AAPમાં ભડકો: ગુજરાત આમ આદમી પાર્ટીના કિસાન વિંગના અધ્યક્ષ રાજૂ કરપડાનું રાજીનામું.
ગુજરાતમાં આમ આદમી પાર્ટી (AAP) ને મોટો આંચકો લાગ્યો છે. પાર્ટીની કિસાન વિંગના અધ્યક્ષ રાજુ કરપડાએ AAP માંથી રાજીનામુ આપ્યુ છે. રાજુ કરપડા છેલ્લા કેટલાક સમયથી ગોપાલ ઈટાલિયાથી નારાજ ચાલી રહ્યા છે. કરપડાના રાજીનામાથી સૌરાષ્ટ્ર ક્ષેત્રમાં પાર્ટીના વિસ્તાર પર બ્રેક લાગી શકે છે.
કેજરીવાલને પત્ર
આમ આદમી પાર્ટીના રાષ્ટ્રીય સંયોજક અરવિંદ કેજરીવાલને લખેલા પત્રમાં, રાજુ કરપડાએ જણાવ્યું હતું કે, "હું આજથી, 11/02/2026 થી આમ આદમી પાર્ટીમાં મારા તમામ હોદ્દા અને જવાબદારીઓ પરથી રાજીનામું આપું છું. વ્યક્તિગત કારણોસર, મારા માટે મારી વર્તમાન ફરજો ચાલુ રાખવી શક્ય નથી. પક્ષે મને આપેલી તક, આદર અને સમર્થન બદલ હું ખૂબ આભારી છું. કૃપા કરીને મારું રાજીનામું સ્વીકારો."
સોશિયલ મીડિયા પર પોસ્ટ
પોતાના ફેસબુક પેજ પર પોસ્ટ શેર કરતા, કરપડાએ કહ્યું, "મિત્રો, આજે હું આમ આદમી પાર્ટીમાં બધા હોદ્દા પરથી રાજીનામું આપી રહ્યો છું! મારો નિર્ણય તમને ચોક્કસ આશ્ચર્યચકિત કરશે. મેં મારા પરિવારને પાર્ટીને મજબૂત કરવા માટે ખાસ મહત્વ અને સમય આપ્યો છે, પરંતુ કુદરતે નક્કી કર્યું છે કે આ મર્યાદા છે. જો મેં ક્યારેય કોઈની લાગણીઓને ઠેસ પહોંચાડી હોય, તો હું માફી માંગુ છું. હું આમ આદમી પાર્ટીના રાષ્ટ્રીય અને રાજ્ય નેતૃત્વ, તેમજ મારા બધા સાથીદારો અને ખેડૂતોનો તેમના પ્રેમ અને સમર્થન બદલ હૃદયપૂર્વક આભાર માનું છું."
