Feedback
Printભાષા
હંગામા સાથે દિલ્હીમાં હોકી ટીમના કેમ્પનો પ્રારંભ 
નવી દિલ્હી , ગુરૂ, 4 ફેબ્રુઆરી 2010( 12:48 IST )
વિશ્વકપની તૈયારી અર્થે ભારતીય હોકી ટીમનો આખરી તબક્કાનો કેમ બુધવારથી અહીંના નેશનલ સ્ટેડિયમ હંગામાં સાથે શરૂ થયો હતો. સુરક્ષાનો હવાલો આપીને મીડિયાકર્મીઓને પ્રવેશ આપવામાં ન આવ્યો હતો જેની જવાબદારી હોકી ઈન્ડિયા અને ખેલ મંત્રાલયે એક-બીજા પર ઢોળી હતી.
મુખ્ય કોચ જોસ બ્રાસા અને રાષ્ટ્રીય કોચ હરેન્દ્રસિંઘના માર્ગદર્શનમાં હોકી ખેલાડીઓએ બુધવારે નેશનો સ્ટેડિયમ પર નેટ પ્રેક્ટિસ શરૂ કરી હતી. આ સમયે પત્રકારો અને કેમેરામેનોને મુખ્ય દ્વારેથી સુરક્ષાના નામે પ્રવેશતા અટકાવાયા હતાં. આ પછી કેટલાક પત્રકારો સ્ટેડિયમના પાછલા દરવાજેથી અંદર ઘુસ્યા હતાં પણ અધિકારીઓએ ખેલ મંત્રાલયને નિર્દેશ છે તેમ કહી અટકાવી દીધા હતાં.
આ મામલે હોકી ઈન્ડિયાએ જવાબદારી ખંખેરી હતી. હોકીનો વિશ્વ કપ નેશનલ સ્ટેડિયમ ખાતે જ તારીખ 28 ફેબ્રુઆરીથી તારીખ 13 માર્ચ સુધી રમાવાનો છે.