વગર જ અવાજ ઉઠાવુ છુ.

કિરણ મજમુદાર શૉ (ઉદ્યમો)
હુ એ દરેક સ્ત્રીનુ પ્રતિનિધિત્વ કરુ છુમ જે પોતાન સપના પૂરા કરવા નીકળી છે. ]]> Sat, 08 Mar 2008 10:43:17 +0530 Tue, 08 Apr 2014 19:36:29 +0530 કલ્યાણી દેશમુખ <![CDATA[આજ મે ઉપર, આસમા નીચે....મહિલા]]> https://gujarati.webdunia.com/article/women-day-08/આજ-મે-ઉપર-આસમા-નીચે-મહિલા-108030700011_1.htm https://gujarati.webdunia.com/article/women-day-08/આજ-મે-ઉપર-આસમા-નીચે-મહિલા-108030700011_1.htm http:

NDN.D


1942ની એ લવ સ્ટોરી, સ્વર્ગીય પંચમ દાની છેલ્લી કૃતિ - એક લડકી કો દેખા તો એસા લગા...

જેસે ખિલતા ગુલાબ,જેસે શાયરકા ખ્વાબ,
જેસે ઉજલી કિરણ જેસે બનમે હિરણ,
જેસે ચાંદની રાત,જેસે નરમી કી બાત
જેસે મંદિર મે હો એક જલતા દિયા...

આપ કદાચ જાણતા નહી હોય કે આ ગીતની ધૂન એક ભજન માટે તૈયાર કરવામાં આવી હતી, અને આમાં જે પવિત્ર શબ્દો નાખવામાં આવ્યા છે તે કોઈ ભજનના પવિત્ર શબ્દોથી ઓછા પણ નથી. આ ગીત એક પ્રેમિકાને માટે નહી પરંતુ આ ગીત એક છોકરી માટે લખવામા આવ્યુ છે જે એક પુત્રી પણ હોઈ શકે છે, એક બહેન પણ હોઈ શકે છે, એક દોસ્ત કે પછી એક પત્ની પણ હોઈ શકે છે.

કેટલી પવિત્ર તુલના કરી છે જેસે મંદિરમે હો એક જલતા દિયા....
જો દરેક છોકરી આ ગીતને પુરા ધ્યાનથી સાંભળે તો તેના મનમાં પણ એટલી જ સુંદર ભાવનાઓ આવશે, જેટલી સુંદરતાથી આ ગીતને લખવામાં આવ્યુ છે.

જરૂરી નથી કે દરેક સમયે તમે તમારી તુલના કોઈ અભિનેત્રીના ચહેરા કે શરીરની સુંદરતા સાથે કરો. શરીરની સુંદરતાથી પણ વધુ મહત્વની છે મનની સુંદરતા. તમારા મનની સુંદરતા એટલે જ - મંદિરમે હો કોઈ જલતા દિયા.....

આજકાલની છોકરીઓમાં એક નવી આશા અને તાજગી જોવા મળે છે. તેઓ જીવનને ખૂબ જ સરળતાથી લે છે. ઘણા ઉતાર-ચઢાવ પછી પણ તેમના ચહેરા પર એક નવી શરૂઆત માટેની હિમંત જોવા મળે છે. તેમના ચહેરાને જોઈને એક જ ગીત યાદ આવે.... આજ મે ઉપર આસમાન નીચે, આજ મે આગે જમાના હૈ પીછે. હા, પણ જ્યારે ગંભીરતાની વાત આવી તો પોતાના અસ્તિત્વની લડાઈને જીતીને પોતાની એક અલગ છાપ પણ ઉભી કરી. પછી વાત કિરણ બેદીની હોય કે સુસ્મિતા સેનની જેમણે એક અવિવાહિત હોવા છતાં એક પુત્રીને દત્તક લઈને સમાજમાં એક મિસાલ કાયમ કરી છે.

કેમ જ્યાં જુઓ ત્યાં ચહેરાની સુંદરતાને જ મહત્વ અપાય છે ? મનની સુંદરતા કેમ નથી જોવાતી ? જેટલુ મન સુંદર, એટલુ જ વ્યક્તિત્વ પણ દમકે છે અને લોકો તેમની તરફ આકર્ષિત થાય છે. પછી કોઈની શુ હિંમત કે કોઈ તેને લોલુપ્ત નજરે જુએ. ]]> Sat, 08 Mar 2008 10:41:10 +0530 Tue, 08 Apr 2014 19:36:29 +0530 વેબ દુનિયા <![CDATA[વેશ્યાવૃતિ કાયદાકિય નહીં-રેણુકા ચૌધરી]]> https://gujarati.webdunia.com/article/women-day-08/વેશ્યાવૃતિ-કાયદાકિય-નહીં-રેણુકા-ચૌધરી-108030700038_1.htm https://gujarati.webdunia.com/article/women-day-08/વેશ્યાવૃતિ-કાયદાકિય-નહીં-રેણુકા-ચૌધરી-108030700038_1.htm http:

PIBPIB


નવી દિલ્હી (એજંસી) સંયુક્ત રાષ્ટ્ર કાર્યાલયમાં આંતરરાષ્ટ્રીય મહિલા દિવસના ઉપલક્ષ્યમાં આયોજિત એક સમ્મેલનમાં મહિલા અને બાળ કલ્યાણ મંત્રી રેણુકા ચૌધરીએ આજે જણાવ્યું હતું કે, વેશ્યાવૃતિને કાયદાકિય માન્યતા તથા વેશ્યાવાડોને લાયસન્સ આપવામાં નહીં આવે. પરંતુ જબરદસ્તીથી દેહ વેપાર કરનારાઓ તથા શોષણ કરનારાઓ સામે સખ્ત પગલા ભરશે.

