Feedback
Print
વોટ આપવા ખાસ મુંબઈ આવશે શાહરૂખ 
 | ||
|
સુપરસ્ટાર્સ અક્ષય કુમાર અને સલમાન ખાન તો કહી ચૂક્યા છે કે તેઓ 30 એપ્રિલના રોજ મુંબઈમાં જ રહેશે અને મતદાન જરૂર કરશે. તો પછી કિંગ ખાન કેમ પાછળ રહે ?
'નાઈટ રાઈડર્સ'ના માલિક શાહરૂખ ખાન દક્ષિણ આફ્રિકાથી ફક્ત વોટ આપવા જ એક દિવસ માટે મુંબઈ આવશે. સૂત્રોના જણાવ્યા મુજબ કિંગ ખાને આઈપીએલમાં ભાગ લઈ રહેલ પ્રતિદ્વંદી ટીમના માલિક વિજય માલ્યાને વિનંતી કરી છે કે તેમને એક પ્રાઈવેટ જેટની વ્યવસ્થા કરાવે જેથી તેઓ ઓછા સમયમાં યાત્રા પૂરી કરી શકે. વોટ નાખીને શાહરૂખ પાછા દક્ષિણ આફ્રિકા પાછા ફરશે.
શાહરૂખ સાથે સંકળાયેલા લોકોનુ કહેવુ છે કે ' શાહરૂખ આ વખતે વોટ આપવા આતુર છે, અને આ તક તેઓ જવા દેવા નથી માંગતા. જો 30 એપ્રિલે તેમના ટીમની મેચ પણ હોત તો એ વોટ આપવા જરૂર આવત.
શાહરૂખે પ્રીતિ ઝિંટાને પણ કહ્યુ છે કે તેઓ પણ મતદાન જરૂર કરે અને પ્રીતિ પણ ભારત આવશે. શિલ્પા શેટ્ટીએ પોતાની ટીમની મેચ એ દિવસે હોવાને કારણે વોટિંગ ન કરવાનો નિર્ણય કર્યો છે.