Nagaland Election 2023: નાગાલેન્ડ વિધાનસભા ચૂંટણી માટે BJP એ રજુ કરી ઉમેદવારોની યાદી, 20 ઉમેદવારોને મેદાનમાં ઉતાર્યા
Nagaland BJP Candidates List 2023: ભારતીય જનતા પાર્ટી (BJP) એ ગુરુવારે (2 ફેબ્રુઆરી) દિલ્હીમાં યોજાયેલી પાર્ટીની બેઠકમાં નાગાલેન્ડ વિધાનસભા ચૂંટણી માટે ઉમેદવારોની યાદી જાહેર કરી. ભાજપ વિધાનસભા ચૂંટણીમાં 20 બેઠકો પર ચૂંટણી લડશે. બીજેપીના પ્રદેશ અધ્યક્ષ તેમ્જેન ઇમના અલંગટકી વિધાનસભા સીટ પરથી ચૂંટણી લડશે.
યાદી જાહેર કરતા ભાજપના નેતા નલિન કોહલીએ કહ્યું કે, 'અમે નાગાલેન્ડની 60માંથી 20 સીટો પર ચૂંટણી લડીશું. બાકીની બેઠકો અમારા સહયોગી NDPPને આપવામાં આવી છે. આ દરમિયાન તેમણે મેઘાલયની વિધાનસભા ચૂંટણીનો પણ ઉલ્લેખ કર્યો હતો. તેમણે કહ્યું કે મેઘાલયની તમામ 60 બેઠકો પર ભાજપ એકલા હાથે ચૂંટણી લડશે. તેમણે કહ્યું કે અમારી ટેગલાઇન છે 'એમ પાવર મેઘાલય' એટલે કે મોદીની સત્તા પર મેઘાલય. ત્યાં પણ ડબલ એન્જિન સરકાર રચાશે.
શું છે ચૂંટણી કાર્યક્રમ?
27 ફેબ્રુઆરીએ નાગાલેન્ડ વિધાનસભા ચૂંટણી માટે મતદારો મતદાન કરશે. 2 માર્ચે મત ગણતરી થશે. નામાંકન ભરવાની છેલ્લી તારીખ 07 ફેબ્રુઆરી છે અને નામાંકન પરત ખેંચવાની તારીખ 10 ફેબ્રુઆરી છે. મુખ્ય ચૂંટણી કમિશનર રાજીવ કુમારે કહ્યું કે નાગાલેન્ડમાં વિધાનસભાનો કાર્યકાળ 12 માર્ચે પૂરો થઈ રહ્યો છે.
નાગાલેન્ડનું રાજનીતિક સમીકરણ
નાગાલેન્ડમાં નેશનલ ડેમોક્રેટિક પ્રોગ્રેસિવ પાર્ટીનું શાસન છે અને નેફિયુ રિયો મુખ્યમંત્રી છે. એનડીપીપી 2017માં અસ્તિત્વમાં આવી હતી. ત્યારપછી એનડીપીપીએ 18 અને ભાજપે 12 સીટો જીતી હતી. ચૂંટણી પહેલા બંને પક્ષોએ ગઠબંધન કર્યું હતું. NDPP, BJP, NPP સરકારમાં સામેલ છે. ગયા વર્ષે જ એનડીપીપી અને ભાજપે સંયુક્ત પ્રેસ કોન્ફરન્સમાં સાથે મળીને ચૂંટણી લડવાની જાહેરાત કરી હતી. બંને પક્ષોએ સંયુક્ત નિવેદનમાં કહ્યું હતું કે એનડીપીપી 40 બેઠકો અને ભાજપ સાથે મળીને 20 બેઠકો પર ચૂંટણી લડશે.
