ભારતમાં પાકિસ્તાની ફિલ્મ - ખુદા કે લીએ
ભારતમાં પાકિસ્તાનની ફિલ્મ ખુદા કે લીએનું પ્રિમિમર યોજાયું
નિર્દેશક : શોએબ મંસૂરસંગીત : રોહેલ હયાતકલાકાર : શાન, નસીરુદ્દીન શાહ, ઈમાન અલી, હમીદ શેખ ભાષા : ઉર્દૂ સમય : 2 કલાક 47 મિનિટ ચાર એપ્રિલે ભારતામં પાકિસ્તાની ફિલ્મ 'ખુદા કે લિએ' રજૂ થવા જઈ રહી છે. સામાન્ય ભારતીય કે પાકિસ્તાની ફિલ્મની જેમ આ ફિલ્મમાં ડાંસ, ગીત કે રોમાંસ નથી, પણ આ ફિલ્મમાં થોડાક ગંભીર મુદ્દાઓ રજૂ કરવામાં આવ્યા છે. 9/11 પછી પાકિસ્તાની અને મુસલમાનની સ્થિતિ કેટલી મુશ્કેલીભરી થઈ ગઈ છે, તે આ ફિલ્મ દ્વારા બતાવવામાં આવ્યુ છે. 
સાથે સાથે આ ફિલ્મમાં કટ્ટરવાદી અને આધુનિક વિચારધારાના મુસલમાનોની વચ્ચેની ટક્કર રજૂ કરવામાં આવી છે. ભણેલા-ગણેલા અને આધુનિક મુસલમાનો ખૂબ જ મુશ્કેલીઓથી ભરેલ પરિસ્થિતિઓમાં ફસાયેલા છે. તેઓ પાશ્ચાત્ય જીવનશૈલીને વધુ પસંદ કરે છે, તેથી કટ્ટરવાદી લોકો તેમનાથી ચિડાય છે અને મુસલમાન હોવાને કારણે પશ્ચિમના લોકો તેમને હંમેશા શંકાની દ્રષ્ટિએ જુએ છે. 
આ ફિલ્મ દ્વારા એ પ્રશ્નોના જવાબો શોધવાનો પ્રયત્ન કરવામાં આવ્યો છે જે યુવા મુસલમાનોના મગજમાં ઉભા થાય છે. આ ફિલ્મમાં ભારતીય કલાકાર નસીરુદ્દીન શાહે પણ કામ કર્યુ છે. આ ફિલ્મ પાકિસ્તાન, બ્રિટન, અને અમેરિકામાં 2007માં રજૂ થઈ હતી. આ ફિલ્મને પ્રશંસાની સાથે સાથે ઘણા પુરસ્કારો પણ મળ્યા છે.
