Last Modified:
Monday, 22 June 2026 (11:49 IST)
સંબંધિત સમાચાર
- Mouni Roy Suraj Nambiar Divorce - મૌની રોય-સૂરજ નાંબિયારના ડાયવોર્સ પર ટ્રોલ થઈ દિશા પાટની, લાગ્યો ઘર તોડાવવાનો આરોપ
- ગુજરાતીઓ સાવધાન! આગામી 3 દિવસ આકરી ગરમીની આગાહી, રાજ્યમાં યલો અને ઓરેન્જ એલર્ટ
- પાટણ ભાજપમાં 'સફાયો': ચૂંટણી પહેલા પક્ષ વિરોધી પ્રવૃત્તિ કરનાર 26 કાર્યકરો 6 વર્ષ માટે સસ્પેન્ડ
- પાટણ જિલ્લામાં કલમ 163 લાગુ: ઝીલિયા હુમલા કેસ બાદ પ્રશાસનનો કડક નિર્ણય
- પાટણમાં ગુંડાઓનું સામ્રાજ્ય જમીનદોસ્ત: પોલીસ પર પથ્થરમારો કરનારા ભાવેશ રબારીના ફાર્મહાઉસ પર ફરી વળ્યું 'ભૂપેન્દ્ર પટેલનું બુલડોઝર'
પાટણમાં નકલી ચલણી નોટો છાપવાનું મોટું રેકેટ ઝડપાયું, ઝેરોક્ષની દુકાનની આડમાં ચાલતો હતો ગેરકાયદેસર ધંધો
પાટણ: જિલ્લામાં નકલી ચલણી નોટો છાપવાના મોટા કૌભાંડનો પર્દાફાશ થયો છે. પોલીસને મળેલી બાતમીના આધારે દેલમાલ ગામમાં આવેલી 'શિવમ ઇલેક્ટ્રોનિક્સ' નામની ઝેરોક્ષની દુકાન પર દરોડો પાડવામાં આવ્યો હતો, જ્યાંથી રૂ. 500ના દરની 492 નકલી નોટો મળી આવી હતી. જપ્ત કરાયેલી નોટોની કુલ કિંમત રૂ. 2.46 લાખ થાય છે.
પોલીસે ઘટનાસ્થળેથી કૌભાંડના મુખ્ય સૂત્રધાર નિકુલજી હમીરજી ઠાકોર અને કાયદાના સંઘર્ષમાં આવેલા એક સગીરને રંગેહાથ ઝડપી પાડ્યા હતા. તપાસ દરમિયાન નકલી નોટો છાપવા માટે ઉપયોગમાં લેવાતા કલર પ્રિન્ટર, કોમ્પ્યુટર સેટ અને એક મોટરસાયકલ સહિત કુલ રૂ. 1.01 લાખનો મુદ્દામાલ પણ કબ્જે કરવામાં આવ્યો છે.
પ્રાથમિક તપાસમાં આ કૌભાંડના તાર દિલ્હી અને રાજસ્થાન સુધી જોડાયેલા હોવાની માહિતી સામે આવી છે. પોલીસે જણાવ્યું હતું કે નકલી ચલણી નોટોનું નેટવર્ક વધુ વ્યાપક હોઈ શકે છે અને આ મામલે ઊંડાણપૂર્વક તપાસ હાથ ધરવામાં આવી છે.
તપાસ દરમિયાન ધીરજ ચૌહાણ (મૂળ બનાસકાંઠા, હાલ દિલ્હી), કૈલાશ (મૂળ રાજસ્થાન, હાલ દિલ્હી) અને પપ્પુ ઠાકોર (રહે. મંડલોપ, તા. ચાણસ્મા) નામના ત્રણ આરોપીઓની સંડોવણી પણ સામે આવી છે. જોકે, આ ત્રણેય આરોપીઓ હાલ ફરાર હોવાનું પોલીસ સૂત્રોએ જણાવ્યું છે.
પોલીસ હવે એ દિશામાં તપાસ કરી રહી છે કે અત્યાર સુધી કેટલી નકલી નોટો બજારમાં ફરતી કરવામાં આવી હતી અને આ સમગ્ર કૌભાંડમાં અન્ય કોની સંડોવણી હતી. ફરાર આરોપીઓને ઝડપી પાડવા માટે પોલીસે શોધખોળ તેજ કરી છે.
