રશિયાનાં રાષ્ટ્રપતિ બ્લાદિમીર પુતિનને લુડવિગ નોબલ એવોર્ડથી સંમાનિત કરવામાં આવ્યા છે. લુડવિગ નોબલ પુરસ્કારની પસંદગી સમિતિનાં અધ્યક્ષ યેગવેની લૂકોસ્કોવે જણાવ્યું હતું કે, પુતનને આ સંમાન દેશ પ્રત્યે તેમનાં યોગદાન માટે આપવામાં આવ્યું છે.
તેમણે કહ્યું હતું કે, બોરિસ યેલ્તસિનનાં કાર્યકાળમાં દેશમાં કાયદા વ્યવસ્થાની સ્થિતિ ઠીક ન હતી. પરંતુ પુતિને લૂંટ અને હત્યાની ઘટનાઓ પર લગામ કસી અને છેલ્લા આઠ વર્ષથી આ જવાબદારી ઉઠાવી રહ્યાં છે.
ઉલ્લેખનીય છે કે, રશિયા સૌથી લોકપ્રિય રાજનેતા 55 વર્ષીય પુતિન આગામી મહિને પોતાનાં પદેથી સેવાનિવૃત્ત થઈ રહ્યાં છે. રશિયામાં આર્થિક વિકાસ, રાજકીય સ્થિરતા જાળવી રાખવા તથા વિશ્વનાં વિકસિત દેશોની કતારમાં પુનઃ ઉભા રાખવાનો શ્રેય પણ પુતિનને જાય છે.
|
સૂચના
મિત્રને મોકલો
આ પેજ પ્રિન્ટ કરો 