સંબંધિત સમાચાર
- Jaipur Anu Meena Suicide Case: નોકરાણી સાથે રોમાન્સ કરતા પકડાયા, રહસ્ય ખુલતાં પત્નીને માર માર્યો... જયપુરના અનુ મીના આત્મહત્યા કેસમાં પીડબ્લ્યુડી અધિકારીની કાર્યવાહી
- પતિ પીડાતો રહ્યો, પત્ની તેના પ્રેમી સાથે ચેનચાળા કરતી રહી... તેનું મૃત્યુ વીજ કરંટ અને ઝેરથી થયું, પોસ્ટમોર્ટમ રિપોર્ટમાં રહસ્ય ખુલ્યું.
- ગોંડલ નજીક યાત્રાળુઓની બસ પલટી, સાસુ-વહુનાં કરુણ મોત
- આઠ મિત્રોના ભયાનક અકસ્માતમાં મોત; સ્કોર્પિયો 700 ફૂટ ઊંડી કોતરમાં પડી ગઈ. જાણો ક્યારે, ક્યાં અને કેવી રીતે અકસ્માત થયો.
- MI vs RR- રાજસ્થાન આજે પ્લેઓફમાં સ્થાન મેળવવા માટે મુંબઈ સામે ટકરાશે.
ગુજરાતમાં શિક્ષકોની 3,966 જગ્યાઓ પર બમ્પર ભરતી: 1 જૂનથી ઓનલાઈન ફોર્મ ભરાશે, જાણો છેલ્લી તારીખ
ગુજરાતના સરકારી શિક્ષણ ક્ષેત્રે કરિયર બનાવવા માંગતા ઉમેદવારો માટે લાંબા સમયની રાહનો અંત આવ્યો છે. ગુજરાત પ્રાથમિક શિક્ષણ પસંદગી સમિતિ દ્વારા જિલ્લા અને નગર શિક્ષણ સમિતિની સરકારી પ્રાથમિક શાળાઓમાં વિદ્યાસહાયક, સ્પેશિયલ એજ્યુકેટર (વિશેષ શિક્ષક) અને મુખ્ય શિક્ષકની કુલ 3,966 જગ્યાઓ પર ભરતી માટેની સત્તાવાર જાહેરાત કરવામાં આવી છે. આ ભરતી પ્રક્રિયા માટે આગામી 1 જૂન, 2026ના રોજ બપોરે 12:00 વાગ્યાથી ઓનલાઇન અરજી સ્વીકારવાનું શરૂ થશે, જે 10 જૂન, 2026ના રોજ સાંજે 03:00 વાગ્યા સુધી ચાલશે.
TET પરીક્ષા અને મેરિટના આધારે થશે સંપૂર્ણ પારદર્શક પસંદગી
શિક્ષણ વિભાગ દ્વારા સ્પષ્ટ કરવામાં આવ્યું છે કે આ ભરતી પ્રક્રિયા સંપૂર્ણપણે પારદર્શક રહેશે. ઉમેદવારોની પસંદગી તેમની શૈક્ષણિક લાયકાત, શિક્ષક પાત્રતા પરીક્ષા (TET-ટેટ)ના ગુણ અને સરકારના પ્રવર્તમાન ભરતી નિયમોના આધારે જ કરવામાં આવશે. ઓનલાઇન ફોર્મ ભરતી વખતે ઉમેદવારોએ પોતાના જરૂરી તમામ દસ્તાવેજો ડિજિટલ ફોર્મેટમાં અપલોડ કરવાના રહેશે, ત્યારબાદ શૈક્ષણિક ગુણાંકના આધારે આખરી મેરિટ લિસ્ટ તૈયાર કરી ઉમેદવારોને જિલ્લા પસંદગીનો વિકલ્પ આપવામાં આવશે.
દિવ્યાંગ ઉમેદવારો માટે વિશેષ તક અને ખુશીનો માહોલ
આ ભરતીમાં ખાસ કરીને દિવ્યાંગ ઉમેદવારો માટે વિશેષ એજ્યુકેટર અને મુખ્ય શિક્ષકની અલગથી જગ્યાઓ અનામત રાખીને પ્રક્રિયા જાહેર કરવામાં આવી છે. આ નિર્ણયને કારણે લાંબા સમયથી રોજગારીની આશા રાખીને બેઠેલા દિવ્યાંગ અને બેરોજગાર યુવાનોમાં ભારે ખુશીનો માહોલ જોવા મળી રહ્યો છે. શિક્ષણ ક્ષેત્રે એકસાથે આટલી મોટી સંખ્યામાં ભરતી બહાર પડતાં રાજ્યના લાખો લાયક ઉમેદવારો માટે આ એક સોનેરી તક સાબિત થશે.
