સૂચના
મિત્રને મોકલો
આ પેજ પ્રિન્ટ કરો ગણેશમાનસપૂજા 
 | ||
|
વિઘ્નેશવીર્યાણિ વિચિત્રકાણિ બંદીજનૈર્માગધકૈઃ સ્મૃતાનિ.
શ્રુત્વા સમુત્તિષ્ઠ ગજાનન ત્વં બ્રાહ્મૈર્જગન્મંગલકં કુરુષ્વ ૧
એવં મયા પ્રાર્થિત-વિઘ્નરાજશ્ચિત્તેન ચોત્થાય બહિર્ગણેશઃ.
તં નિર્ગતં વીક્ષ્ય નમન્તિ દેવાઃ સમ્ભ્વાદયો યોગિમુખાસ્તથાઽહમ્ ૨
શૌચાદિકં તે પરિકલ્પયામિ હેરમ્બ વૈ દન્તવિશુદ્ધિમેવમ્.
વસ્ત્રેણ સમ્પ્રોક્ષ્ય મુખારવિન્દં દેવં સભાયાં વિનિવેશયામિ ૩
દ્વિજાદિસર્વેરભિવન્દિતં ચ શુકાદિભિર્મોદ-સમોદકાદ્યૈઃ.
સમ્ભાષ્ય ચાલોક્ય સમુત્થિતં તં સમણ્ડપં કલ્પ્ય નિવેશયામિ ૪
રત્નૈઃ સુદીપ્તૈઃ પ્રતિબિમ્બિતં તં પશ્યામિ ચિત્તેન વિનાયકં ચ.
તત્રાસનં રત્નસુવર્ણયુુક્તં સંકલ્પ્ય દેવં વિનિવેશયામિ ૫
સિદ્ધ્યા ચ બુદ્ધ્યા સહ વિઘ્નરાજ! પાદ્યં કુરુ પ્રેમભરેણ સર્વૈઃ.
સુવાસિતં નીરમથો ગૃહાણ ચિત્તેન દત્તં ચ સુખોષ્ણભાવમ્ ૬
તતઃ સુવસ્ત્રેણ ગણેશપાદૌ સમ્પ્રોક્ષ્ય દૂર્વાદિભિરર્ચયામિ.
ચિત્તેન ભાવપ્રિય દીનબન્ધો મનો વિલીનં કુરુ તે પદાબ્જે ૭
કર્પૂર-એલાદિ-સુવાસિતં તુ સુકલ્પિતં તોયમથો ગૃહાણ.
આચમ્ય તેનૈવ ગજાનન! ત્વં કૃપાકટાક્ષેણ વિલોકયાશુ ૮
પ્રવાલ-મુક્તાફલ-હારકાદ્યૈઃ સુસંસ્કૃતં હ્યન્તરભાવકેન.
અનર્ઘ્યમર્ઘ્યં સફલં કુરુષ્વ મયા પ્રદત્તં ગણરાજ ઢુણ્ઢે ૯
સૌધં ત્રિયુક્તં મધુપર્કમાદ્યં સંકલ્પિતં ભાવયુતં ગૃહાણ.
પુનસ્તથાઽઽચમ્ય વિનાયક ત્વં ભક્તાંશ્ચ ભક્તેશ્ચ સુરક્ષયાશુ ૧૦
સુવાસિતં ચંપક જાતિકાદ્યૈસ્તૈલં મયા કલ્પિતમેવ ઢુણ્ઢે.
ગૃહાણ તેન પ્રવિમર્દયામિ સર્વાંગમેવં તવ સેવનાય ૧૧
તતઃ સુખોસ્ણેન જલેન ચાઽહમનેકતીર્થાહૃતકેન ઢુણ્ઢિમ્.
ચિત્તેન શુદ્ધેન ચ સ્નાપયામિ સ્નાનં મયા દત્તમથો ગૃહાણ ૧૨
તતઃ પયઃસ્નાનમચિન્ત્યભાવં ગૃહાણ તોયસ્ય તથા ગણેશ.
પુનર્દધિસ્નાનમનામયત્વં ચિત્તેન દત્તં ચ જલસ્ય ચૈવમ્ ૧૩
તતો ઘૃતસ્નાનમપારવન્દ્ય સુતીર્થજો વિઘ્નહર પ્રસીદ.
ગૃહાણ ચિત્તેન સુકલ્પિતં તુ તતો મધુસ્નાનમથો જલસ્ય ૧૪
સુશર્કરાયુક્તમથો ગૃહાણ સ્નાનં મયા કલ્પિતમેવ ઢુણ્ઢે.
તતો જલસ્નાનમઘાપહર્તૃ વિઘ્નેશ માયાં હિ નિવારયાશુ ૧૫
સુદક્ષપંકસ્તમથો ગૃહાણ સ્નાન પરેશાધિપતે તતશ્ચ.
કૌમણ્ડલીસમ્ભવજં કુરુષ્વ વિશુદ્ધમેવં પરિકલ્પિતં તુ ૧૬
તતસ્તુ સૂક્તૈર્મનસા ગણેશં સમ્પૂજ્ય દૂર્વાદિભિરલ્પભાવૈઃ.