આ અંગે પ્રાપ્ત માહિતી મુજબ આંતરરાષ્ટ્રીય મહિલા દિવસના ઉપલક્ષ્યમાં આયોજિત એક સમ્મેલનમાં ચૌધરીએ જણાવ્યું હતું કે,સરકાર વેશ્યાવાડોને કાનૂની માન્યતા નહીં આપે, પરંતુ જબરદસ્તીથી દેહ વેપાર કરનારાઓ તથા શોષણ કરનારાઓ સામે સખ્ત પગલા ભરશે.

ચૌધરીએ જણાવ્યું હતું કે, જો દેહ વેપાર સાથે જોડાયેલી મહિલાઓ એમ કહે કે લાયસન્સની માગ તેમનો સમજી વિચારીને લીધેલો નિર્ણય છે તો હું વેશ્યાવાડને લાયસન્સ આપવા તૈયાર છું, પરંતુ મોટા ભાગના કિસ્સામાં મહિલાઓને આ બાબતે ખબર જ નથી હોતી અને ગરીબીના કારણે તે મજબૂરીમાં આનો સ્વીકાર કરે છે.

સંયુક્ત રાષ્ટ્રના આંકડાઓ મુજબ દક્ષિણ એશિયામાં દર વર્ષે માનવ વ્યાપારના 150000 કિસ્સા પ્રકાસમાં આવ્યા છે.જેમાં મોટા ભાગના કિસ્સામાં ઓછી ઉંમરની મહિલાઓ અને બાળકોને સારી નોકરી અને લગ્નની લાલચ આપી તેના ઘરથી દૂર જઇ વેંચી નાંખવામાં આવે છે. આવી સ્થિતીમાં કેટલીક સામાજીક સંસ્થાઓ એ અપીલ કરી રહી છે કે ભારતમાં 54 લાખ વેશ્યાઓના અધિકારની રક્ષા તથા તેના સ્વાસ્થ્ય તેમજ શિક્ષા માટે દેહ વેપારને કાયદેસર બનાવવામાં આવે તે જરૂરી છે.]]> Fri, 07 Mar 2008 19:12:51 +0530 Tue, 08 Apr 2014 19:36:29 +0530 ભાષા <![CDATA[સશકત નારી-સશકત સમાજ-ડો.પુનિતા]]> https://gujarati.webdunia.com/article/women-day-08/સશકત-નારી-સશકત-સમાજ-ડો-પુનિતા-108030700032_1.htm https://gujarati.webdunia.com/article/women-day-08/સશકત-નારી-સશકત-સમાજ-ડો-પુનિતા-108030700032_1.htm http:

W.DW.D


જયાં નારી પૂજાય છે, ત્યાં હંમેશા દેવતાઓનો વાસ છે. આ ઉકિત વાંચવામાં તો સારી લાગે છે, પણ હકીકત કંઈક અલગ છે. આજના યુગમાં સ્ત્રીને સ્વતંત્રતા તો મળી છે, પરંતુ હજુ પણ તેણે સમાજની રૂઢિચુસ્ત માનસિકતાનો સામનો કરવો પડે છે, એટલેકે સ્ત્રી સ્વાતંત્રમાં પજુ પણ કંઈક ખૂટે છે, જેના માટે સમાજે જાગૃતતા કેળવવી જરૂરી છે.

8મી માર્ચ એટલે આંતરાષ્ટ્રીય મહિલા દિવસ આ અંગે ચાલો ડો. પુનિતા હર્ણે સાથે વાતચીત કરીએ. તેઓનું સુત્ર છે કે, સશકત નારી - સશકત સમાજ - સશકત રાષ્ટ્ર (ડો. પુનિતા હર્ણે - ગુજરાત વિદ્યાપીઠમાં પત્રકારત્વ વિભાગના પ્રોફેસર છે) તેઓ કહે છે કે આજે આટલા આધુનિક યુગમાં પણ સ્ત્રીને પોતાના શરીરથી લઈને દરેક પ્રકારની અસલામતી અનુભવાય છે. સ્ત્રી આજે પણ અનેક પ્રકારે અસુરક્ષિત છે. આજે પણ સ્ત્રી-જાતિના જન્મને સમાજ ઉત્સાહથી સ્વીકારતો નથી. અન્ય બાબતોમાં આટલો પરિવર્તનશીલ અને કહેવાતો વિકાસશીલ સમાજ સ્ત્રી પ્રત્યેની માનસિકતા બદલવામાં હજુ પણ પછાત જ છે. આજે પણ સ્ત્રી દેહનો અસ્વીકાર, સ્ત્રી બુદ્ધિનો અસ્વીકાર અને સ્ત્રીની લાગણીનો અસ્વીકાર કરવામાં આવે છે, જેનું પાયાગત પરીવર્તન ખુબ જ જરૂરી છે. તેઓ માત્ર એક જ વાકયમાં પોતાની વાત સમજાવતા કહે છે કે જો સ્ત્રી સશકત હશે તો સમાજ સશકત બનશે, અને જો સમાજ સશકત હશે તો રાષ્ટ્ર સશકત બનશે.

