ભાઈની ભેટનું સન્માન કરો કલ્યાણી દેશમુખ

રક્ષાબંધનનો તહેવાર આવે કે દરેક બહેનોને પોતાના ભાઈને ઘરે જવાનું છે વિચારીને જ મનમાં એક અનોખા આનંદની લાગણી થાય છે અને એમાં W.D પણ ખાસ કરીને તહેવારોના દિવસે મળતાં ઉપહારોને લઈને દરેક બહેનના મનમા અનેક સપનાં સજતા હોય છે. તે પોતાના મનમાં ઉપહારને લઈને અનેક આશાઓ રાખી મુકે છે. પણ જો.. જો...એવું ન થઈ જાય કે તમને ભેટ મળે અને તમે તે ભેટને લેતી વખતે મોઢું વાકું કરો કે તેનુ અપમાન કરો. W.D ભેટ પસંદ આવે કે ન આવે તેને પ્રેમ પૂર્વક સ્વીકારવી જોઈએ. તમે ભેટ નથી ગમતી કહીને કે મારી પાસે તો આવી છે જેવા શબ્દો કહીને નહી સ્વીકારો તો તમારા આજના તહેવારની મજા તો બગડશે જ સાથે-સાથે આપનારાનું દિલ પણ તૂટશે. ભેટ સસ્તી છે કે મોંધી જોવાના બદલે આપનારાની ભાવનાને સમજો. ભેંટનું શું છે એ તો અવારનવાર મળતી જ રહે છે. ઘણીવાર એવું થાય છે કે બહેનોનું સાસરિયું પૈસે ટકે સારું હોય, તો તેઓ ભાઈ પાસેથી પણ કોઈ મોંધા ભેટની આશા કરે છે, તેમને પોતાના ભાઈની નાનકડી ભેટને સાસરિયાઓને બતાવવામાં શરમ આવે છે. કદી એ પણ વિચારો કે ભાઈનો પણ પરીવાર છે, તેનું ઘર કેવી રીતે ચાલે છે ? છોકરીઓને તો દરેક તહેવારે કાંઈને કાંઈ તો આપવું જ પડતું હોય છે, જો દરેક તહેવારે તે આ રીતે જ મોટી-મોટી ભેટ આપશે તો પોતાનું ઘર કેવી રીતે ચલાવશે. આ તો એક સામાન્ય ભાઈની વાત છે.