બીજીંગ ઓલિમ્પીકમાં અખિલકુમાર પછી બીજા બોક્સર જીતેન્દ્ર કુમારે ક્વાર્ટર ફાયનલમાં પ્રવેશ મેળવીને ભારત માટે નવી આશા જન્માવી છે. હવે તે મેડલથી એક જ મેચ દૂર છે.
આજે યોજાયેલી 51 કિલોગ્રામની બોક્સીંગની ક્વોલીફાય મેચમાં જીતેન્દ્રકુમારે ઉજબેકીસ્તાનનાં બોક્સરને 13-6થી આસાન હાર આપી હતી. આ મેચમાં જીતેન્દ્રકુમાર પહેલાંથી જ આગળ રહ્યાં હતાં. તેમણે ઉજબેક બોક્સરને કોઈ તક આપી નહતી.
ઉલ્લેખનીય છે કે અગાઉ ભારતીય શુટર અભિનવ બિન્દ્રા ગોલ્ડ મેડલ હાંસલ કરી ચુક્યો છે. તો અન્ય એક ભારતીય બોક્સર અખિલકુમાર પણ ક્વાર્ટર ફાયનલમાં પ્રવેશ મેળવી ચુક્યો છે. આમ એકસાથે બે ભારતીય બોક્સરો ક્વાર્ટર ફાયનલ પ્રવેશીને ભારત માટે મેડલની આશા જીવંત રાખી છે.
વધુમાં હરિયાણા સરકારે અખિલકુમાર અને જીતેન્દ્ર કુમારને 25-25 લાખ આપવાની જાહેરાત કરી છે અને સાથે સાથે એવું પણ કહ્યું છે કે જો તેઓ ભારતને ગોલ્ડ મેડલ અપાવશે તો તેમને સીધી ડીએસપીની પોસ્ટ આપવામાં આવશે.
|
સૂચના
મિત્રને મોકલો
આ પેજ પ્રિન્ટ કરો 
