હરિયાણા - કોમેડી નાઈટ્સના કપિલની ગુત્થી-પલક પર કેસ
કૈથલ ડેરા સચ્ચા સૌદાના પ્રમુખ ગુરમીત રામ રહિમની મજાક ઉડાવવા મામલે એક કોમેડી શો ના ટીવી આર્ટિસ્ટ્સ સહિત નવ લોકો પર ધાર્મિક ભાવનાઓ ભડકાવવાનો કેસ નોંધાયો છે. આ શો 27 ડિસેમ્બરના રોજ ટેલિકાસ્ટ કરવામાં આવ્યો હતો.
શુ આરોપ લાગ્યા ?
-ડેરા સચ્ચા સૌદાના સમર્થકોનો આરોપ છે કે જશ્ન-એ-આઝાદીના કોમેડી એક્ટમાં એમએસજી-ટૂના એક સીન સાથે છેડછાડ કરવામાં આવી.
- તેમા ગુરમીત રામ રહીમના ગેટઅપમાં કલાકારોને દારૂ પીરસતા અને યુવતીઓ સાથે અશ્લીલ ડાંસ કરતા બતાવાયા. કયા કલાકારો પર કેસ નોંધાયો ?
-કીકૂ શારદા (પલક), સુનીલ ગ્રોવર (ગુત્થી), અસગર અલી(દાદી), રાજીવ ઠાકુર, પૂજા બેનર્જી, મુન્ના રાય, ગૌતમ ગુલાટી અને સના ખાન સહિત નવ લોકો પર કેસ નોંધાયેલ છે.
- ઉલ્લેખનીય છે કે 'કોમેડી નાઈટ વિધ કપિલ' શો મા કીકૂ શારદા પલકનો, સુનીલ ગ્રોવર ગુત્થીનો અને અસગર અલી દાદીનો રોલ ભજવે છે.
કોણે કરી ફરિયાદ
- ડેરા સમર્થક ઉદય સિંહે શુક્રવારે આ કલાકારો વિરુદ્ધ કૈથલમાં ફરિયાદ નોંધાવી છે. પોલીસે તપાસ શરૂ કરી દીધી છે.
- આ મામલાની તપાસ કરી રહેલ સબ ઈંસ્પેક્ટર ઈશ્વરના મુજબ ચેનલ સહિત નવ લોકો વિરુદ્ધ ધાર્મિક ભાવનાઓ ભડકાવવાના આરોપમાં કેસ નોંધી લેવામાં આવ્યો છે.
