સંબંધિત સમાચાર
- અમદાવાદ-ગાંધીનગરની બેઠકોમાં વ્યસ્ત રહ્યા અમિત શાહ, વિકાસથી લઈને આધ્યાત્મિક સાહિત્ય પ્રસાર સુધી આપ્યું માર્ગદર્શન
- બીજેપી ગુજરાતમાં 40-50 વર્ષ સુધી નહી હારે, યૂસુફ પઠાને બંગાળ ચૂંટણીમાં TMC ને જ આપ્યો ઝટકો, જાણો કેવી રીતે
- ચૂંટણી જંગ માટે તંત્ર સજ્જ: અમદાવાદમાં 4257 મતદાન બૂથ તૈયાર, ગરમીને જોતા દરેક કેન્દ્ર પર ORS અને મેડિકલ કિટની સુવિધા
- વડોદરા ભાજપમાં મોટું સર્જિકલ ઓપરેશન: મેયર સહિત 44 કોર્પોરેટરના પત્તા કપાયા
- AAPમાં મોટું ગાબડું: ખેડૂત નેતા રાજુ કરપડા ભાજપમાં સામેલ, 200થી વધુ સમર્થકો સાથે કરશે શક્તિ પ્રદર્શન
ચોકલેટની કેબિન ચલાવતા ગીતાબેન મકવાણા બન્યા વડોદરાના મેયર, પતિની ૩૦ વર્ષની વફાદારીની પક્ષે કરી કદર
geeta makwana is the mayor aditya patel deputy mayor
ગુજરાતની વિવિધ મહાનગરપાલિકાઓની ચૂંટણીના પરિણામો જાહેર થયા બાદ નવા હોદ્દેદારોની પસંદગી પ્રક્રિયા તેજ બની છે. ચૂંટણી પૂર્ણ થયાના આશરે એક મહિના બાદ ભાજપ હાઈકમાન્ડ દ્વારા વિવિધ મનપાઓમાં મેયર, ડેપ્યુટી મેયર અને સ્ટેન્ડિંગ કમિટીના ચેરમેનના નામો જાહેર કરવામાં આવી રહ્યા છે. આ ક્રમમાં વડોદરા મહાનગરપાલિકાના નવા પદાધિકારીઓની જાહેરાત કરાઈ છે, જેમાં ગીતાબહેન મકવાણાને મેયર, આદિત્ય પટેલને ડેપ્યુટી મેયર અને વર્ષાબહેન વ્યાસને સ્ટેન્ડિંગ કમિટીના ચેરમેન તરીકે મોટી જવાબદારી સોંપવામાં આવી છે.
રાજ્યભરમાં નિમણૂકોનો ધમધમાટ
રાજ્યભરના રાજકીય વર્તુળોમાં આ મહત્વની નિમણૂકોને લઈને ભારે ઉત્સુકતા અને ગરમાવો જોવા મળી રહ્યો હતો. અગાઉ 26 મેના રોજ અમદાવાદ, જામનગર, મોરબી, ગાંધીધામ, નડિયાદ, નવસારી, પોરબંદર અને મહેસાણા સહિત કુલ આઠ મહાનગરપાલિકાઓના પદાધિકારીઓ નક્કી કરાયા હતા. ત્યારબાદ હવે વડોદરા ઉપરાંત સુરત, રાજકોટ, ભાવનગર, આણંદ, વલસાડ-વાપી અને સુરેન્દ્રનગર મનપાના નવા હોદ્દેદારોના નામ જાહેર થતાં જ કાર્યકરોમાં ભારે ઉત્સાહ વ્યાપી ગયો છે.
ગીતાબહેન મકવાણા બન્યા શહેરના પ્રથમ નાગરિક
વડોદરા મહાનગરપાલિકામાં આગામી અઢી વર્ષ માટે શહેરના પ્રથમ નાગરિક એટલે કે મેયર પદ માટે એસસી (SC) મહિલા અનામત બેઠક પર ગીતાબહેન મકવાણાની પસંદગી કરવામાં આવી છે. ગીતાબહેન માત્ર બે વર્ષ અગાઉ જ ભારતીય જનતા પાર્ટીમાં સક્રિય કાર્યકર તરીકે જોડાયા હતા. પક્ષમાં જોડાયાના ટૂંકા ગાળામાં જ તેમની ક્ષમતા અને સરળ સ્વભાવને ધ્યાને રાખીને ભાજપ પક્ષ દ્વારા તેમના પર પસંદગીનો કળશ ઢોળવામાં આવ્યો છે.
ઉચ્ચ શૈક્ષણિક લાયકાત અને કાયદાનું જ્ઞાન
નવનિયુક્ત મેયર ગીતાબહેન મકવાણા ઉચ્ચ શૈક્ષણિક લાયકાત ધરાવે છે. તેમણે B.Com અને LLB (કાયદાની પદવી) સુધીનો અભ્યાસ પૂર્ણ કર્યો છે. તેઓ શિક્ષિત હોવાની સાથે કાયદાકીય જ્ઞાન ધરાવતા હોવાથી મહાનગરપાલિકાની વહીવટી પ્રક્રિયાઓ, નિયમો અને કાયદાઓને વધુ સારી રીતે સમજી શકશે. આ જ્ઞાનના આધારે તેઓ વડોદરાના નગરજનોના પ્રશ્નોને યોગ્ય વાચા આપશે અને શહેરના વિકાસમાં મહત્વનું યોગદાન આપશે તેવી આશા સેવાઈ રહી છે.
પતિની 30 વર્ષની વફાદારીની કદર
ગીતાબહેન મકવાણા એક સાદા અને મધ્યમવર્ગીય પરિવારમાંથી આવે છે, જેમાં તેમના સાસુ, પતિ અને બે સંતાનોનો સમાવેશ થાય છે. તેમના પતિ ઉમેશભાઈ મકવાણા છેલ્લા 30 વર્ષથી ભાજપના સક્રિય, વફાદાર અને પાયાના કાર્યકર તરીકે પક્ષમાં નિઃસ્વાર્થ સેવા આપી રહ્યા છે. પતિની આ લાંબી રાજકીય સફર, સખત મહેનત અને પક્ષ પ્રત્યેની વફાદારીની ભાજપ હાઈકમાન્ડે યોગ્ય કદર કરીને ગીતાબહેનને મેયર જેવી સર્વોચ્ચ જવાબદારી સોંપી સન્માન કર્યું છે.
ચોકલેટ કેબિનથી મેયર પદ સુધીની પ્રેરણાદાયી સફર
નવા મેયર ગીતાબહેનની જીવનશૈલી અત્યંત સાદી અને પ્રેરણાદાયી છે. તેઓ આર્થિક રીતે પરિવારને મદદરૂપ થવા માટે પોતાના ઘરની બહાર એક નાની ચોકલેટની કેબિન (દુકાન) ચલાવે છે. એક સામાન્ય ચોકલેટ કેબિન ચલાવતા મહિલા આજે વડોદરા જેવી સંસ્કારી નગરી અને કલાનગરીના મેયર પદ સુધી પહોંચ્યા છે. અત્યાર સુધી માત્ર પોતાના પરિવારની ચિંતા કરતા ગીતાબહેન હવે સમગ્ર વડોદરા શહેરના વિકાસની ચિંતા કરશે અને સામાન્ય પરિવારમાંથી આવતા હોવાથી ગરીબ અને મધ્યમ વર્ગના પ્રશ્નોને પ્રાથમિકતા આપશે.
