સામગ્રી - ચોખા- 2 વાટકી, અડદની દાળ- 1 વાટકી અથવા ઇડલી મિક્સ, બટાકા (બાફેલા) 4 નંગ, ડુંગળી- 1 (ઝીણી કાપેલી), લીલા મરચા- 2 કે 3 નંગ, તેલ, લીમડાના પાન, કાજુ, સુકી દ્રાક્ષ, મોટી વરીયાળી, રાઇ, જીરૂ (સ્વાદાનુઇ સાર), હળદર, મીઠું, લાલ મરચું (સ્વાદ અનુસાર). રીત: ઇડલી બનાવવાના ચોખા અને દાળ આખી રાત પાણીમાં પલાળી રાખો. બંન્નેને પીસીને આથો આવે ત્યાર સુધી રાખો (ઓછામાં ઓછા 7 થી 8 કલાક). અથવા ઝલદી બનાવવા માટે ઇડલીનું મિશ્રણ પણ તમે લાવી શકો છો. ભરાવન બનાવવાની રીત: કડાઇમાં તેલ ગરમ કરો. તેમાં રાઇ, જીરૂ અને લીલા મરચા નાંખો. ત્યાર બાદ ડુંગળી નાંખીને તેને સોનેરી થાય ત્યાં સુધી સાંતળો. સ્વાદ માટે મીઠા લીમડાના પાન નાંખો. હવે બાફેલા બટાકાને મસળીને તેમાં નાંખો. હવે તેમાં સ્વાદાનુસાર મીઠું, હળદર, લાલ મરચું, વરીયાળી નાંખો. છેલ્લે કાજુના ટુકડા અને સુકી દ્રાક્ષ નાંખો. હવે આના નાના નાના લુઆ બનાવો. હવે ઇડલીના વાસણમાં તેલ લગાવીને ઇડલીનું મિશ્રણ નાંખો ત્યાર બાદ તેમાં લુઆ મુકો, ત્યાર બાદ તેમાં ઉપરથી ઇડલીનું મિશ્રણ નાંખો. ત્યાર બાદ કુકરમાં સીટી વગાડ્યા વિના 10 થી 15 મિનિટ સુધી ચડવા દો. (આના માટે તમે માઇક્રોવેવનો ઉપયોગ પણ કરી શકો છો.) ઇડલી તૈયાર થઈ જાય પછી તેને ઠંડી કરી લો. હવે તેને તેલમાં તળી લો. અને ત્યાર બાદ તેને સોસ અને લીલી ચટણી સાથે ખાવ. |
સૂચના
મિત્રને મોકલો
આ પેજ પ્રિન્ટ કરો 
