સમાચાર/ગપસપ
| સિડનીમાં દીપિકા-યુવરાજનો રોમાંસ દીપિકાએ તેનો જન્મ દિવસ યુવરાજ સાથે સિડનીમાં ઉજવ્યો ગુરૂ, 18 ડિસેમ્બર 2008( 12:27 IST ) |
 | ||
|
બોલિવુડ અભિનેત્રી દીપિકા પાદુકોણ આજે તેનો 22મો જન્મ દિવસ મનાવી રહી છે. આજકાલ દીપિકા વિશે અફવાઓ ફેલાઈ રહી છે કે તે આવતા વર્ષમાં ક્રિકેટર યુવરાજ સિંહ સાથે પરણી જશે. આ અફવાનું કારણ એ છે કે તે પોતાનો જન્મ દિવસ ક્રિકેટર યુવરાજ સાથે મનાવવા માટે ઓસ્ટ્રેલિયામાં સિડની ખાતે ગઈ છે.
દીપિકા અને યુવરાજના પરિવારના નજીકના સૂત્રોના જણાવ્યા મુજબ દીપિકા આજકાલ ક્રિકેટર યુવરાજ સિંહને ડેટ આપી રહી છે. વધુમાં તે પોતાનો જન્મ દિવસે ક્રિકેટર યુવરાજ સાથે મનાવવા માટે ઓસ્ટ્રેલિયા ગઈ છે. યુવરાજ હાલમાં ભારતીય ટીમ સાથે ટેસ્ટ ક્રિકેટ શ્રેણી માટે ઓસ્ટ્રેલિયાના પ્રવાસે છે.
દીપિકાના એક મિત્રએ જણાવ્યું હતું કે, ‘દીપિકાનું ઓસ્ટ્રેલિયા જવું અને ભારતીય ટીમ ઓસ્ટ્રેલિયામાં રમી રહી છે તે બન્ને બાબત અલગ છે, પરતું એ વાત ચોક્કસ છે કે દીપિકા અને યુવરાજ એક બીજાને ડેટ આપી રહ્યા છે’.
 | ||
|
આ સમય દરમિયાન એક અન્ય સૂત્રોએ જણાવ્યું હતું કે, મોડેલ માંથી અભિનેત્રી બનેલી દીપિકાને ક્રિકેટર દ્વારા ઓસ્ટ્રેલિયા આવવાનું આમંત્રણ મળ્યું હતું. "બંને આજકાલ એક બીજાથી ખૂબજ નજીક છે. આવતા વર્ષમાં જો બધુ ધાર્યા પ્રમાણે ચાલશે તો બંને એકબીજાને પરણી જશે. પરતું હાલમાંતો બંને એક બીજાના કેરીયર ઉપર ધ્યાન કેન્દ્રિત કરી રહ્યા છે." આશા રાખીયે કે દીપિકા અને યુવરાજ ઓસ્ટ્રેલિયા ખાતે આજે જન્મદિવસની પાર્ટી સાથે મનાવે.
અંત્રે ઉલ્લેખનિય છે કે દીપિકાએ 12 ડિસેમ્બરના રોજ શહેરની ફાઈવ સ્ટાર હોટેલમાં યુવરાજની જન્મદિવસની પાર્ટીમાં હાજરી આપી હતી.