Last Modified: અમદાવાદ , ગુરુવાર, 20 ઑગસ્ટ 2009 (10:25 IST)
દુનિયાનો સૌથી લાંબો ઢોસો !
શહેરના એક રેસ્ટોરન્ટે ચાલીસ મિનિટથી પણ ઓછા સમયમાં દુનિયાનો સૌથી લાંબો 32.5 ફૂટ ઓ ઢોસો બનાવ્યો હોવાનો દાવો કર્યો છે.
સંકલ્પ નામના રેસ્ટોરન્ટના અધ્યક્ષ કૈલાશ ગોયનકાએ જણાવ્યું કે, તેઓએ 40 મિનિટથી પણ ઓછા સમયમાં દુનિયાનો સૌથી લાંબો ઢોસો બનાવ્યો છે જેની લંબાઈ 32 ફૂટ અને પાંચ ઈંચ છે.
ગોયનકાએ કહ્યું કે, તેઓ પાસે અગાઉથી જ સૌથી ઓછા સમયમાં ઢોસા બનાવાનો રેકોર્ડ છે. ફેબ્રુઆરી 2006 માં અમે 30 ફૂટ લાંબો ઢોસો બનાવ્યો હતો. આજે અમે અમારો જ રેકોર્ડ તોડતા 32.5 ફુટ લાંબો ઢોસો બનાવ્યો છે. શાકાહારના ફાયદાઓ પર આધારિત ફિલ્મ ‘ક્વિક ગન મુરાગન' પર ઢોસાનું નામ રાખવામાં આવ્યું છે.
16 રસોઈયાઓ અને આઠ સહાયકોની એક ટુકડી છેલ્લા દસ દિવસથી યોગ્ય આકારનો ઢોસો તૈયાર કરવાનો અભ્યાસ કરી રહ્યાં હતાં. ટુકડીના એક સભ્ય સજ્જન સિંહે જણાવ્યું કે, 32 ફૂટ લાંબા તવા પર ઢોસો બનાવવો અને એક સમાન તાપમાન જાળવી રાખવું ઘણું મુશ્કેલ કામ છે.
ગિનીજ વર્લ્ડ બુક રિકાર્ડસમાં સંકલ્પનું નામ 25 ફુટ લાંબો ઢોસો બનાવવા પર પહેલી વખત નોંધવામાં આવ્યું હતું.