ઇન્દ્રા નૂઇ જયારે કોલા કંપનીના સીઇઓ બન્યાં ત્યારે એક ટીવી ઇન્ટરવ્યૂ દરમિયાન તેમણે કહ્યું હતું, "હું પહેલાં એક માતા છું, પછી કારકિર્દી અને પછી એક પત્ની. તેમની આ વાતમાંથી એ સૂર નીકળે છે કે આજે વર્કિંગ વુમન અને કેરિયર ઓરિએન્ટેડ યુવતીઓની સંખ્યા વધી રહી છે, જેમના માટે પુરુષ અને સંબંધો બીજા-ત્રીજા સ્થાને આવે છે. સૌથી મહત્ત્વની બાબત એ છે કે સ્ત્રી હોવા છતાં તેઓ પોતાની આંતરિક વાતને પ્રામાણિકતાથી, કોઇ પ્રકારના ભય વિના વ્યકત કરે છે.સમય બદલાવાની સાથે પ્રાથમિકતાઓમાં પણ પરિવર્તન આવ્યું છે. બીજા શબ્દોમાં, વિકસેલી નારીશકિતએ આજે પુરુષને પાછળ રાખી દીધો છે. સ્ત્રી પોતાની કારકિર્દી સાથે પરિવાર અને પતિનું સંતુલન જાળવતાં શીખી ગઇ છે. પતિને પરમેશ્વર માની ઘરમાં બેસી રહેનારી પત્ની શહેરી નોકરિયાત મહિલા બની રહી છે.

NDN.D


લગ્ન વિશે આજની યુવતી શું કહે છે ? તે જાણો - લગ્નની ઉંમર વટાવી ચૂકેલી જૈમિની કોર્પોરેટ ઓફિસમાં ઉંચા હોદ્દા પર છે.લગ્ન વિશે પૂછતાં એ હસીને કહે છે, ‘લગ્ન? હજી સુધી મારા મનમાં આનો વિચાર સુઘ્ધાં નથી આવ્યો. અત્યારે લગ્ન તો શું, રોમાન્સ કરવાનોય સમય નથી મારી પાસે. મારાં મમ્મી-પપ્પા પણ મને લગ્ન કરવા આગ્રહ નથી કરતાં. મારી મમ્મી જયારે મારી ઉંમરની હતી ત્યારે બે બાળકોની મા બની ગઇ હતી. હું એ ગાડરિયા પ્રવાહમાં વધવા નથી માગતી.’

સ્ત્રીઓ માટે અનંત શકયતાઓ: આજે પુત્રી પુત્રસમોવડી બની પિતાની પડખે ભી રહે છે. નીતા કોલેજમાં હતી ત્યારે એના પપ્પા નિવૃત્ત થયા. હવે એમની આર્થિક સ્થિતિ પોતાનું ઘર ખરીદી શકાય એટલી સઘ્ધર નહોતી કેમ કે જેટલા રૂપિયા હતા એ સંતાનોને ભણાવવા-પરણાવવામાં ખર્ચાઇ ગયા હતા. નીતા નોકરી કરતી હોવાથી એણે પપ્પા માટે એક ફલેટ ખરીદ્યો. એટલે સુધી કે એણે લગ્ન ન કરવાનો નિર્ણય લીધો. આજની યુવતીઓ 21 વર્ષથી 32 વર્ષ સુધીમાં શ્રેષ્ઠ બધું મેળવી લે છે. ઇચ્છિત ડિગ્રીઓ, આર્થિક, ભાવનાત્મક અને સેકસ્યુઅલ સ્વતંત્રતા.

સ્ત્રી-પુરૂષ વચ્ચેની સમાનતા: આર્થિક સ્વતંત્રતાએ સ્ત્રીને વધુ સ્વતંત્ર, સ્વીકાર્ય અને અનંત શકયતાઓ દર્શાવી છે. સ્ત્રીની સક્ષમતામાં વધી છે. સમાનતા-એ શબ્દ ઉમેરાયો છે. સ્ત્રીઓ આજે એવું માનતી થઇ છે કે તે દરેક ક્ષેત્રે અને દરેક રીતે પુરુષની સમકક્ષ બની છે. આજે એ એટલું કહી શકે છે કે એની નોકરી અને બાળકોને પુરુષ દ્વારા મદદ મળી છે અને એથી એનું અને એના પતિનું અસ્તિત્વ છે.

