IPL 2020: આઈપીએલના ઈતિહાસમાં પહેલીવાર એક દિવસમાં 3 સુપર ઓવર, પંજાબ અને KKR ની જીત
આઈપીએલની 13 મી સીઝનમાં, અત્યાર સુધીમાં 36 મેચ રમવામાં આવી છે અને હવે પ્લેઓફ પહેલાં 20 મેચ રમવાની છે. રવિવારે અહીં રમાયેલી બે મેચ આઇપીએલ ઇતિહાસની સૌથી રોમાંચક અને યાદગાર પળોમાંની એક બની ગઈ. દિવસે રમાયેલ બંને મેચ ટાઈ હતી અને તેનું પરિણામ સુપર ઓવર દ્વારા આવ્યું હતું. એટલું જ નહીં, બીજી મેચના પરિણામ માટે બે વાર સુપર ઓવર રમવામાં આવી.
હૈદરાબાદના સુપરઓવરમાં કેપ્ટન ડેવિડ વોર્નરે વીસ ઓવરમાં અણનમ 47 રનની ઇનિંગ રમી અને આંદ્રે રસેલની અંતિમ ઓવરમાં 17 રન બનાવી મેચને આ સ્થિતિમાં લાવી દીધી. પરંતુ ફર્મ્યુસને તેને પ્રથમ જ બોલ પર બોલ્ડ કર્યો. બીજા બોલ પર બે રન થયા હતા અને ત્રીજા બોલ પર સમદને બોલ્ડ કરી દીધો હતો. કોલકાતાને ત્રણ રનનો લક્ષ્યાંક મળ્યો હતો જેને મોર્ગન અને દિનેશ કાર્તિકે ચાર બોલમાં હાંસલ કર્યો હતો.
સુપરઓવરમાં કેકેઆરની પ્રથમ જીત:
આ સિઝનની આ ત્રીજી સુપરઓવર હતી. આ પહેલા દિલ્હીએ પંજાબને અને રોયલ ચેલેન્જર્સ બેંગલુરુએ મુંબઇ ઇન્ડિયન્સને હરાવી હતી. આ એક યોગાનુયોગ પણ છે કે દિલ્હીને સુપરઓવરમાં ત્રણ રનનો લક્ષ્યાંક મળ્યો હતો. આઈપીએલમાં પ્રથમ વખત કેકેઆરની ટીમે સુપરઓવરમાં જીત મેળવી.
ફર્ગ્યુસનનો પંચ:
મેન ઓફ ધ મેચ ફર્ગ્યુસને નિયમિત મેચમાં કેન વિલિયમસન (29), પ્રિયમ ગર્ગ (04) અને મનીષ પાંડે (06) ની વિકેટ ઝડપી હતી. તેણે મેચમાં સુપર ઓવર સહિત કુલ પાંચ વિકેટ મેળવી હતી. કે.કે.આર.ની ટીમ બે મેચ હારીને વિજય પરત ફરી છે અને હવે તેના પાંચ જીત સાથે દસ પોઇન્ટ છે. નવ મેચમાંથી છ પોઇન્ટ સાથે હૈદરાબાદની આ છઠ્ઠી હાર છે.
