રત્નૈઃ કલ્પિતમાસનં હિમજલૈઃ સ્નાનં ચ દિવ્યાંબરમ્
નાનારત્નવિભૂષિતં મૃગમદામોદાંકિતં ચન્દનમ્.
જાતિચંપકબિલ્વપત્રરચિતં પુષ્પં ચ ધૂપં તથા
દીપં દેવ દયાનિધે પશુપતે હ્રત્કલ્પિતં ગૃહયતામ્ 1
સૌવર્ણે નવરત્નખંડરિચિતે પાત્રે ઘૃતં પાયસમ્
ભક્ષ્યં પંચવિધં પયોદધિયુતં રંભાફલં પાનકમ્.
શાકાનામયુતં જલં રુચિકરં કર્પૂરખંડોજ્જવલમ્
તાંબુલં મનસા મયા વિરચિતં ભક્ત્યા પ્રભો સ્વીકુરુ 2
છત્રં ચામરયોર્યુગં વ્યજનકં ચાદર્શકં નિર્મલમ્
વીણાભેરીમૃદંગકાહલકલા ગીતં ચ નૃત્યં તથા.
સાષ્ટાંગં પ્રણતિઃ સ્તુતિર્બહુવિધા હ્યેતત્સમસ્તં મયા
સંકલ્પેન સમર્પિતં તવ વિભો પૂજાં ગૃહાણ પ્રભો 3
આત્મા ત્વં ગિરિજા મતિઃ સહચરાઃ પ્રાણાઃ શરીરં ગૃહમ્
પૂજા તે વિષયોપભોગરચના નિદ્રા સમાધિઃ સ્થિતિઃ.
સંચારઃ પદયોઃ પ્રદક્ષિણવિધિઃ સ્તોત્રાણિ સર્વા ગિરો
યદ્યત્કર્મ કરોમિ તત્તદખિલં શંભો તવારાધનમ્ 4
કરચરકૃતંવાક્કાયજં કર્મજં વા શ્રવણનયનજં વા માનસંવાપરાધમ્
વિહિતમવિહિતં વા સર્વમેતત્ક્ષમસ્વ જય જય કરુણાબ્ધે શ્રી મહાદેવ શંભો 5
ઇતિ શિવ માનસપૂજા સ્તોત્રમ્ સંપૂર્ણમ્ |
સૂચના
મિત્રને મોકલો
આ પેજ પ્રિન્ટ કરો 