વિનિયોગ -
અસ્ય શ્રીશિવકવચસ્તોત્રમંત્રસ્ય બ્રહ્મા ઋષિઃ,
અનુષ્ટુપ્ છંદ, શ્રીસદાશિવ રુદ્રો દેવતા,
હ્રીં ક્લીં બીજમ્, શ્રીસદાશિવપ્રીત્યર્થે
શિવકવચસ્તોત્રજપે વિનિયોગઃ
અથ ન્યાસઃ -
ૐ નમો ભગવતે જ્વલજ્જ્વાલામાનિલે
ૐ હ્રાં સર્વશક્તિધામ્ને ઈશાનાત્મને અંગુષ્ઠાભ્યાં નમઃ.
ૐ નમો ભગવતે જ્વલજ્જ્વાલામાલિને
ૐ નં રિં નિત્યતૃપ્તિધામ્ને તત્પુરુષાત્મને તર્જનીભ્યાં નમઃ.
ૐ નમો ભગવતે જ્વલજ્જ્વાલામાનિલે
ૐ મં રું અનાદિશક્તિધામ્ને અઘોરાત્મને મધ્યમાભ્યાં નમઃ
ૐ નમો ભગવતે જ્વલજ્જ્વાલામાલિને
ૐ શિં રૈં સ્વતન્ત્રશક્તિધામ્ને વામદેવાત્મને અનામિકાભ્યાં નમઃ
ૐ નમો ભગવતે જ્વલજ્જ્વાલામાલિને
ૐ વાં રૌં અલુપ્તશક્તિધામ્ને સદ્યોજાતાત્મને કનિષ્ઠિકાભ્યાં નમઃ.
ૐ નમો ભગવતે જ્વલજ્જ્વાલામાલિને
ૐ યં રઃ અનાદિશક્તિધામ્ને સર્વાત્મને કરતલકરપૃષ્ઠાભ્યાં નમઃ. એવં હૃદયાદિ
અથ ધ્યાનમ્ -
વજ્રદં્રષ્ટં ત્રિનયનં કાલકંઠમરિંદમમ્
સહસ્રકરમત્યુગ્રં વંદે શંભુમુમાપતિમ્
અથાપરં સર્વપુરાણગુહ્યં નિઃશેષપાપૌઘહરં પવિત્રમ્
જયપ્રદં સર્વવિપત્પ્રમોચનં વક્ષ્યામિ શૈવ કવચં હિતાય તે
ઋષભ ઉવાચ -
નમસ્કૃત્ય મહાદેવં વિશ્વવ્યાપિનમોશ્વરમ્
વક્ષ્યે શિવમયં વર્મ સર્વરક્ષાકરં નૃણામ્
શુચૌ દેશે સમાસીનો યથાવત્કલ્પિતાસનઃ
જિતેન્દ્રિયોજિતપ્રાણશ્ચિંતયેચ્છિવમવ્યયમ્
હૃત્પુંડરીકાંતરસન્નિવિષ્ટં સ્વતેજસા વ્યાત્પનભોવકાશમ્
અતીંદ્રિયં સૂક્ષ્મમનન્તમાદ્યં ધ્યાયેત્પરાનંદમયં મહેશમ્
ધ્યાનાવધૂતાખિલકર્મબંધશ્ચિરં ચિદાનન્દનિમગ્નચેતાઃ
ષડક્ષરન્યાસસમાહિતાત્મા વિભવાય નિત્યશુદ્ધબુદ્ધ પરિપૂર્ણ
સચ્ચિદાનન્દાદ્વયાય પરમશાંતસ્વરૂપાય તેજોરૂપાય તેજોમયાય
જય જય રુદ્ર મહારૌદ્ર ભદ્રાવતાર મહાભૈરવ કાલભૈરવ
કલ્પાંતભૈરવકપાલમાલાધરખટ્વાંગખડ્ગચર્મપાશાં-
કુશડમરુશૂલ ચાપવાણગદાશક્તિભિ ંદિપાલતોમરમુસલ
મુદ્ગરપાશ પરિઘભુશુંડીશતઘ્ની ચક્રાદ્યાયુધ ભીષણકર
સહસ્રમુખદંષ્ટ્રાકરાલવદન વિકટાટ્ટહાસ વિસ્ફારિત બ્રહ્માંડમંડલ
નાગેંદ્રકુંડલનાગેંદ્રહારનાગેન્દ્રવલયનાગેંદ્રચર્મધર
મૃત્યુંજય ત્ર્યંબક ત્રિપુરાંતક વિશ્વરૂપ વિરૂપાક્ષ વિશ્વેશ્વર
વૃષભવાહન વિષવિભૂષણ વિશ્વતોમુખ સર્વતો રક્ષરક્ષ માં
જ્વલજ્વલ મહામૃત્યુમપમૃત્યુભયં નાશય નાશય ચોરભય
મુત્સાદયોત્સાદેય વિષસર્પભયં શમય શમય ચોરાન્મારય મારય
