વેજીટેબલ ચેવડો

સામગ્રી - 3 બટાટા, 3 રીંગણા, 150 ગ્રામ ગવાર, 150 ગ્રામ ભીંડાં, 100 ગ્રામ દૂધી, 2 નાની ચમચી મરચું, 1 ચમચી દળેલી ખાંડ, અડધી ચમચી આમાચૂર પાવડર, અંદાજથી મીઠું, 1/4 ચમચી તલ, તળવા માટે તેલ, સજાવવા માટે 1 ચમચી કોપરું છીણેલું, 10-12 કાજુ ધી માં તળેલા, 8-10 દ્રાક્ષ.

રીત - સૌ પ્રથમ દરેક શાકભાજી ને છીણીને તેમાં હળદર ફેળવી થોડીવાર રહેવા દો. હવે ઉકળતાં પાણીમાં આ મિશ્રણને નાખી 2 મિનિટ પછી બહાર કાઢી લો. હવે ઉકળતી શાકભાજીઓને તડકાંમાં સુકાવવા દો.

સારી રીતે સૂકાયા પછી તેલમાં બદામી રંગના તળી લો. અને ઉપર લખેલો મસાલો ભેળવીને એરટાઈટ ડબ્બામાં ભરી લો. હવે તૈયાર છે, હંમેશા તમે ખાવ છો તેનાથી અલગ પૌષ્ટિક ચેવડો. તમે પણ ખાવ અને બીજાને પણ ખવડાવો.