પુરૂષ પાસે હવે એક જ માર્ગ રહ્યો !
પુરુષ માટે હવે પ્રશ્ન ઉભો થયો કે છે કે એનું સ્થાન કયાં છે? આજની યુવતીને પૂછવામાં આવે કે પતિ તરીકે કેવો પુરુષ ગમે? તો જવાબ મળે છે-બુદ્ધિશાળી અને સેન્સ ઓફ હ્યુમર ધરાવતો. પુરુષ પર નવી જવાબદારી આવી કે લાગણીશીલ, બુદ્ધિશાળી હોવાની સાથોસાથ એનામાં સેન્સ ઓફ હ્યુમર હોવી જોઇએ. પુરૂષ પાસે હવે એક જ માર્ગ રહ્યો છે. સ્ત્રીથી અલગ હોવા છતાં પણ સમાન બને.]]> Fri, 07 Mar 2008 17:15:02 +0530 Tue, 08 Apr 2014 19:36:29 +0530 એજન્સી <![CDATA[હુ છુ જીંદગીનુ સ્મિત - નારી]]> https://gujarati.webdunia.com/article/women-day-08/હુ-છુ-જીંદગીનુ-સ્મિત-નારી-108030700026_1.htm https://gujarati.webdunia.com/article/women-day-08/હુ-છુ-જીંદગીનુ-સ્મિત-નારી-108030700026_1.htm http:
ઘરમાં મારો જન્મ થતા
ભલે કોઈને ખુશી ન થઈ
પણ મારુ એક સ્મિત જોઈને
પપ્પાની આંખો હસી રહી

ઘરમાં મારા માટે ભલે કદી
ન કોઈ ઢીંગલી ન આવી
પણ મને મળેલી ભેટને લેવા
ભાઈની આંખોમાં ચમક આવી

દિવસભરના કામથી કંટાળીને
મમ્મીએ જ્યારે હૈયા વરાળ નાખી
ત્યારે મારા બે હાથની મદદ પામી
મમ્મીના ચહેરા પર હાશ આવી.

જવાન થઈને જ્યારે હું
વિદાય થઈને સાસરીએ વળી
આંખોમાં સૌના આંસુ જોઈને
મને મારી ઓળખ મળી. ]]> Fri, 07 Mar 2008 16:34:38 +0530 Tue, 08 Apr 2014 19:36:29 +0530 કલ્યાણી દેશમુખ <![CDATA[દીકરી સૌની લાડકવાયી]]> https://gujarati.webdunia.com/article/women-day-08/દીકરી-સૌની-લાડકવાયી-108030700024_1.htm https://gujarati.webdunia.com/article/women-day-08/દીકરી-સૌની-લાડકવાયી-108030700024_1.htm http:
નાની નાની વ્હાલી દિકરી
ફુલનો મહેંકતો બગીચો દિકરી

સુંદર ચહેરો નાજુક-ભોળી
બાળપણથી જ હોય નખરાળી

મટકી-મટકી નાચ બતાવતી
જીભ પર તો જાણે કોયલ બેસતી

બધા બાળકોમાં વ્હાલી દિકરી
બધાં પ્રત્યે હેત રાખતી દિકરી

પપ્પાનો તો જીવ છે દિકરી
માનો એક હાથ છે દિકરી

ઘરમાં સદા રોનક રાખતી દિકરી
સાસરે જતાં રડાવતી દિકરી ]]> Fri, 07 Mar 2008 16:31:33 +0530 Tue, 08 Apr 2014 19:36:29 +0530 કલ્યાણી દેશમુખ <![CDATA[નારી સ્વાતંત્રતાની ફકત વાતો જ-ઇલાબેન]]> https://gujarati.webdunia.com/article/women-day-08/નારી-સ્વાતંત્રતાની-ફકત-વાતો-જ-ઇલાબેન-108030700014_1.htm https://gujarati.webdunia.com/article/women-day-08/નારી-સ્વાતંત્રતાની-ફકત-વાતો-જ-ઇલાબેન-108030700014_1.htm http:

Mr. Akshesh SavaliyaW.D


એક જાણીતા સાહિત્યકાર અને બિઝનેસ વુમન ઇલાબેન શાહના મતે મહિલા દિવસ ઉજવાય તે એક સીમા સુધી સારી વાત છે, પણ સ્ત્રી મુકિતની માત્ર વાતો જ નહી, તેનું અમલીકરણ થાય તે અત્યંત જરૂરી છે.

પોલીસી મેકિંગમાં સ્ત્રીને તક મળે, એવી નીતિઓ ઘડાય જે વધુ માનવીય હોય, વધુ ન્યાયી હોય. જેમાં સમાનતા અને સ્વતંત્રતાનો મંત્ર સમાયેલો હોય. તેમના મતે આજે સ્ત્રી વધુને વધુ અસુરક્ષિત બની રહી છે. પછી ભલે તે 2 વર્ષની બાળકી હોય કે 75 વર્ષની વૃદ્ધા.

સ્ત્રીના સંઘર્ષોવધુને વધુ અઘરા બની રહ્યા છે. એક તરફથી જયાં સરકાર તરફથી આર્થિક અનુદાનોની જૉગવાઈ વધી રહી છે, ત્યાં બીજી તરફ ગુજરાતમાં નારીના જાતિય શોષણની અનેક ઘટનાઓ બહાર આવતી જાય છે. જે ગુજરાતમાં સ્ત્રી સૌથી વધારે સુરક્ષિત મનાતી હતી, તે જ ગુજરાતમાં આજે સ્ત્રી વધુ ને વધુ અસુરક્ષિત બની રહી છે.

