એસવીબી, ક્રૅડિટ સુઈસ જેવી બૅન્કો દ્વારા સર્જાયેલી કટોકટીને પગલે સોનું રૅકોર્ડ 60 હજાર રૂપિયાને પાર
અમેરિકા અને યુરોપમાં વધી રહેલી બૅન્કિંગ કટોકટી વચ્ચે સોમવારે ભારતમાં સોનાની કિંમત 60 હજારને પાર પહોંચી હતી.
ઇકોનૉમિક ટાઇમ્સના અહેવાલ પ્રમાણે, માત્ર 10 દિવસ પહેલાં 55,200 રૂપિયાનો ભાવ ધરાવતા સોનાની કિંમતમાં અત્યાર સુધીમાં આઠ ટકાનો વધારો નોંધાયો છે.
આ સિવાય તાજેતરમાં સિલિકૉન વૅલી બૅન્ક, સિગ્નેચર બૅન્ક અને ક્રૅડિટ સુઈસ બૅન્કના કારણે સર્જાયેલી નાણાકીય કટોકટીના કારણે પણ સોનાની કિંમતમાં વધારો જોવા મળ્યો છે.
શેરબજાર પર નજર રાખતા વિશેષજ્ઞો પ્રમાણે, માત્ર બૅન્કિંગ કટોકટી જ નહીં પરંતુ વધતો જતો ફુગાવો અને વ્યાજદરમાં વધારો પણ સોનાના વધેલા ભાવ પાછળ જવાબદાર છે.
