પંજાબને ફાઈનલમાં પહોચાડીને શ્રેયસ ઐય્યરે રચ્યો ઈતિહાસ, આવુ કરનારો બન્યો પહેલો કપ્તાન
punjab kings enter in ipl final
IPL 2025 ના ક્વોલિફાયર-2 માં, પંજાબ કિંગ્સે મુંબઈ ઈન્ડિયન્સને 5 વિકેટથી હરાવીને ફાઇનલ માટે ક્વોલિફાય કર્યું, જ્યાં તેનો સામનો RCB સાથે થશે. મેચમાં પહેલા બેટિંગ કરતા મુંબઈએ 203 રન બનાવ્યા, ત્યારબાદ પંજાબે શ્રેયસ ઐયરની અડધી સદીના કારણે સરળતાથી લક્ષ્ય હાંસલ કરી લીધું. તેના સિવાય, નેહલ વાઢેરાએ પણ મેચમાં જોરદાર બેટિંગ કરી.
શ્રેયસ ઐયર અત્યાર સુધીમાં ત્રણ ટીમોને IPLમાં લઈ ગયો છે. શ્રેયસ ઐયરની કેપ્ટનશીપમાં પંજાબ કિંગ્સ ટીમે જોરદાર પ્રદર્શન કર્યું અને પોઈન્ટ ટેબલમાં પ્રથમ સ્થાન મેળવીને પ્લેઓફ માટે ક્વોલિફાય કર્યું. હવે ટીમ તેમની કેપ્ટનશીપમાં ફાઇનલમાં પહોંચી છે. અગાઉ, દિલ્હી કેપિટલ્સે IPL 2020 માં અને કોલકાતા નાઈટ રાઇડર્સે IPL 2024 માં ઐયરની કેપ્ટનશીપમાં ફાઇનલમાં પ્રવેશ કર્યો હતો. ઐયર IPL માં ત્રણ અલગ અલગ ટીમોને ફાઇનલમાં લઈ જનાર પ્રથમ કેપ્ટન બન્યો છે. તેમની પહેલા કોઈ આ કરી શક્યું ન હતું.
શ્રેયસ ઐયરે જોરદાર અડધી સદી ફટકારી
પ્રભસિમરન સિંહ (6 રન) ભલે પંજાબ કિંગ્સ ટીમ માટે મોટી ઇનિંગ ન રમી શક્યા હોય, પરંતુ તેમના સિવાય જોસ ઇંગ્લિશ, શ્રેયસ ઐયર અને નેહલ વાઢેરાએ સારી બેટિંગનો નમૂનો રજૂ કર્યો. ઇંગ્લિશએ ઘાતક બોલર જસપ્રીત બુમરાહની એક ઓવરમાં 20 રન બનાવ્યા. તેણે મેચમાં કુલ 38 રનનું યોગદાન આપ્યું. વાઢેરાએ 29 બોલમાં 48 રનની ઇનિંગ રમી. તેણે પંજાબ ટીમને લક્ષ્યની નજીક પહોંચાડી. શ્રેયસ ઐય્યર ક્રીઝના એક છેડે મજબૂત રીતે ઉભો રહ્યો. તેણે 27 બોલમાં પોતાની અડધી સદી પૂર્ણ કરી. ઐય્યરે 41 બોલમાં 87 રન બનાવ્યા, જેમાં પાંચ ચોગ્ગા અને 8 છગ્ગાનો સમાવેશ થાય છે. મુંબઈના બોલરો ખરાબ રીતે નિષ્ફળ ગયા અને સારું પ્રદર્શન કરી શક્યા નહીં. ટીમ માટે અશ્વિની કુમારે સૌથી વધુ બે વિકેટ લીધી.
સૂર્યાના કારણે મુંબઈએ 200 થી વધુનો સ્કોર બનાવ્યો
મુંબઈ ઈન્ડિયન્સ ટીમ માટે શરૂઆત સારી નહોતી, જ્યારે રોહિત શર્મા ફક્ત 8 રન બનાવીને આઉટ થયો. આ પછી, જોની બેરસ્ટો (38 રન) અને તિલક વર્માએ થોડા સમય માટે વિકેટ પર રહેવાનો પ્રયાસ કર્યો અને 51 રનની ભાગીદારી કરી. બેરસ્ટોના આઉટ થયા પછી, સૂર્યકુમાર યાદવે રન બનાવવાની જવાબદારી લીધી. તેણે 26 બોલમાં 44 રન બનાવ્યા, જેમાં ચાર ચોગ્ગા અને ત્રણ છગ્ગાનો સમાવેશ થાય છે. તિલક વર્માએ 44 રન બનાવ્યા. અંતે, નમન ધીરે 37 રન બનાવ્યા. આ ખેલાડીઓના કારણે જ મુંબઈની ટીમ 200 રનનો સ્કોર પાર કરી શકી.
