નવી દિલ્હી. સેન્ટ્રલ બ્યુરો ઓફ ઈન્વેસ્ટીગેશને આજે બોફોર્સ દલાલી મામલામાં તપાસ સમિતીને પ્રભાવિત કરવાના કથિત પ્રયાસ માટે પૂર્વ વિદેશ મંત્રી માધવસિંહ સોલંકી પર કેસ ચલાવવાની માગ કરી છે.
એજન્સીનો આરોપ છે કે, તેમણે સ્વિટ્ઝરલેન્ડમાં તપાસને પ્રભાવિત કરવા માટે 1992માં પોતાના સ્વિસ સમકક્ષને બનાવટી દસ્તાવેજો આપ્યા હતા. સોલંકીએ ફેબ્રુઆરી 1992માં દાવોસની પોતાના આધિકારીક યાત્રા સમયે સ્વિટ્ઝરલેન્ડના વિદેશ મંત્રી રેને ફેલ્બરને કથિત રીતે પોતાના હસ્તાક્ષર વાળા અને બનાવટી દસ્તાવેજો આપ્યા હતા. જેથી તે સમયે મામલામાં પુરાવા મેળવવા માટે દિલ્હીની એક અદાલતે જારી કરેલા લેટર ઓફ રોગેટરી પર તેઓ ખોટી ધારણા બાંધી શકે.
અતિરિક્ત સત્ર ન્યાયાધીશ આર કે યાદવ સમક્ષ સીબીઆઈએ ન્યાયીક પ્રક્રિયામાં પુરાવા એકત્રીત કરવા માટે સોલંકી સામે કેસ ચલાવવાની માગ કરી હતી. સીબીઆઈએ દાવો કર્યો હતો કે, પૂર્વ વિદેશમંત્રી સોલંકી સામે તેઓની પાસે પુરતા પુરાવા છે.
|
સૂચના
મિત્રને મોકલો
આ પેજ પ્રિન્ટ કરો 