સ્ત્રી મુકિતના નામનું આભામંડળ ગણીગાંઠી મહિલાઓ સુધી જ પહોંચ્યું છે. ગામડાની સ્ત્રી તેનાથી સદંતર વંચિત છે. સ્ત્રી જાગૃતિના પ્રશ્નો નિવારવા માટે સમાજીક પરિવર્તન ઘણું જ ધીમું છે. શહેર અને ગામડા વરચે તાલમેળ બેસાડવાની સજજતા કેળવવી જરૂરી છે. ગઈકાલ, આજ અને આવતીકાલ વચ્ચેનો ગેપ પુરો કરવા માટે સ્ત્રીએ જ તૈયાર થવું પડશે. સ્ત્રીએ પોતાની મૂળભૂત ઓળખ ન ગુમાવતા, પોતે પુરુષ સમોવડી નહી, પણ પોતાનામાં પણ અનેકગણી આવડત છે, કુશળતા છે.

પોતે પણ અનેક રીતે આગળ છે એ તેણે સાબિત કરી બતાવવાનું છે. સ્ત્રીએ પોતાની સ્ત્રી તરીકેની ઓળખ તો ભી કરવાની જ છે, ઉપરાંત એક માનવી તરીકેની ઓળખ ભી કરીને સમાન હકો માટે ઝઝૂમવાનું છે. જે દિવસે સ્ત્રી જાગૃતિ આવશે તે દિવસે સ્ત્રી પરિવર્તનની દિશામાં ડગલાં માંડશે અને ત્યારબાદ જ અનુક્રમે ઘર, સમાજ અને દેશ પરિવર્તનની દિશામાં આગળ વધશે. આમ, શરૂઆત સ્ત્રીએ જ કરવાની છે.]]> Fri, 07 Mar 2008 15:57:53 +0530 Tue, 08 Apr 2014 19:36:29 +0530 વેબ દુનિયા <![CDATA[એશ્વર્યા રાયના કેરિયરની જીવન યાત્રા]]> https://gujarati.webdunia.com/article/women-day-08/એશ્વર્યા-રાયના-કેરિયરની-જીવન-યાત્રા-108030700010_1.htm https://gujarati.webdunia.com/article/women-day-08/એશ્વર્યા-રાયના-કેરિયરની-જીવન-યાત્રા-108030700010_1.htm http:

NDN.D


એશબેબી આજકાલ હવામાં ઉડી રહી છે. લગ્ન પછી ખરેખર એશની જીંદગી બદલાઈ ગઈ છે. એશને પોતાના સાસરીયા એટલે કે બચ્ચન પરિવાર અને પતિ અભિષેક માટે ખુબ જ ગૌરવ છે અને માન પણ છે. લાગે છે કે એશ પોતાને એક આદર્શ વહુ સાબિત કરવા માંગે છે. એશ સાથેની એક વાતચીતમાં એશ્વર્યાએ મન ભરીને પોતાના પતિ અને બચ્ચન પરિવાર વિશે વાતચીત કરી. આ ઉપરાંત દેવદાસમાં તેની હરિફ રહી ચૂકેલી અને આજા નચલેથી પુર્નરાગમન કરેલ માધુરી વિશે પણ એશે ઘણુ બધુ કહ્યું. એશ કહે છે કે તેને માધુરીના પુર્નરાગમનનો કોઈ ડર નથી.

એશનું કહેવું છે કે માધુરીના બોલિવુડમાં પુર્નરાગમનથી તે જરાય ભરભીત નથી. આ બાબતે એશ કહે છે કે "મને તેનાથી કોઈ ભય નથી ઊલ્ટુ હું તો માધુરીને શુભેચ્છા પાઠવવા માંગુ છુ અને સફળતા માટે વીશ કરવા ઈચ્છુ છું."

એવું પણ ચર્ચાઈ રહ્યું છે કે એશ પોતાના પતિ અભિષેકને હોલિવુડમાં ફિલ્મો મળે તે માટેના પ્રયત્નો કરી રહી છે. એશ આ બાબત સાથે જરાય સહમત નથી. તે કહે છે કે "હું અભિષેકને ક્યાંય પ્રમોટ કરતી નથી. આ એકમાત્ર અફવા જ છે. અભિષેક ખુબ સારો કલાકાર છે અને તે પોતાના દમ પર હોલિવુડમાં રોલ મેળવી શકે તેટલી લાયકાત ધરાવે છે."

એશની હોલિવડ ફિલ્મ લાસ્ટ લીજીઓન્સ આવતા વર્ષે રીલીઝ થવાની છે. એશ માટે એવું પણ કહેવાઈ રહ્યું છે કે તેની મીટ હવે હોલિવુડ ભણી છે. એશ આ વાતને પણ માત્ર અફવા જ ગણે છે. એશ કહે છે કે "હું મારો બેઈઝ ક્યાય શીફ્ટ કરી રહી નથી. હું બોલિવુડમાં જ છું. મેં ઘણી તમિળ ફિલ્મો કરી છે અને હાલ હું હોલિવુડની ફિલ્મો કરી રહી છું પરંતુ તેનો મતલબ એ નથી કે હું ક્યાય શીફ્ટ થઈ રહી છું. હું બોલિવુડમાં જ છું. અને ત્યાં જ રહેવા માંગુ છું."