અપારકૈર્મણ્ડલભૂતબ્રહ્મણસ્પત્યાદિકૈસ્તં હ્યભિષેચયામિ ૧૭
તતઃ સુવસ્ત્રેણ તુ પ્રોંછનં ત્વં ગૃહાણ ચિત્તેન મયા સુકલ્પિતમ્.
તતો વિશુદ્ધન જલેન ઢુણ્ઢે હ્યાચાન્તમેવં કુરુ વિઘ્નરાજ ૧૮
અગ્નૌ વિશુદ્ધે તુ ગૃહાણ વસ્ત્રે હ્યનર્ઘમૌલ્યે મનસા મયા તે.
દત્તે પરિચ્છાદ્ય નિજાત્મદેહં તાભ્યાં મયૂરેશ જનાશ્ચ રક્ષ ૧૯
આચમ્ય વિઘ્નેશ પુનસ્તથૈવ ચિત્તેન દત્તં સુખમુત્તરીયમ્.
ગૃહાણ ભક્તપ્રતિપાલક ત્વં નમો યથા તારકસંયુતં તુ ૨૦
યજ્ઞોપવીતં ત્રિગુણસ્વરૂપં સૌવર્ણમેવં હ્યહિનાથભૂતમ્.
ભાવેન દત્તં ગુણનાથ તત્વં ગૃહાણ ભક્તોદ્ધરકારણાય ૨૧
આચાન્તમેવં મનસા પ્રદત્તં કુરુષ્વ શુદ્ધેન જલેન ઢુણ્ઢે.
પુનશ્ચ કૌમણ્ડલકેન પાહિ વિશ્વં પ્રભો ખેલકર સદા તે ૨
ઉદ્યદ્દિનેશાભમથો ગૃહાણ સિન્દૂરકં તે મનસા પ્રદત્તમ્.
સર્વાંગસંલેપનમાદરાદ્ વૈ કુરુષ્વ હેરમ્બ ચ તેન પૂર્ણમ્ ૨૩
સહસ્રશીર્ષં મનસાશ્રયં ત્વદ્દત્ત કિરીટં તુ સુવર્ણજં વૈ.
અનેકરત્નૈઃ ખચિતં ગૃહાણ બ્રહ્મેશ તે મસ્તકશોભનાય ૨૪
વિચિત્રરત્નૈઃ કનકેન ઢુણ્ઢે યુતાનિ ચિત્તેન મયા પરેશ.
દત્તાનિ નાનાપદુકુણ્ડલાનિ ગૃહાણ શૂર્પશ્રુતિભૂષણાય ૨૫
શુણ્ડાવિભૂષાર્થમનન્તખેલિન્ સુવર્ણજં કંચુકમાગૃહાણ.
રત્નૈશ્ચ યુક્તં મનસા મયા, યદ્દત્તં પ્રભો તત્ સફલં કુરુષ્વ ૨૬
સુવર્ણરત્નૈશ્ચ યુતાનિ ઢુણ્ઢ સદૈકદન્તાભરણાનિ કલ્પ્ય.
ગૃહાણ ચૂડાકૃતયે પરેશ દત્તાનિ દન્તસ્ય ચ શોભનાર્થમ્ ૨૭
રત્નૈઃ સુવર્ણેન કૃતાનિ તાનિ ગૃહાણ ચત્વારિ મયા પ્રકલ્પ્ય.
સમ્ભૂષય ત્વં કટકાનિ નાથ ચતુર્ભુજેષુ હ્યજ વિઘ્નહારિન્ ૨૮
વિચિત્રરત્નૈઃ ખચિતં સુવર્ણ-સમ્ભૂતકં ગૃહ્ય મયા પ્રદત્તમ્.
તથાંગુલીષ્વાંગુલિકં ગણેશ ચિત્તેન્ સંશોભય તત્પરેશ ૨૯
વિચિત્રરત્નૈઃ ખચિતાનિ ઢુણ્ઢે કેયૂરકાણિ હાથ કલ્પિતાનિ.
સુવર્ણજાનિ પ્રથમાધિનાથ ગૃહાણ દત્તાનિ ચ બાહુષુ ત્વમ્ ૩૦
પ્રવાલ-મુક્તિાફલ-રત્નજાંસ્ત્વ સુવર્ણસૂત્રૈશ્ચ ગૃહાણ કણ્ઠે.
ચિત્તેન દત્તા વિવિધાશ્ચ માલા ઉરોદરે સોભય વિઘ્નરાજ ૩૧
ચન્દ્ર લલાટે ગણનાથ પૂર્ણ બૃદ્ધિ-ક્ષયાભ્યાં તુ વિહીનમાદ્યમ્.
સંશોભય ત્વં વરસંયુતં તે ભક્તપ્રિયત્વં પ્રકટીકુરુષ્વ ૩૨
ચિન્તામણિ ચિંતિતદં પરેશ હૃદ્દેશગં જ્યોતિમયં કુરુષ્વે.
મણિં સદાનન્દસુખપ્રદં ચ વિઘ્નેશ દીનાનાથ પાલયસ્વ ૩૩
નાભૌ ફણીશં ચ સહસ્રશીર્ષ સંવેષ્ટનેનૈવ ગણાધિનાથ.
