સૂચના
મિત્રને મોકલો
આ પેજ પ્રિન્ટ કરો મહાગણપતિસ્તોત્રમ્ 
 | ||
|
યોગં યોગવિદાં વિધૂત-વિવિધ-વ્યાસંગશુદ્ધાશય
પ્રાદુર્ભૂત-સુધારસ-પ્રસૃમર-ધ્યાનાસ્પદાધ્યાસિનામ્.
આનન્દપ્લવમાન-બોધમધુરા-ઽઽમોદચ્છટામેદુરં
તં ભૂમાનમુપાસ્મહે પરિણતં દન્તાવલાસ્યાત્મના ૧
તારશ્રી-પરશક્તિકામરસુધા-રૂપાનુગં યં વિદુ-
સ્તસ્મૈ સ્યાત્ પ્રણતિર્ગુણાધિપતયે યો રાગિણાઽભ્યર્થ્યતે.
આમન્ત્ર્ય પ્રથમં વરેતિ વરદેત્યાર્તેન સર્વં જનં
સ્વામિન્ મે વશમાનયેતિ સતતં સ્વાહાદિભિઃ પૂજિતઃ ૨
કલ્લોલાંચલ-ચુમ્બિતામ્બુદ-તતાવિક્ષુદ્રવામ્ભોનિધૌ
દ્વીપે રત્નમયે સુરદ્રુમવનામોદૈકમેદસ્વિનિ.
મૂલે કલ્પતરોર્મહામણિમયે પીઠેઽક્ષરામ્ભોરુહે
ષટ્કોણાકલિત-ત્રિકોણરચના-સત્કીર્ણકેઽમું ભજે ૩
ચક્રપ્રાસ-રસાલ-કાર્મુક-ગદા-સદ્બીજપુરવિદ્વજ-
બ્રીહ્યગોત્પલ-પાશપંકજકરં શુણ્ડાગ્રજાગ્રદ્ઘટમ્.
આશ્લિષ્ટં પ્રિયયા સરોજકરયા રત્નસ્ફુરદ્ ભૂષયા
માણિક્યપ્રતિમં મહાગણપતિં વિશ્વેશમાશાસ્મહે ૪
દાનામ્ભઃ-પરિમેદુર-પ્રસૃમર-વ્યાલમ્બિરોલમ્બભૃત્
સિન્દૂરારુણ-ગણ્ડમણ્ડલયુગ-વ્યાજાત્ પ્રશસ્તિદ્વયમ્.
ત્રૈલોક્યેષ્ટ વિધાનવર્ણસુભગં યઃ પદ્મરાગોપમં
ધત્તે સ શ્રિયમાતનોતુ સતતં દેવો ગણાનાં પતિઃ ૫
ભ્રામ્યન્ મન્દરઘૂર્ણનાપરવશ-ક્ષીરાબ્ધિવીચ્છિટા
સચ્છાયાશ્ચલ-ચામર-વ્યતિકર-શ્રીગર્વસર્વંકષાઃ.
દિક્કાન્તાઘન-સારચન્દનરસા-સારાશ્રયન્તાં મનઃ
સ્વચ્છન્દપ્રસર-પ્રલિપ્તવિયતો હેરમ્બદન્તત્વિષઃ ૬
મુક્તાજાલકરમ્બિત-પ્રવિકસન્-માણિક્યપુંજચ્છટા-
કાન્તાઃ કમ્બુકદમ્બ-ચુમ્બિતવનાભોજ-પ્રવાલોપમાઃ.
જ્યોત્સ્નાપૂર-તરંગ-મન્થરતરત્-સન્ધ્યાવયવશ્ચિરં
હેરમ્બસ્ય જયન્તિ દન્તકિરણાકીર્ણાઃ શરીરત્વિષઃ ૭
શુણ્ડાગ્રાકલિતેન હેમકલશેનાવર્જિતેન ક્ષરન્
નાનારત્નચયેન સાધકજનાન્ સમ્ભાવયન્ કોટિશઃ.
દાનામોદ-વિનોદલુબ્ધ-મધુપ-પ્રોત્સારણાવિર્ભવત્
કર્ણાન્દોલનખેલનો વિજયતે દેવો ગણગ્રામણીઃ ૮
હેરમ્બં પ્રણમામિ યસ્ય પુરતઃ શાણ્ડિલ્યમૂલે શ્રિયા
બિભ્રત્યામ્બુરુહે સમં મધુરિપુસ્તે શંખચક્રે વહન્.
