જર્મનીના સોલિંગેનમાં ફેસ્ટીવલ દરમિયાન ચપ્પુ વડે હુમલો, ત્રણના મોત, 4 ઘાયલ
સોલિંગન પશ્ચિમ જર્મનીના સોલિંગેનમાં એક ફેસ્ટીવલ દરમિયાન ચપ્પુ મારવાની ઘટના બની હતી. મળતી માહિતી મુજબ, તહેવાર દરમિયાન એક વ્યક્તિએ અચાનક લોકો પર ચાકુ વડે હુમલો કરવાનું શરૂ કરી દીધું હતું. આ હુમલામાં ત્રણ લોકોના મોત થયા હતા જ્યારે ચાર લોકો ગંભીર રીતે ઘાયલ થયા હતા. યુરો ન્યૂઝ અનુસાર, હુમલો ફ્રેનહોફ નામના સેન્ટ્રલ સ્ક્વેર પર થયો હતો. હુમલાખોર ફરાર છે અને પોલીસે તેને પકડવા માટે સર્ચ ઓપરેશન શરૂ કર્યું છે.
ફ્રોનહોફ સેન્ટ્રલ સ્ક્વેર ખાતેની ઘટના
ઉત્સવમાં હાજર રહેલા પ્રત્યક્ષદર્શીઓએ પોલીસને જાણ કરી હતી કે સેન્ટ્રલ સ્ક્વેર, ફ્રોનહોફ ખાતે એક અજાણ્યા ગુનેગારે ઘણા લોકો પર છરી વડે હુમલો કર્યો હતો. જો કે પોલીસ ઘટના સ્થળે પહોંચી ત્યાં સુધીમાં હુમલાખોર નાસી ગયો હતો. સીએનએનએ પોલીસનાં સૂત્રો તરફથી જણાવ્યું હતું કે સપ્તાહના અંતે શહેરમાં "વિવિધતાની ઉજવણી" દરમિયાન ચપ્પુથી હુમલો કરવામાં આવ્યો હતો.
પોલીસ ફરાર હુમલાખોરને શોધવામાં લાગી
ઘટનાની માહિતી મળતા જ પોલીસ ઘટનાસ્થળે પહોંચી, ઘાયલોને હોસ્પિટલ લઈ ગયા અને વિસ્તારને ખાલી કરાવ્યો. હુમલાખોરની શોધ ચાલુ છે. પોલીસ આસપાસના સીસીટીવી ફૂટેજ પણ સ્કેન કરી રહી છે. તમને જણાવી દઈએ કે સોલિંગેન શહેરની વસ્તી 1.5 લાખથી વધુ છે અને આ શહેર જર્મનીના બે મોટા શહેરો કોલોન અને ડસેલડોર્ફની નજીક આવેલું છે
