મુખ્યમંત્રી આનંદીબહેન પટેલની ગઇકાલે અમદાવાદ ખાતેની બ્રિટિશ ડેપ્યુટી હાઈકમિશનની કચેરીના નવનિયુક્ત ડેપ્યુટી હાઈકમિશનર જ્યોફ વેઈનએ સૌજન્ય મુલાકાત લીધી હતી. મુખ્યમંત્રીએ અમદાવાદમાં આ કચેરી કાર્યરત કરવા માટે બ્રિટન સરકારનો આભાર વ્યક્ત કરતાં જણાવ્યું કે, બ્રિટનમાં વસવાટ કરતાં ૬ લાખ ગુજરાતીઓને આ કચેરી સહાયક બનશે. બ્રિટન વિઝા મેળવવા માટે માર્ગદર્શન તથા માહિતી તેમજ પ્રવાસન અંગે પણ આ નવી કચેરી મદદરૂપ થશે.
