લવ ટિપ્સ -સુખી દાંમ્પત્યજીવન માટે આટલુ ધ્યાન રાખો
દાંપત્યજીવનની ખુશી માટે માનસિક અને વૈચારિક તાદાત્મ્યતા બહુ જરૂરી હોય છે. એટલું જ નહીં લગ્નજીવનમાં શારીરિક સંબંધોનું મહત્વ પણ ઘણું હોય છે, ત્યારે જ તો તમે તમારા દાંપત્યજીવનમાં ખુશહાલ રહી શકો છો. જાણીએ દાંપત્યજીવનને ખુશખુશાલ બનાવવા માટે શું કરવું જોઇએ...-
સંશોધનો દરમિયાન એ વાત સામે આવી છે કે દાંપત્યજીવન થકી ખુશ રહેતી સ્ત્રીઓમાં હૃદય સંબંધી બીમારીઓ અન્યની સરખામણીએ ઘણી ઓછી હોય છે.-
દાંપત્યજીવનમાં ખુશ સ્ત્રીઓમાં અવિવાહિત, છૂટાછેડા લીધેલી, વિધવા કે પોતાના લગ્નથી નાખુશ રહેતી મહિલાઓની સરખામણીએ તણાવ, બેચેની કે ડિપ્રેશન જેવી બીમારીઓ પણ ઓછી હોય છે.-
એ સાચું છે કે જો તમારું દાંપત્યજીવન ખુશ હશે તો તમે તે કામ કરવા સમર્થ રહેશો જે તમે કરવા ઇચ્છો છો.-
એ પણ જાણવું જોઇએ કે ખુશખુશાલ લગ્નજીવન વિતાવનારી મહિલાઓનું બ્લડપ્રેશર સ્થિર રહે છે અને કોલેસ્ટ્રોલ પણ સામાન્ય રહે છે.-
સુખી દાંપત્યજીવન દ્વારા તમે સામાજિકરૂપે પણ સક્રિય રહો છો. આવામાં નાની-નાની બાબતો પર ઝઘડા કરનારા દંપતિએ પોતાની સ્વાસ્થ્યનું ધ્યાન રાખતા ખુશ રહેવાના પ્રયાસો કરવા જોઇએ.-
લગ્નજીવનમાં ખુશ રહેવા માટે જરૂરી છે કે તમે પરસ્પર એકબીજા પર વિશ્વાસ કરો. પરસ્પત પ્રેમ જાળવી રાખો અને દરેક કામ એકબીજના સહયોગથી કરો.-
એકબીજા વચ્ચેનો તણાવ ઓછો કરવા માટે જરરૂરી છે પરસ્પર વધુ ને વધુ વાતચીત કરવાનં રાખો.-
પતિ-પત્ની પોતાના સંબંધ યોગ્ય રીતે ચાલે તે માટે જરૂરી છે પરસ્પર એકબીજા પર કારણવગર શંકા-કુશંકા ન કરે અને એકબીજની પસંદ-નાપસંદને ધ્યાનમાં રાખે તે સાથે એકબીજાના માનસિક સ્વાસ્થ્યનું ધ્યાન રાખે.-
જીવનસાથી પર વાતે-વાતે ગુસ્સે ન થવું કે તેમનાથી અવાર-નવાર નારાજ ન થઇ જવું. પણ જે-તે સમસ્યા ઉદ્ભવતી હોય તો તેના કારણો શોધી તેને દૂર કરવાનો પ્રયાસ કરવામાં આવે તે ધ્યાન રાખવું.-
બંનેએ એકબીજાનું અને એકબીજાના કામનું સન્માન કરવું જોઇએ અને ઘરેલું કાર્યોમાં એકબીજાને મદદ કરવી.-
બંનેએ પોતાના જીવનની દરેક સારી-નરસી બાબતો ઈમાનદારીપૂર્વ એકબીજાને જણાવવી જોઇએ.-
એકબીજાને પોતાની વાત કહેવાનો મેકો આપો અને પરસ્પર એકબીજના વાતોને ધ્યાનથી સાંભળો.-
પતિ-પત્નીએ ડિપ્રેશન તેમજ ચીડિયા સ્વભાવને દૂર કરવા તથા પોતાના દાંપત્યજીવનને વધુ ઊંડુ બનાવવા એકબીજા પર વિશ્વાસ મૂકવો જોઇએ.-
યાદ રાખો, સેક્સ દાંપત્યજીવનને ખુશખુશાલ બનાવવામાં બહુ મહત્વની ભૂમિકા ભજવે છે.-
તમારે તમારા પાર્ટનરને ખુશ કરવા અને પાર્ટનરને સહયોગ આપવા તૈયાર રહેવું જોઇએ, નહીં તો તમારી વચ્ચેના સંબંધોમાં તિરાડ સર્જાઇ શકે છે.-
જો પતિ-પત્ની બંને કામકાજી છે, વ્યસ્ત રહે છે કે રાતે મોડેથી આવે છે તો તેમની સેક્સ લાઇફ સંતોષકારક નહીં હોય. આવામાં યોગ્ય એ રહેશે કે સવારે ઊઠીને ફ્રેશ મૂડમાં સેક્સનો આનંદ ઉઠાવવામાં આવે.
