બિગ બોસ સીઝન 7 માટે સલમાન ખાને કરી 130 કરોડ રૂપિયાની ડીલ
,
બોલીવુડના અભિનેતા સલમાન ખાને એકવાર ફરી દબંગ સાબિત થયા છે. આ દબંગઈમાં તેમણે બોલીવુડના મહાનાયક અમિતાભ બચ્ચન, મિસ્ટર પરફેક્ટનિસ્ટ આમિર ખાન અને કિંગખાન શાહરૂખનેપણ પાછળ છોડી દીધા છે. આ વાતની ચર્ચા છે કે સલમાને બિગ બોસ સીઝન 7 ના 26 એપિસોડ માટે 130 કરોડ રૂપિયાની ડીલ કરી છે. આ વર્ષે ‘બિગ બૉસ’માં હેવન ઍન્ડ હેલની થીમ હોવાથી સલમાન પણ ડબલરોલ કરવાનો છે જેમાં એકમાં તે એન્જલ બન્યો છે જ્યારે બીજામાં ડેવિલ. ઇન્ડસ્ટ્રીના જાણકારો આ બાબતે કહે છે કે સલમાન આ વખતે ડબલરોલ કરવાનો હોવાથી તેણે મોટી રકમ લીધી છે. આ વખતે કૉન્સેપ્ટ નવો અને અલગ છે એથી શૂટિંગમાં પણ સમય લાગી રહ્યો છે. તે દર અઠવાડિયે બે એપિસોડનું શૂટિંગ કરે છે. સલ્લુ તેના કેસ (હિટ ઍન્ડ રન)ની સુનાવણી પહેલાં શૂટિંગ પતાવી દેવા માગે છે.
