નવરાત્રિમાં આ વખતે નવા મ્યુઝીકની ધૂમ
દરેક વખતની જેમ આ વખતે પણ નવરાત્રિમાં નવા ગીતોની ધુમ મચશે. દર વર્ષે જેમ ગુજરાતી ગરબાની સાથે સાથે હિંદી ગીતો પણ વગાડવામાં આવે છે તે જ રીતે આ વખતે પણ નવા હિંદી ગીતોનો ઉમેરો કરવામાં આવ્યો છે. આ વખતે ગરબાની સીડી, કેસેટ અને ડિવીડીનું પ્રમાણ 25 ટકા જેટલું વધી ગયુ છે. જો કે સીડીના વેચાણનું પ્રમાણ વધારે છે. ગરબાની કેસેટ અને સીડી બધી જ નોનસ્ટોપ આવે છે અને તેની અંદર 20 થી 25 મિનિટના ગરબાની અંદર પાછળ બેકગ્રાઉંડ મ્યુઝીક તો એક જ હોય છે બસ તેની અંદર ગીતો બદલાયા કરે છે. અને આ ક્રમ ધીમેથી ચાલુ થઈને અંતે ફાસ્ટ થઈ જાય છે. ડીજે ચલાવનારા કહે છે કે આ વખતે નવરાત્રિમાં દાંડિયા માટે પીક્ચરના ગીતો પર ધુન બનાવી છે. તેઓ કહે છે કે પંખીડા જેવા ટ્રેડિશનલ સોંગને હાઉસ મિક્સની સાથે (વેસ્ટર્ન બિટ્સ) મિક્સ કર્યું છે. આ સિવાય શકીરા, બોંબ સિંક્લેર સ્પેનિશ આર્ટિસ્ટ વિવેસ લેરોકના ઈંગ્લીશ ટ્રેક્સને લોકો સમજી પણ રહ્યાં છે અને પસંદ પણ કરી રહ્યાં છે. આ વખતે ઈસ્ટ અને વેસ્ટનું બેસ્ટ મિક્સર લોકોને ખુબ જ નચાવશે. તેઓ એવું પણ જણાવે છે કે આ વખતનો નવો કોંસેપ્ટ આખા દેશને હિલોળે ચઢાવશે અને તે છે ડિજે વર્સેસ દાંડિયા ઢોલ. તો આ વખતની નવરાત્રિ માટે બધા જ ડીજેવાળાઓએ પોતાની તરફથી કઈક નવું ક્રિએશન કર્યું છે જેથી કરીને તે લોકોને વધારે નચાડી શકે. આટલુ નહિ આ સિવાય મોબાઈલ કંપનીઓ પણ પોતાના ગ્રાહકો માટે કંઈક વિશેષ લાવી રહી છે. તેઓએ ગરબાના ગીતો, ભજન, આરતી ડાઉનલોડ કરવા માટે સ્પેશિયલ એરેંજમેંટ કર્યુ છે. આ સિવાય તેઓ પોતાના ગ્રાહકોને સ્કીમ અને ઓફર્સ પણ આપી રહ્યાં છે.