નોંધનીય છે કે એશે 1997માં આવેલી ફિલ્મ ઔર પ્યાર હો ગયાથી બોલિવુડમાં કદમ મૂક્યો હતો અને તે દરમિયાન જ એશે તમિળ ફિલ્મ ઈરૂવરમાં પણ કામ કર્યુ હતું. આ ઉપરાંત એશ તેની આવતા વર્ષની શરૂઆતમાં રીલીઝ થનારી પીરીયડ ફિલ્મ જોધા અકબર વિશે પણ ખુબ જ ઉત્સાહિત છે. જો કે એવા સમાચારો હતાં કે ફિલ્મના શુટિંગ દરમિયાન એશને અભિનેતા રીતીક રોશન સાથે મતભેદો ઊભા થયા હતાં. પરંતુ વાતચીત દરમિયાન એશે આ બાબતે કશું પણ કહેવાનું ટાળ્યું હતું.

ફિલ્મ બાબતે એશ કહે છે કે જોધાનો રોલ એ મારા માટે ખુબ જ મહત્વનો અને ડ્રીમ રોલ છે. જોધા અને અકબર વચ્ચે સાંસ્કૃતિક અને ધાર્મિક મતભેદો હોવાના છતાં બન્ને વચ્ચેનો પ્રેમ એ ખુબ જ રસપ્રદ બાબત હતી. ફરીથી માધુરી વિશે વાત કરતા એશે એમ પણ કહ્યું કે જો સારી સ્ક્રીપ્ટ હસે તો તે માધુરી સાથે કામ કરવાની તક ચોક્કસ ઝડપી લેશે. એશનું કહેવું છે કે માધુરી ખુબ જ ટેલેન્ટેડ અભિનેત્રી અને એક સારી ડાન્સર છે.જો તમે દેવદાસ જોઈ હોય તો બધા પ્રશ્નોના જવાબ મળી જાય.

"દેવદાસના શુટિંગ વખતે અમારી વચ્ચે ખુબ સારો રેપો હતો અને અમે બન્ને એકબીજા સાથે કામ કરતી વખતે ખુબ જ કમ્ફર્ટેબલ હતાં."

નોંધનીય છે કે ગઈ કાલે એશ્વર્યા એક હીરાની જ્વેલરી બ્રાન્ડના લોન્ચ પ્રસંગે દિલ્હીમાં હતી જે દરમિયાન તેની સાથે વાતચીત થઈ હતી. એશે આ વખતે પણ પોતાના પતિના વખાણ ધરાઈને કર્યા હતાં. એશ કહે છે કે "અભિષેક જ મારી જીંદગીનો ખરો હીરો છે. દુનિયામાં તે સૌથી પ્રેમાળ પતિ છે.મારા ડેડ (અમિતાભ) અને મોમ (જયા)નું પણ મારી જીંદગીમાં ખુબ મહત્વ છે. જેમના તરફથી મને ખુબ જ પ્રેમ અને સ્નેહ મળ્યો છે."

ભૂતપૂર્વ વિશ્વસુંદરી અને બોલીહુડ્ની ટોપની હિરોઇન અને બચ્ચન પરિવારની કુલવધુ એશ્વર્યા તા. 1 નવેમ્બર, 2007માં ૩૪ વર્ષ પૂરા કરીને ૩૫માં વર્ષમાં પહોચી ગઇ છે. આ માટે તો એશને ખુબ ખુબ શુભકામનાઓ.. અને શુભેચ્છાઓ...

IFMIFM


એશ્વર્યા વિશે -
એશ્વર્યાનો જન્મ દક્ષિણ ભારતના મેંગ્લોર શહેરમાં થયો હતો. તેની માતૃભાષા તેલુગુ છે. તેના પિતાનું નામ ક્રિષ્નારાજ અને માતા વૃંદા રાય. જો કે એશના જન્મ પછી બધા મુંબઈ સ્થાયી થઈ ગયા હતાં. એશને એક મોટો ભાઈ છે જેનું નામ આદિત્ય છે. એશ્વર્યાએ મુંબઈની આર્ય વિધા મંદિરમાંથી શિક્ષણ મેળવેલું છે. ત્યારબાદ મુંબઈના ચર્ચગેટ વિસ્તારની જયહિંદ કોલેજમાં એકવર્ષ અને પછી એચએસસી રૂપારેલ કોલેજમાં કર્યુ હતું. એશ્વર્યા આર્કિટેકટની વિધાર્થીની હતી.

એશની કારકિર્દીની શરૂઆત-
કારકિર્દી મોડેલીંગથી શરૂ થઈ હતી. ત્યારબાદ તો એશે ૧૯૯૪માં મીસ ઈન્ડિયા સ્પર્ધામાં ભાગ લીધો અને સુષ્મિતા પછી બીજા નંબરે રહી હતી. એશને મિસ વલ્ર્ડ સ્પર્ધામાં ભાગ લેવાનો મોકો મળ્યો અને તે બાજી મારી ગઈ. આ ઉપરાંત મીસ ફોટોજેનિક પણ બની.