ભક્તં સુભૂષ કુરુ ભૂષણેન વરપ્રદાનં સફલ પરેશ ૩૪
કટીતટે રત્નસુવર્ણયુક્તાં કાંચીં સુચિત્તેન ચ ધારયામિ.
વિઘ્નેશ જ્યોતિર્ગણદીપનં તે પ્રસીદ ભક્તં કુરુ માં દયાબ્ધે ૩૫
હેરમ્બ તે રત્નસુવર્ણયુક્તે સુનૂપુરે મંજિરકે તથૈવ.
સુકિંકિણીનાદયુતે સુબુદ્ધ્યા સુપાદયોઃ શોભય સે પ્રદત્તે ૩૬
ઇત્યાદિ-નાનાવિધ-ભૂષણાનિ તવેચ્છયા માનસકલ્પિતાનિ.
સમ્ભૂષયામ્યેવ ત્વદંકેષુ વિચિત્રધાતુપ્રભવાણિ ઢુણ્ઢે ૩૭
સુચન્દનં રક્તમમોઘવીર્યં સુઘર્ષિતં હ્યષ્ટકગન્ધમુખ્યૈઃ.
યુક્તં મયા કલ્પિતમેકદન્ત ગૃહાણ તે ત્વંગવિલેપનાર્થમ્ ૩૮
લિપ્તેષુ વૈચિત્ર યમથાષ્ટગન્ધૈરંગેષુ તેઽહં પ્રકરોમિ ચિત્રમ્.
પ્રસીદ ચિત્તેન વિનાયક ત્વં તતઃ સુરક્ત રવિમેવ ભાલે ૩૯
ઘૃતેન વૈ કુંકુમકેન રક્તાન્ સુતન્દુલાંસ્તે પરિકલ્પયામિ.
ભાલે ગણાધ્યક્ષ ગૃહાણ પાહિ ભક્તાન્ સુભક્તિપ્રિય દીનબન્ધો ૪૦
ગૃહાણ ભો ચમ્પકમાલતીનિ સુપંકજાનિ સ્થલપંકજાનિ.
ચિત્તેન દત્તાનિ ચ મલ્લિકાનિ પુષ્પાણિ નાનાવિધવૃક્ષજાનિ ૪૧
પુષ્પોપરિ ત્વં મનસા ગૃહાણ હેરમ્બ મન્દારશમીદલાનિ.
મયા સુચિત્તેન પ્રકલ્પિતાનિ હ્યપારકાણિ પ્રણવાકૃતે તુ ૪૨
દૂર્વાંકુરાન્ વૈ મનસા પ્રદત્તાંસ્ત્રિપંચપત્રૈર્યુતકાંશ્ચ સ્નિગ્ધાન.
ગૃહાણ વિઘ્નેશ્વર સંખ્યયા ત્વં હીનાશ્ચ સર્વોપરિ વક્રતુણ્ડ ૪૩
દશાંગભૂતં મનસા મયા તે ધૂપં પ્રદત્તં ગણરાજ ઢુણ્ઢે.
ગૃહાણ સૌરભ્યકરં પરેશ સિદ્ધ્યા ચ બુદ્ધ્યા સહ ભક્તપાલ ૪
દીપં સુબર્ત્યા યુતમાદરાત્તં દત્તં મયા માનસકં ગણેશ.
ગૃહાણ નાનાવિધજં ઘૃતાદિ-તૈલાદિ-સમ્ભૂતમમોઘદૃષ્ટે ૪૫
ભોજ્યં તુ લેહ્યં ગણરાજ પેયં ચોષ્યં ચ નાનાવિધ-ષડ્રસાઢ્યમ્.
ગૃહાણ નૈવેદ્યમથો મયા તે સુકલ્પિતં પુષ્ટિપતે મહાત્મન્ ૪૬
સુવાસિતં ભોજનમધ્યભાગે જલં મયા દત્તમથો ગૃહાણ.
કમણ્ડલુસ્થં મનસા ગણેશ પિબસ્વ વિશ્વાદિકતૃપ્તિકારિન્ ૪૭
તતઃ કરોદ્વર્તનકં ગૃહાણ સૌગન્ધ્યુક્ત મુખમાર્જનાય.
સુવાસિતેનૈવ સુતીર્થજેન સુકલ્પિતં નાથ ગૃહાણ ઢુણ્ઢે ૪૮
પુનસ્તથાઽઽચમ્ય સુવાસિતં ચ દત્તં મયા તીર્થજલં પિબસ્વ.
પ્રકલ્પ્ય વિઘ્નેશ તતઃ પરં તે સમ્પ્રોંછનં હસ્તમુખે કરોમિ ૪૯
દ્રાક્ષાદિ-રમ્ભાફલ-ચૂતકાનિ ખાર્જૂર-કાર્કન્ધુક-દાડિમાનિ.
સુસ્વાદયુક્તાનિ મયા પ્રકલ્પ્ય ગૃહાણ દત્તાનિ ફલાનિ ઢુણ્ઢે ૫૦