પનીર કોરમા

P.R
સામગ્રી: 250 ગ્રામ પનીર, 4 ટમેટા, 3 ડુંગળી. આદુ 1 લાંબો ટુકડો, 2 લીલા મરચા, 1 કપ માવો, 1 કપ મલાઈ (ક્રિમ)
1/2 ટીસ્પૂન લાલ મરચું, 1/4 ટીસ્પૂન હળદર પાવડર, 1/2 ટીસ્પૂન ગરમ મસાલો, 2 ટેબલસ્પૂન ઘી, નમક, સ્વાદ અનુસાર

બનાવવાની રીત: સૌ પ્રથમ પનીરને નાના ચોરસ ટુકડામાં સમારી લો. હવે બીજી બાજુ ડુંગળી, ટમેટા, આદુ અને લીલા મરચાંને પીસીને જુદુ મુકો. માવાને છીણી લો.

વેબ દુનિયા|
એક પેન અથવા કઢાઈમાં ઘી ગરમ કરો, તેમાં ડુંગળી અને ટમેટાની પેસ્ટ ઉમેરીને સારી રીતે સાંતળો, આ ગ્રેવીમાંથી ઘી છૂટુ ન પડે ત્યા સુધી તેને મધ્યમ આંચ પર સાંતળો. હવે તેમાં માવો અને મલાઈ મિક્સ કરો. 2 મિનીટ સુધી પાકવા દો. આ મિશ્રણમાં મીઠું, લાલ મરચાંનો પાવડર, હળદર અને ગરમ મસાલો ઉમેરીને સારી રીતે હલાવો. ત્યાર બાદ પનીરના ટુકડા ઉમેરીને સાથે 1/2 કપ પાણી મિક્સ કરો. ગ્રેવી ઘટ્ટ થઈ જાય ત્યા સુધી પાકવા દો. ગરમા ગરમ પનીર કોરમા પરાઠા સાથે સર્વ કરો.


આ પણ વાંચો :