ગુરુવાર, 28 માર્ચ 2024
  1. સમાચાર જગત
  2. ગુજરાત સમાચાર
  3. સ્થાનિક ગુજરાતી ન્યુઝ
Written By
Last Modified: બુધવાર, 23 ડિસેમ્બર 2020 (09:58 IST)

લંડનથી પોલીસ કંટ્રોલ રૂમમાં ફોન આવ્યો- પત્ની આત્મહત્યા કરવા જઇ રહી છે...અને બચી ગઇ

શહેર પોલીસના કંટ્રોલ રૂમમાં સોમવારે બપોરે એક કોલ આવ્યો. તેમાં કહેવામાં આવ્યું કે મારી પત્ની સુસાઇડ કરવા જઇ રહી છે. તેના પર અડાજણ પોલીસ હરકતમાં આવી ગઇ. જોકે બે કલાકના ડ્રામા બાદ 40 વર્ષીય મહિલા ઘરે પરત પરત ફરી, ત્યારે જ્યારે પોલીસે રાહતનો શ્વાસ લીધો. 
 
સોમવારે બપોરે 12 વાગે પોલીસ કંટ્રોલ રૂમમાં ફોન આવ્યો. ફોન કરનારે જણાવ્યું કે તે લંડનથી બોલી રહ્યું છે. કહેવામાં આવ્યું છે કે મારી પત્ની બ્રીજ પરથી છલાંગ લગાવવા જઇ રહી છે. તેના પર કંટ્રોલ રૂમના પીએસઆઇ સીએમ રાખોલિયાએ અડાજણ પીઆઇ બીએન સગરને સૂચના આપી. 
 
તેમણે એસબી ચૌધરીને સૂચના આપતાં જ એલર્ટ થઇ ગઇ. મહિલા ક્યા બ્રિજ પર ગઇ હતી, તેની જાણકારી ન હોવાથી પોલીસ કોન્સ્ટેબલ હિતેન્દ્ર પરમાર એક પીસીઆર વાન સરકાર બ્રિજ અને બીજા વાન કેબલ બ્રિજ પર પહોંચી ગઇ. બીજી તરફ મહિલાનું એડ્રેસ પ્રાપ્ત કરી એક ટીમ ઘરે પહોંચી ગઇ.  પોલીસે મોબાઈલ નંબર મેળવી લોકેશન ટ્રેસ કર્યું હતું. મોબાઈલ લોકેશન વાળી જગ્યા પર પહોંચતા જ પોલીસને માસૂમ દીકરીએ ફોન કરી ને કહ્યું કે તેની માતા ઘરે આવી ગઈ છે. જેથી અડાજણ અને પોલીસ કંટ્રોલની મહિલા પોલીસ કર્મચારીઓની ટીમ તાત્કાલિક મહિલાના ઘરે જઈ તેને અડાજણ પોલીસ સ્ટેશન લઈ આવી હતી. જ્યાં મહિલાના ભાઈની હાજરીમાં તેનું કાઉન્સિલિંગ કરાયું હતું.
 
દરમિયાન મહિલાએ સ્વિકાર્યું હતું કે પારિવારિક ઝઘડાને લઈ હું આપઘાત કરવા નીકળી હતી. જોકે હવે બીજીવાર આવું નહીં કરું.પોલીસ કંટ્રોલ અને અડાજણ પોલીસની સુચકતાને લઈ મહિલાનો જીવ બચ્યો હતો. પોલીસકર્મીઓની પ્રશંસનીય કામગીરી બદલ અધિકારીઓએ તેમની કામગીરીને બિરદાવી હતી.