હૈદરાબાદ, જયપુર, અમદાવાદ બાદ શનિવારે સાંજે દેશનું પાટનગર દિલ્હી બોમ્બ ધમાકાઓથી હચમચી ઉઠ્યું હતું. શહેરમાં વિવિધ ત્રણ સ્થળોએ એક પછી એક પાંચ સિરીયલ બ્લાસ્ટ થતાં દિલ્હી સહિત સમગ્ર દેશમાં ભયની દહેશત પ્રસરી હતી. આ ધમાકામાં 25 મોત તથા 75થી વધુ ઘાયલ થયાનું હાલના તબક્કે જાણવા મળી રહ્યું છે. તો બીજી બાજુ આ ધમાકાઓને પગલે દિલ્હી સહિત દેશમાં હાઇ એલર્ટ કરાયું છે. એમાંય ખઆસ કરીને ગુજરાત તથા ગણપતિ મહોત્સવને લઇને મહારાષ્ટ્રમાં સુરક્ષા વધારાઇ દેવાઇ છે. શહેરમાં પાંચ સીરીયલ બ્લાસ્ટ થયાં હતાં.સાંજે 6.10ની આસપાસ પ્રથમ બ્લાસ્ટ બાદ બીજા બે સ્થળોએ બ્લાસ્ટ થયા હતા. ગણત્રીની 26 મિનિટોમાં એક પછી એક પાંચ બ્લાસ્ટ બાદ થયાં હતાં.