વર્ષનું પહેલું સૂર્યગ્રહણ 30 એપ્રિલ 2022 શનિવારના રોજ થવા જઈ રહ્યું છે. આ ગ્રહણ દરમિયાન તમે 15 કામ ભૂલથી પણ કરશો નહીં તો પસ્તાવવુ પડી શકે છે. જો કે આ આંશિક સૂર્યગ્રહણ છે. સૂર્યગ્રહણની અસરને કારણે અગ્નિ, અશાંતિ અને વિવિધ પ્રકારની ભૌગોલિક અને રાજકીય ઘટનાઓમાં વધારો થઈ શકે છે, તેથી સાવચેત રહેવાની જરૂર છે.
1. જો સૂર્યગ્રહણ આંશિક હોય અથવા ભારતમાં ન દેખાય રહ્યુ હોય તો પણ તેની અસર સમગ્ર પૃથ્વી પર જોવા મળે છે. આવી સ્થિતિમાં સાવધાનીથી કામ લેવું જોઈએ.
2. પાણીમાં તુલસી નાખ્યા પછી જ તેનો ઉપયોગ કરવો જોઈએ. એવું માનવામાં આવે છે કે સૂર્યગ્રહણ દરમિયાન તેની અસર પાણી પર પડે છે, તેથી પાણીમાં તુલસીના પાન નાખીને તેને શુદ્ધ કરવામાં આવે છે અને તે પછી જ પીવું જોઈએ.
3. સૂર્યગ્રહણ દરમિયાન, વ્યક્તિએ શ્રમ પ્રવૃત્તિઓ અને મુસાફરી ટાળવી જોઈએ
4. આ સમયે ગર્ભવતી સ્ત્રીઓ અને બાળકોએ સાવધાન રહેવું જોઈએ. એવું કહેવાય છે તેનાથી ગર્ભસ્થ શિશુની ત્વચા પર અસર પડે છે. તેથી ઘરની બહાર નીકળશો નહીં.
5. સૂર્ય ગ્રહણના દિવસે અમાસ છે તેથી દરેક પ્રકારના નશાથી દૂર રહો
6. જ્યાં પણ આ સૂર્યગ્રહણ દેખાતુ હોય અને જો તેઓ સૂર્યગ્રહણ જોવા માંગતા હોય, તો તમારી આંખોની સુરક્ષા માટે એકલિપ્સ ગ્લાસનો ઉપયોગ કરો. ઘરમાં બનેલા ફિલ્ટર અથવા પરંપરાગત સનગ્લાસનો ઉપયોગ કરશો નહીં કારણ કે તે આંખોને નુકસાન પહોંચાડી શકે છે.
7. જે બાળકો ગ્રહણ નિહાળવા માંગતા હોય તેઓ તેમના માતા-પિતાની દેખરેખ હેઠળ આવુ કરી શકે છે, કારણ કે તે નક્કી કરવું જરૂરી છે કે બાળક કયા પ્રકારના ગ્લાસથી જોઈ રહ્યું છે, તેઓ ક્યાક ગ્લાસ હટાવીને તો સૂર્ય ગ્રહણ નથી જોઈ રહ્યા ને..
8. એવું પણ માનવામાં આવે છે કે ખોરાક પર ગ્રહણની અસર થાય છે, તેથી ગ્રહણ પૂર્ણ થયા પછી જ ભોજન રાંધવામાં આવે છે અને ખાવામાં આવે છે. ગ્રહણના બે કલાક પહેલા હલકો અને સરળતાથી સુપાચ્ય ખોરાક ખાવાની સલાહ આપવામાં આવે છે. ગ્રહણ પછી તાજો ખોરાક તૈયાર કરીને તુલસીના પાન ઉમેરીને ખાવામાં આવે છે.
9.એવું પણ કહેવાય છે કે ગ્રહણ દરમિયાન ખોરાક ન ખાવો જોઈએ કારણ કે આ સમય દરમિયાન પાચન શક્તિ નબળી પડી જાય છે અને પેટ નબળું થઈ જાય છે.
10. એવું પણ કહેવાય છે કે ગ્રહણ દરમિયાન સંવેદનશીલ અથવા લાગણીશીલ વ્યક્તિ વધુ લાગણીશીલ અથવા સંવેદનશીલ બની જાય છે. આ આપણી ભાવનાઓને અસર કરે છે અને નકારાત્મક લાગણીઓને જન્મ આપે છે. તેથી આ સમય દરમિયાન સાવચેત રહો. તમારા મનને કોઈ સંગીત અથવા મનોરંજનમાં વ્યસ્ત રાખો.
11. એવું કહેવાય છે કે ગ્રહણ દરમિયાન વ્યક્તિ સુસ્ત અથવા થાક અનુભવે છે. એવું પણ કહેવાય છે કે ગ્રહણ દરમિયાન આપણી રોગપ્રતિકારક શક્તિ પણ પ્રભાવિત થાય છે. તેથી તમારા શરીરનું ધ્યાન રાખો. રોગપ્રતિકારક શક્તિ ઘટતા તમે મોસમી રોગની ચપેટમાં આવી શકો છો.
12. એવું પણ કહેવાય છે કે ગ્રહણ દરમિયાન બેક્ટેરિયા અને વાયરસની સંખ્યા વધી જાય છે. આવી સ્થિતિમાં, કોઈપણ પ્રકારના રોગથી બચવા માટે, ગ્રહણ પછી, ઘરની સ્વચ્છતા સાથે, તેની શુદ્ધિકરણ કરવામાં આવે છે.
13. માન્યતા અનુસાર ગ્રહણ દરમિયાન કોઈપણ પ્રકારના અગ્નિકર્મ કરવામાં આવતા નથી. જેમ કે રસોઈ, અગ્નિસંસ્કાર વગેરે. જો કે આ બાબતે નિષ્ણાતની સલાહ જરૂર લો.
14. એવું પણ કહેવાય છે કે ગ્રહણ પહેલા કે પછી 40 દિવસના અંતરાલમાં ભૂકંપ આવે છે અને દરિયામાં તોફાન પણ આવે છે. આવી સ્થિતિમાં, જો તમે એવી જગ્યાએ રહેતા હોવ જ્યાં ભૂકંપ અથવા વવાઝોડાનું જોખમ વધારે હોય, તો તમારે સાવચેત રહેવું જોઈએ.
15. ગ્રહણ દરમિયાન ચપ્પુ, છરી અથવા તીક્ષ્ણ ધારવાળી વસ્તુઓનો ઉપયોગ કરશો નહીં.
16. ગ્રહણ દરમિયાન પૂજા કરવી અને સ્નાન કરવું પણ શુભ માનવામાં આવતું નથી.
