પાકિસ્તાનની સરહદ નજીક આવેલા કચ્છનાં રણ અને ક્રીક વિસ્તારમાં પ્રથમવાર હોવરક્રાફ્ટ દોડાવવામાં આવી હતી. બીએસએફની માંગ પર આપવામાં આવેલી હોવરક્રાફ્ટનું નિરીક્ષણ કરવામાં આવ્યું હતું આ હોવરક્રાફ્ટ કોસ્ટ ગાર્ડે આપી છે.
બીએસએફની ગુજરાત રેન્જનાં ડીઆઈજી ગોપાલસિંહ શેખાવતે કચ્છનાં રણ તથા ક્રીક વિસ્તારોની મુલાકાત લઈને વર્તમાન સ્થિતિની સમીક્ષા કરી હતી. તેમણે ક્રીક, હરામીનાળુ, કોટ લખપત, કોટેશ્વર તથા રણ વિસ્તારોની મુલાકાત લઈને સુરક્ષા વ્યવસ્થાની સ્થિતિનું નિરીક્ષણ કર્યુ હતુ.
હોવરક્રાફ્ટ ઉપરાંત ફ્લોટીંગ બોર્ડર આઉટ પોસ્ટ તથા સ્પીડ બોટ બોટથી પણ સરહદની ચોકી કરવામાં આવી રહી છે. બીએસએફનાં ડીઆઈજીનાં તાજેતરમાં મળેલી બેઠકમાં તેમણે ગુજરાતનાં સરહદી વિસ્તારો માટે હોવરક્રાફટની માંગ કરી હતી. ગુજરાતની કચ્છથી લઈને બાડમેર સુધી 741 કિલોમીટર સુધી ફેલાયેલી છે. જેમાં ભૂજની સીમા ખૂબ મહત્ત્વની છે.
| 
સૂચના
મિત્રને મોકલો
આ પેજ પ્રિન્ટ કરો 