વોર્નર બ્રધર્સ દ્વારા નિર્મિત હોલીવુડની હિટ ફિલ્મ 'વેડિંગ ક્રેશર્સ' નુ હિન્દીમાં રિમેક બનાવવાની તૈયારી ચાલી રહી છે. નિર્માતા મુકેશ તલરેજા કાયદેસર રીતે વાર્નર બ્રધર્સ પાસેથી આની મંજૂરી લઈ રહ્યા છે.
મુકેશ તલરેજા હંમેશા મોટા કલાકારોની સાથે કામ કરવુ પસંદ કરે છે. આ વાતની ચર્ચા થઈ રહી છે કે તેમની આ ફિલ્મમાં 'પાર્ટનર' વાળી સલમાન અને ગોવિંદાની જોડી જોવા મળશે. જો કે આની અધિકૃત જાહેરાત થવાની બાકી છે.
સૂત્રોના જણાવ્યા મુજબ સલમાન અને ગોવિંદા દ્વારા હાઁ કહેવાની વાર છે, ત્યારબાદ જ જાહેરાત કરવામાં આવશે. નિર્દેશકનુ નામ જાહેર કરી દેવામાં આવ્યુ છે. ડેવિડ ધવન આ જવાબદારી ઉઠાવશે. ડેવિડે 'પાર્ટનર' પણ નિર્દેશિત કરી હતી, તેથી આશા રાખવામાં આવી રહી છે કે સલ્લૂ અને ચીચી આ ફિલ્મમાં પણ એક સાથે જોવા મળી શકે છે.
|