ગર્લ્સ હોસ્ટેલના ACમાં જોરદાર વિસ્ફોટ, રૂમમાંથી 6 છોકરીઓ બેભાન હાલતમાં મળી
તેલંગાણાના મેડચલ-મલકાજગીરી જિલ્લામાં એક ગર્લ્સ હોસ્ટેલના એસીમાં વિસ્ફોટ થયો હોવાના અહેવાલ છે. મળતી માહિતી મુજબ આ ઘટના શોર્ટ સર્કિટના કારણે બની હતી. ઘટનાની જાણ થતા જ ફાયર વિભાગની ટીમ પણ ઘટના સ્થળે પહોંચી ગઈ હતી. જોકે ફાયર બ્રિગેડ આવે તે પહેલા સ્થાનિક લોકોએ આગ પર કાબુ મેળવી લીધો હતો. જણાવવામાં આવી રહ્યું છે કે હોસ્ટેલના એસીમાં શોર્ટ સર્કિટના કારણે આગ લાગી હતી. ધુમાડાના કારણે છ છોકરીઓ બેભાન હાલતમાં મળી આવી હતી. અધિકારીઓએ જણાવ્યું કે હાલમાં આ ઘટનામાં ઘાયલોને હોસ્પિટલમાં દાખલ કરવામાં આવ્યા છે, જ્યાં તેમની સારવાર કરવામાં આવી રહી છે.
છ છોકરીઓ બેભાન હાલતમાં મળી
ઘટના અંગે માહિતી આપતા ફાયર વિભાગના અધિકારીઓએ જણાવ્યું હતું કે, "આજે વહેલી સવારે 4.40 વાગ્યે નાઈન એજ્યુકેશન નામની ગર્લ્સ હોસ્ટેલમાં ACમાં વિસ્ફોટ થતાં શોર્ટ સર્કિટના કારણે આગ ફાટી નીકળી હતી. વિસ્ફોટ બાદ એક રૂમમાં છ છોકરીઓ બેભાન મળી આવી હતી. ફાયરની ટીમ આવે તે પહેલા સ્થાનિક લોકોએ આગને કાબુમાં લઈ લીધી હતી. ઈજાગ્રસ્તોને વધુ સારવાર માટે હોસ્પિટલમાં દાખલ કરવામાં આવશે." હાલ શોર્ટ સર્કિટના કારણે થયેલા નુકસાનનો અંદાજ લગાવવામાં આવી રહ્યો છે.
હૈદરાબાદમાં પાંચના મોત
આપને જણાવી દઈએ કે શનિવારે જ હૈદરાબાદના નામપલ્લી વિસ્તારમાં આગમાં પાંચ લોકોના મોત થયા હતા. નામપલ્લી સ્થિત ચાર માળની ફર્નિચરની દુકાનમાં આગ લાગી હતી. આ દરમિયાન પાંચ લોકો ઘરમાં ફસાઈ ગયા હતા. આખી રાત બચાવ કામગીરી હાથ ધરાયા બાદ સવારે પાંચેય લોકોના મૃતદેહ બહાર કાઢવામાં આવ્યા હતા.
