VIDEO: દિલ્હીના બવાના વિસ્તારમાં ભીષણ આગ, ફાયર બ્રિગેડની 25 ગાડીઓ હાજર
Fierce fire in Bawana area of Delhi
રાષ્ટ્રીય રાજધાની દિલ્હીના બવાના વિસ્તારમાં બુધવારે સવારે ભીષણ આગ લાગવાની ઘટના સામે આવી છે. ફેક્ટરીમાં ભીષણ આગની માહિતી મળતાની સાથે જ ફાયર બ્રિગેડની 25 ગાડીઓ ઘટનાસ્થળે પહોંચી ગઈ હતી અને આગ ઓલવવાનું કામ ચાલી રહ્યું છે. મળતી માહિતી મુજબ બુધવારે સવારે દિલ્હીના બવાના ઈન્ડસ્ટ્રીયલ એરિયામાં એક ફેક્ટરીમાં ભીષણ આગ લાગી હતી. આગએ વિકરાળ સ્વરૂપ ધારણ કર્યું હતું અને ઉંચી જ્વાળાઓ ઉભરાતી જોવા મળી હતી. લોકોએ દિલ્હી ફાયર વિભાગને જાણ કરી, ત્યારબાદ ફાયર બ્રિગેડની 25 ગાડીઓ તાત્કાલિક ઘટનાસ્થળે પહોંચી ગઈ.
ફાયર વિભાગના અધિકારીઓના જણાવ્યા અનુસાર આગ પર કાબૂ મેળવવા માટે 25 ફાયર ટેન્ડર ઘટના સ્થળે મોકલવામાં આવ્યા હતા. બવાના વિસ્તારના સેક્ટર 3માં સાંઈ ધરમ કાંટા પાસે એક ફેક્ટરીમાં આગની ઘટના બની હતી. દિલ્હી ફાયર સર્વિસ ડિપાર્ટમેન્ટના અધિકારીઓના જણાવ્યા અનુસાર આગ સવારે લગભગ 1.40 વાગ્યે લાગી હતી. અધિકારીઓએ જણાવ્યું કે આગ પર કાબૂ મેળવી લેવામાં આવ્યો છે. જો કે, આગ લાગવાનું કારણ હજુ સુધી જાણી શકાયું નથી અને હજુ સુધી કોઈ જાનહાનિ કે ઈજાના સમાચાર નથી.
