Widgets Magazine

ગુજરાતમાં અગનવર્ષા- ગાંધીનગર સૌથી ગરમ શહેર

ગુરુવાર, 18 મે 2017 (14:50 IST)

Widgets Magazine

હાલમાં અગનભઠ્ઠીમાં ફેરવાઇ ગયું હોય તે હદે ગરમીનો પારો વધી જતા લોકો ત્રાહિમામ પોકારી ગયા છે. રાજ્યનું ગ્રીન સિટી ગણાતું આજે ૪૩.૪ ડિગ્રી સેલ્સિયસ સાથે રાજ્યનું સૌથી વધુ ગરમ શહેર રહ્યું હતું. અમરેલી , સુરેન્દ્રનગર ૪૩ ડિગ્રી તાપમાન સાથે બીજા ક્રમે રહ્યા હતા. અમદાવાદમાં ૪૨.૮ ડિગ્રી તાપામાન નોંધાયું હતું. રાજ્યના ૧૦ શહેરોમાં તાપમાનનો પારો ૪૦ ડિગ્રી કરતા પણ વધુ રહેતા બપોરે તો રીતસરનો કરફ્યું જેવો માહોલ સર્જાયો હતો.

અરવલ્લીની ગીરીમાળાઓ વચ્ચે ઘેરાયેલા ઇડરમાં આજે ૪૧.૮ ડિગ્રી તાપમાન નોંધાયું હતું. સવારના ૮ વાગ્યાથી જ ગરમીની અસર ચાલુ થઇ જાય છે. દેહ દઝાડતી ગરમીને કારણે લોકો સવારથી કામ સિવાય ઘરની બહાર નીકળવાનું ટાળી રહ્યા છે. સાંજના છ વાગ્યા સુધી ગરમીની અસર રહેતા લોકો માટે તો આખો દિવસ ગરમીની વચ્ચે શેકાવાનો વારો આવ્યો છે. રાત્રે પર પવન ફૂંકાતો ન હોવાથી અસહ્ય બફારા વચ્ચે લોકોએ રાત વિતાવવી પડી રહી છે.

બીજી તરફ હાલમાં લીલુંછમ અને ઘટાટોપ વૃક્ષોની છત્રછાયામાં વસેલું અને ગ્રીન સિટીના નામે પ્રખ્યાત થયેલા ગાંધીનગર પર આજે સૂર્યદેવતા જાણે ક્રોપાયમાન થયા હોય તેમ ૪૩.૪ ડિગ્રી તાપમાન સાથે ગાંધીનગર રાજ્યમાં સૌથી હોટેસ્ટસિટી રહ્યું હતું. ત્યાં લધુત્તમ તામમાન પણ સૌથી વધુ ૨૮ ડિગ્રી નોંધાવા પામ્યું હતું. હવામાન ખાતાની આગાહી મુજબ આગામી પાંચ દિવસ દરમિયાન પણ ગરમીનું જોર યથાવત રહેશે. અમદાવાદમાં છેલ્લા ચાર વર્ષથી મે માસમાં ગરમીનો પારો ૪૪ ડિગ્રીને પાર રહ્યો છે. ગત વર્ષે તા.૨૦ મે ના રોજ અમદાવાદમાં રેકોર્ડબ્રેક ૪૮ ડિગ્રી તાપમાન નોંધાયું હતું. ચાલુ વર્ષે મે માસમાં ગરમીનો પારો અમદાવાદમાં ૪૪ ડિગ્રીને પાર કરી જવાની શક્યતા જોવાઇ રહી છે.
ગાંધીનગર    ૪૩.૪
અમરેલી    ૪૩
સુરેન્દ્રનગર    ૪૩
અમદાવાદ    ૪૨.૮



Widgets Magazine
Widgets Magazine
Widgets Magazine
આ પણ વાંચો :  

ગુજરાત સમાચાર

news

આજે વર્લ્ડ મ્યુઝિયમ ડે- જાણો ગુજરાતના કયા મ્યુઝિયમમાં શું છે?

18મી મે નો દિવસ સમગ્ર વિશ્વમાં મ્યુઝિયમ ડે તરીકે ઉજવાય છે. ત્યારે ગુજરાતમાં કયા ...

news

કોંગ્રેસમાં જૂથવાદ ચરમસીમાએ, પ્રદેશના બે નેતા પરેશ ધાનાણી મુદ્દે સામસામે

ચૂંટણી નજીક આવી રહી છે ત્યારે કોંગ્રેસમાં જૂથવાદ હવે ચરમસિમાએ પહોંચ્યો છે. ...

news

ડૂંગરા ખોદીને પીવાનું પાણી મેળવવા મજબૂર ગ્રામજનો, ડહોળું પાણી પીને બાળબચ્ચા જીવે છે

આ વખતના ઉનાળાએ તોબા પોકારાવી છે. ગરમીમાં લોકોની હાલત ખરાબ છે. ત્યાં પીવાના પાણીના વાંધા ...

news

કેન્દ્રીય મંત્રી અનિલ માધવનુ નિધન, PM મોદીએ ટ્વીટ કરી દુ:ખ પ્રકટ કર્યુ

કેન્દ્રીય પર્યાવરણ રાજ્ય મંત્રી અનિલ માધવ દવેનુ દિલ્હીના એમ્સમાં નિધન થઈ ગયુ છે. 60 ...