વૈશ્વિક અર્થતંત્ર મંદીમાં ડોલી રહ્યું છે ત્યારે ગુજરાત વાયબ્રન્ટ સમિટ દ્વારા રોકાણ અને રોજગારીમાં વધુ સિધ્ધિ મેળવવા જઇ રહ્યું છે. આગામી દિવસોમાં યોજાનાર વાયબ્રન્ટ ગુજરાત ગ્લોબલ ઇન્વેસ્ટર્સ સમિટમાં લઘુ , નાના અને મધ્યમ કક્ષાના ઉદ્યોગો પર વધુ ધ્યાન અપાઈ રહ્યું છે. આ સમિટમાં આ વખતે 4 હજાર જેટલા એમઓયુ થવાની સંભાવના છે .
આ કેટેગરી હેઠળ થનારા એમઓયુ દ્વારા અંદાજે 9 લાખ જેટલી નોકરીઓનું સર્જન થવાની ધારણા છે. વર્ષમાં 2007માં થયેલા 363 એમઓયુ કરતાં આ વખતે વધુ એમઓયુ થાય એવી શક્યતા છે. જેમાં વધુ એમ.ઓ.યુ લઘુ, નાના અને મધ્યમ કક્ષામાં અંદાજે 3 હજાર થાય એમ છે. આ માટે સરકારને 4 હજાર જેટલી દરખાસ્ત પણ મળી હોવાનું જાણકારો જમાવી રહ્યા છે.
ઉદ્યોગગૃહોનો સૂત્રો મુજબ 10 કરોડ રૂપિયા સુધીના એમઓયુને એમએસએમઇ કેટેગરીમાં , જ્યારે 10 કરોડ રૂપિયાથી વધુના એમઓયુને અન્ય કેટેગરીમાં ગણવામાં આવશે . આ પ્રથમ વાયબ્રન્ટ ઇવેન્ટ છે જેમાં લઘુ, નાના અને મધ્યમ ઉદ્યોગકારો ભાગ લઇ રહ્યા છે.
| 
સૂચના
મિત્રને મોકલો
આ પેજ પ્રિન્ટ કરો 