એશની ફિલ્મ કારકિર્દી -
એશની કારકિદીર્ શરૂ થઈ તેલુગુ ફિલ્મ 'ઈરૂવર' (૧૯૯૭)થી. જેમાં તેની સાથે ખ્યાતનામ હીરો મોહનલાલ હતો. જયારે હિન્દી ફિલ્મોમાં એશની પ્રથમ ફિલ્મ રાહુલ રવૈલ દિગ્દર્શીત 'ઓર પ્યાર હો ગયા' હતી જેમાં તેનો સહ કલાકાર હતો બોબી દેઓલ. ફિલ્મ જૉ કે બોકસ ઓફિસ પર ફલોપ ગઈ. ત્યાર બાદ આવી શંકરની 'જીન્સ' ફિલ્મ જેણે એશને ફિલ્મફેરની દક્ષિણની ફિલ્મોની કેટેગરીમાં બેસ્ટ એકટ્રેસનો એવોર્ડ અપાવ્યો. તેમ છતાં શરૂઆતમાં ફિલ્મ કેરિયર એશની સફળ ન્હોતી, તેમ છતાં તેણે પાછુ વાળીને જોયું નહી અને ૧૯૯૯માં સુભાષ ઘાઈની 'તાલ', ૨૦૦૦માં શાહરૂખ સાથેની 'મહોબતે' અને ત્યારબાદ ફરીથી શાહરૂખ સાથે આવેલી ફિલ્મ 'જોશ'. દરેકમાં એશના પાત્રમાં વિવિધતાઓ જ દેખાય. સૌથી કમાલ કરી દીધી સંજય લીલા ભણસાલીની ફિલ્મ 'દેવદાસે'. આ ફિલ્મમાં પારોની ભૂમિકાએ એશને એક ગજબના મુકામ પર મૂકી દીધી. જેના કારણે તેને ફિલ્મફેરનો બેસ્ટ એકટ્રેસનો એવોર્ડ પણ મળ્યો હતો. વિદેશમાં પણ આ ફિલ્મે ખુબ જ લોકપ્રિયતા મેળવી હતી. કેન્સ ફિલ્મ્સ ફેસ્ટીવલમાં તેનો સ્પેશિયલ શો રાખવામાં આવ્યો હતો.

એશને પ્રપોશ કરનારા પુરૂષો -
મોડેલીંગની શરૂઆતમાં એશ્વર્યાની જીંદગીમાં મોડેલ રાજીવ મુલચંદાની હતો, જેની સાથે તેણે પ્રથમ ડેટિંગ કર્યુ, ત્યારબાદ તો તેનું નામ સલમાન ખાન સાથે 'હમ દિલ દે ચુકે સનમ 'વખતથી જૉડાયું હતું. સલમાન અને એશ એકબીજાના પ્રેમમાં હતાં પરંતુ કોણ જાણે કોઇની નજર લાગી જતા બન્ને છૂટા પડયા અને એશની જીંદગીમાં આવ્યો વિવેક અબોરોય. પરંતુ તે પણ એશને જામ્યો નહીં અને આખરે મીસ વર્લ્ડ અટકી ગઈ અભિષેક બરચન પર.

IFMIFM


એશના લગ્ન -
૧૪મી જાન્યુઆરી ૨૦૦૭ના રોજ એશની અભિષેક સાથે સગાઈ થઈ અને ત્યારબાદ તુરંત જ એટલે કે ૨૦મી એપ્રિલે તેઓ શાદીના બંધનમાં બંધાઈ ગયા હતાં. કેન્સ ફિલ્મ્સ ફેસ્ટિવલમાં પણ એશ ૨૦૦૨થી નિયમિતપણે દેખાય છે. ૨૦૦૩માં તો તે જયુરી મેમ્બર પણ બની હતી. ઓકટોબર ૨૦૦૪માં એશ્વર્યાનું લંડનના મેડમ તુસાદ મ્યુઝિયમમાં મીણનું પૂતળું પણ મુકવામાં આવ્યું છે. ખ્યાતનામ ટાઈમ સામયિક ઘ્વારા ૨૦૦૪માં એશની ગણના વિશ્વની ૧૦૦ પ્રભાવશાળી વ્યકિતઓમાં ગણના થઈ હતી. આ પહેલા ૨૦૦૩માં એશ્વર્યા ટાઈમ સામયિકની એશિયા એડિશનના કવર પર ચમકી હતી.

એશે લગ્ન પહેલા કરેલી તેની ફિલ્મ ધૂમ-2માં તેણે રીતીકને ચુંબન આપ્યું હતું તે ખૂબજ વિવાદાશ્પદ રહેતા આખરે બરચન પરિવારે તે ફિલ્મથી કઢાવી નાખ્યું હતું. ફિલ્મમાં એશનો રોલ એ પ્રકારનો હતો કે તેણે કપડા પણ એકદમ સેકસી પહેરવા પડયા હતાં જેના કારણે પણ તે ચર્ચામાં આવી ગઈ હતી. જો કે ફિલ્મ ખુબ જ સફળ થઈ હતી અને રીતીક સાથે એશની કેમેસ્ટ્રી પણ ગજબની લાગતી હતી. હાલમાં જ રીતીક અને એશને બેસ્ટ સ્ટાઈલિશ કપલનો એવોર્ડ પણ આ જ ફિલ્મ માટે મળેલ છે. છેલ્લે એશને આગામી વર્ષની ખૂબ-ખૂબ શુભેચ્છાઓ - આવતું વર્ષ તેના અને તેના પતિ માટે ખુબ જ સારુ નીવડે તેવી કામના.... ]]> Fri, 07 Mar 2008 15:33:36 +0530 Tue, 08 Apr 2014 19:36:29 +0530 એજન્સી <![CDATA[શુ આજની નારી સ્વતંત્ર છે ?]]> https://gujarati.webdunia.com/article/women-day-08/શુ-આજની-નારી-સ્વતંત્ર-છે-108030600031_1.htm https://gujarati.webdunia.com/article/women-day-08/શુ-આજની-નારી-સ્વતંત્ર-છે-108030600031_1.htm http:

W.D

દરેક બાજુ લહેરાતો તિરંગો, બાળકોથી લઈને વૃધ્ધોમાં જોશ, જનૂન, ભવિષ્ય માટે સોનેરી સપના. આ બધુ યાદ અપાવે છે તે બલિદાનોની જે લાખો હિન્દુસ્તાનીઓએ અમારે આઝાદીને માટે આપી હતી. સ્વતંત્રતા શ્વાસ લેવાની, સ્વતંત્રતા વિચારવાની, વિચારો વ્યક્ત કરવાની, મૂળભૂત અધિકારોની સ્વતંત્રતા, નિર્ણય લેવાની સ્વતંત્રતા.

આજે જ્યારે દેશની આઝાદીને અડધી સદીથી પણ વધુ સમય થઈ ગયો છે ત્યારે શુ ભારતની મહિલાઓ સાચા અર્થમાં સ્વતંત્ર છે ? સિક્કાની એક બાજુ એ છે કે ભારતીય મહિલાઓએ કલાથી લઈને વિજ્ઞાન સુધી અભૂતપૂર્વ ઉન્નતિ સાધી છે. આજે એવુ કોઈ ક્ષેત્ર નથી જ્યા મહિલાઓ પુરૂષના ખભા સાથે ખભો મેળવી ચાલી ન રહી હોય.

કલ્પના ચાવલા અને અન્ય ભારતીય મૂળની મહિલાઓએ ન ફક્ત પોતાનુ નામ પરંતુ ભારતનુ નામ પણ આંતરરાષ્ટ્રીય સ્તર પર રોશન કર્યુ છે. દેશની ઉન્નતિ અને રક્ષા ક્ષેત્રે પણ મહિલાઓએ યોગદાન આપ્યુ છે. એ પછી રાજનીતિની વાત હોય કે કારગિલમાં પોતાના પતિ-પુત્રોની શહીદી પર ગૌરવાંવિત થનારી કોઈ માઁ કે પત્નીની વાત હોય, મહિલાઓએ હંમેશા પ્રત્યક્ષ કે અપ્રત્યક્ષ રૂપથી પોતાનુ યોગદાન આપ્યુ છે.

પરંતુ સિક્કાની બીજી બાજુ એ છે જે મોટેભાગે આપણા દેશમાં જોવા મળે છે. આજની છોકરીઓને ભણવા નથી દેવાતી. પરિવાર માટે પોતાના સપનોની આહૂતિ સ્ત્રીઓએ જ આપવી પડે છે. માદા ભ્રૂણ હોય તો તેનુ જીવન શરૂ થતા પહેલા જ તેને સમાપ્ત કરવામાં આવે છે.

દહેજ માટે તેને સળગાવવી, અંધવિશ્વાસોને કારણે સ્ત્રીને ચુડેલ માનીને તેને પૂર્ણ નગ્ન કરીને મારવી, સતી પ્રથા વગેરેની ઘટનાઓ અવાર-નવાર થતી રહે છે, અને આપણે જો શિક્ષિત પરિવારની વાત કરીએ તો એક જ પુત્રી હોવાથી આપણે મોટાભાગે સાંભળીએ છીએ કે અમે તો અમારી છોકરીને છોકરાની જેમ જ ઉછેરી છે. શુ માતા પિતા પણ આવી વાતો કરીને છોકરાને છોકરીથી ઉંચુ પદ નથી આપી રહ્યા ? છોકરીના જીવન સાથે સંકળાયેલા મોટાભાગના નિર્ણયો માતા-પિતા જ લે છે.

કોઈ ઓફિસમાં ઉચા પદ પર બેસેલી કોઈ મહિલાના અધીનસ્થ પુરૂષ સહયોગી કેમ તેને પૂર્ણ સહયોગ નથી આપતા ? આજે પણ તેને બહાર હલકી વાતોના વાગ્બાણ સહન કરવા પડે છે અને તે લોહીલુહાણ થવાથી ચૂપ રહેવા મજબૂર છે.

પરંતુ આમાં થોડો ઘણો મહિલાઓનો પણ દોષ છે. નારી સ્વતંત્રતાના નામે અંગ પ્રદર્શન, સ્ટ્રિપર્સ નાઈટનુ આયોજન, મોર્ડન કહેવાની હરોળમાં સંસ્કૃતિથી અલગ, તૂટતા-વિખરાઈ જતા કુંટુંબો શુ આ જ આપણી સ્વતંત્રતા છે ? આમા દોષી કોણ છે, પુરૂષ, મહિલા કે સ્વયં સમાજ ?
આ તિરંગાને જોઈને મનમાં એક જ પ્રશ્ન ઉઠે છે શુ આજની નારી સ્વતંત્ર છે ? ]]> Thu, 06 Mar 2008 18:48:28 +0530 Tue, 08 Apr 2014 19:36:29 +0530 વેબ દુનિયા