સત્યમનું અસત્ય...ખતરાનો ઘંટ...
આ તો પૂંછડી દેખાઇ છે મોંઢું ક્યાં ?
| દેશની ચોથા નંબરની કંપનીમાં કરાયેલ 8 હજાર કરોડના ગોટાળાએ સૌની આંખો ખોલી નાંખી છે. સરકાર તથા આર્થિક બાબતોનું ધ્યાન રાખતી એજન્સીઓ માટે આ ખતરાની ઘંટડી સમાન છે. આ તો એક અસત્ય બહાર આવ્યું છે અન્ય એવી ઘણી કંપનીઓ હશે જેમાં આવું બધુ લોલમ લોલ ચાલતું હશે ! |
|
|
53
હજાર કર્મચારીઓ માથે આફતઅંદાજે 8000 કરોડ રૂપિયાના દેશના આ મોટા ગોટાળાને પગલે ચેરમેન પદેથી રામલિંગાએ રાજીનામું આપતાં 2 અરબ ડોલરની આ કંપનીના 53 હજાર કર્મચારીઓ માથે આફતનું આભ તૂટી પડ્યું છે. એક બાજુ આર્થિક મંદીનો માહોલ ચાલી રહ્યો છે ત્યારે માથે આવી પડેલી આ આફતથી કર્મચારીઓની હાલત કફોડી બની છે. હવે શુ થશે ?રામલિંગાના ખુલાસાથી કેન્દ્ર અને આંધ્રપ્રદેશ સરકાર તથા સેબીને ચોંકાવી દીધા છે. કંપની કાર્ય મંત્રાલયે હૈદરાબાદ સ્થિત કંપની રજીસ્ટ્રારને સમગ્ર મામલાની તપાસનો આદેશ કર્યો છે અને 14મી જાન્યુઆરી સુધીમાં રિપોર્ટ જમા કરાવવા કહ્યું છે. કંપનીના ઓડિટર પ્રાઇસવાટર હાઉસ કુપર્સ અને ડાયરેક્ટરોની ભૂમિકા પણ શંકાસ્પદ જણાઇ રહી છે જેની પણ તપાસ થશે. આધ્રપ્રદેશ સરકાર આ મામલાની તપાસ સેબી અને સીઆઇડી પાસે કરાવશે.