ન્યગ્રોધસ્ય તલે સહાદ્રિસુતયા શમ્ભુસ્તથા દક્ષિણે
બિભ્રાણઃ પરશું ત્રિશૂલમિતયા દેવ્યા ધરણ્યા સહ ૯
પશ્ચાત્ પિપ્પલમાશ્રિતો રતિપતિર્દેવસ્ય રત્યોત્પલે
બિભ્રત્યા સમમૈક્ષવં ઘનુરિપૂન્ પૌષ્પાન્ વહન્ પંચશ્ચ.
વામે ચક્રગદાધરઃ સ ભગવાન્ક્રોડઃ પ્રિયંગોસ્તલે
હસ્તોદ્યચ્છુકશાલિમંજરિકયા દેવ્યા ધરણ્યા સહ ૧૦
ષટ્કોણાશ્રિપુ ષટ્સુ ષડ્ગજમુખાઃ પાશાંકુશાભીવરાન્
બિભ્રાણાઃ પ્રમદાસખાઃ પૃથુમહાશોણાશ્મ-પુંજત્વિષઃ.
આમોદઃ પુરતઃ પ્રમોદસૃમુખૌ તં ચાઽભિતો દુર્મુખઃ
પશ્ચાત્ પાર્શ્વગતોઽસ્ય વિઘ્ન ઇતિ યો યો વિઘ્નકર્તેતિ ચ ૧૧
આમોદાદિગણેશ્વર-પ્રિયતમાસ્તત્રૈવ નિત્યં સ્થિતાઃ
કાન્તાશ્લેષરસજ્ઞ-મન્થરદૃશઃ સિદ્ધિઃસમૃદ્ધિસ્તતઃ.
કાન્તિર્યા મદનાવતીત્યપિ તથા કલ્પેષુ યા ગીયતે
સાઽન્યા યાઽપિ મદદ્રવા તદપરા દ્રાવિણ્યમૂઃ પૂજિતાઃ ૧૨
આશ્લિષ્ટૌ વસુધેત્યથો વસુમતી તાભ્યાં સિતાલોહિતૌ
વર્ષન્તૌ વસુપાર્શ્વયોર્વિલસતસ્તૌ શંખપદ્મૌ નિધી.
અંગાન્યન્વથ માતરશ્ચ પરિતઃ શુક્રાદયોઽબ્જાશ્રયા-
સ્તદ્બાહ્યે કુલિશાદયઃ પરિપતત્કાલાનલજ્યોતિષઃ ૧૩
ઇત્થં વિષ્ણુ-શિવાદિ-તત્વતનવે શ્રીવક્રતુણ્ડાય હું-
કારાક્ષિપ્ત-સમસ્તદૈત્ય પૃતનાવ્રાતાય દીપ્તત્વિષે.
આનન્દૈક-રસાવબોધલહરી વિધ્વસ્તશર્વોર્મયે
સર્વત્ર પ્રથમાનમુગ્ધમહસે તસ્મૈ પરસ્મૈ નમઃ ૧૪
સેવા હેવાકિદેવા-સુરનરનિકર-સ્ફાર-કૌટીર-કોટી-
કોટિવ્યાટીકમાન-દ્યુમણિસમમણિ-શ્રેણિભાવેણિકાનામ્.
રાજન્નીરાજનશ્રી-સુખચરણનખ-દ્યોતવિદ્યોતમાનઃ
શ્રેયઃ સ્થેયઃ સ દેયાન્ મમ વિમલદૃશો બન્ધુરં સિન્ધુરાસ્યઃ ૧૫
એતેન પ્રકટરહસ્યમન્ત્રમાલા-ગર્ભેણ સ્ફુટતરસંવિદા સ્તવેન.
યઃ સ્તૌતિ પ્રચુરતરં મહાગણેશં તસ્યેયં ભવતિ વશંવદા ત્રિલોકી ૧૬
ઇતિ શ્રીમત્પરમહંસપરિવ્રાજકાચાર્ય-શ્રીરાઘવચૈતન્યવિરચિતં મહાગણપતિસ્તોત્રં સમાપ્તમ્