મમ શત્રુનુચ્ચાટયોચ્ચાટય ત્રિશૂલેન વિદારય વિદારય કુઠારેણ
ભિંધિ ભિંધિ ખડ્ગેન છિંધિ છિંધિ ખટ્વાંગેન વિપોથય
વિપોથય મુસલેન નિષ્પેષય નિષ્પેષય બાણૈઃ સંતાડય સંતાડય
રક્ષાંસિ ભીષય ભીષયાશેષભૂતાનિ વિદ્રાવય વિદ્રાવય કૂષ્માંડ
વેતાલમારીચબ્રહ્મરાક્ષસગણાન્ સંત્રાસય સંત્રાસય મમાભયં કુરુ
કુરુ વિત્રસ્તં મામાશ્વાસયાશ્વાસય નરકમહાભયાન્મામુદ્ધરોદ્ધર
સંજીવય સંજીવય ક્ષુત્તૃડ્ભ્યાં મામાપ્યાયયાપ્યયય દુઃખાતુરં
મામાનંદયાનંદય શિવકવચેન મામાચ્છાદયાચ્છાદય મૃત્યુંજય
ત્ર્યમ્બક સદાશિવ નમસ્તે નમસ્તે
ઋષભ ઉવાચ -
ઇત્યેતત્કવચં શૈવં વરદં વ્યાહૃતં મયા
સર્વબાધાપ્રશમનં રહસ્યં સર્વદેહિનામ્
યઃ સદા ધારયેન્મત્ર્યઃ શૈવં કવચમુત્તમમ્
ન તસ્ય જાયતે ક્વાપિ ભયં શમ્ભોરનુગ્રહાત્
ક્ષીણાયુઃ પ્રાપ્તમૃત્યુર્વા મહારોગહતોપિ વા
સદ્યઃ સુખમવાપ્નોતિ દીર્ઘમાયુશ્ચ વિંદતિ
સર્વદારિદ્રયશમનં સૌમંગલ્યવિવર્ધનમ્
યો ધત્તે કવચં શૈવં સ દેવૈરપિ પૂજ્યતે
મહાપાતકસંઘાતૈર્મુચ્યતે ચોપપાતકૈઃ
દેહાંતે મુક્તિમાપ્નોતિ શિવવર્માનુભાવતઃ
ત્વમપિ શ્રદ્ધયા વત્સ શૈવં કવચમુત્તમમ્
ધારયસ્વ મયા દત્તં સદ્યઃ શ્રેયો હ્યવાપ્સ્યસિ
સૂત ઉવાચ -
ઇત્યુક્ત્વા ઋષભો યોગી તસ્મૈ પાર્થિવસૂનવે
દદૌ શંખં મહારાવં ખડ્ગં ચારિનિષૂદનમ્
પુનશ્ચ ભસ્મ સંમંત્ર્ય તદંગં પરિતોસ્પૃશત્
ગજાનાં ષટ્સહસ્રસ્ય ત્રિગુણસ્ય બલં દદૌ
ભસ્મપ્રભાવાત્સંપ્રાપ્તબલૈશ્વર્યધૃતિસ્મૃતિઃ
સ્ર રાજપુત્રઃ શુશુભે શરદર્ક ઇવ શ્રિયા
તમાહ પ્રાંજલિં ભૂયઃ સ યોગી નૃપનન્દનમ
એષ ખડ્ગો મયા દત્તસ્તપોમન્ત્રાનુભાવિતઃ
શિતધારમિમં ખડ્ગં યસ્મૈ દર્શયસે સ્ફુટમ્
સ સદ્યો ભ્રિયતે શત્રુઃ સાક્ષાન્મૃત્યુરપિ સ્વયમ્
અસ્ય શંખસ્ય નિર્હ્રાદં યે શ્રૃણ્વન્તિ તવાહિતાઃ
તે મૂચ્ર્છિતાઃ પતિષ્યન્તિ ન્યસ્તશસ્ત્રા વિચેતનાઃ
ખડ્ગશંખાવિમૌ દિવ્યૌ પરસૈન્યવિનાશિનૌ
આત્મસૈન્યસ્ય પક્ષાણાં શૌર્યતેજોવિવર્ધનો
એતયોશ્ચ પ્રભાવેણ શૈવેન કવચેન ચ
દ્વિષટ્સહસ્રનાગાનાં બલેન મહતાપિ ચ
ભસ્મધારણસામથ્ર્યાચ્છત્રુસૈન્યં વિજેષ્યસિ
પ્રાપ્ય સિંહાસનં પિત્ર્યં ગોપ્તાસિ પૃથિવીમિમામ્
ઇતિ ભદ્રાયુષં સમ્યગનુશાસ્ય સમાકૃકમ્
તાભ્યાં સંપૂજિતઃ સોથ યોગી સ્વૈરગતિર્યયૌ
ઇતિ શ્રીસ્કંદપુરાણે બ્રહ્મોત્તરખણ્ડે શિવકવચં સમાપ્તમ્ |
સૂચના
મિત્રને મોકલો
આ પેજ પ્રિન્ટ કરો 