Widgets Magazine
Widgets Magazine

૧૫મી ઑગસ્ટ બાદ ગુજરાત 'ચૂંટણી મોડ'માં મુકાશે, બંને પક્ષો જીતના ઉત્સાહથી પ્રચાર કરશે

શનિવાર, 12 ઑગસ્ટ 2017 (14:28 IST)

Widgets Magazine


રાજ્યસભાની ગુજરાતની ત્રણ બેઠકો માટે યોજાયેલી ચૂંટણીમાં જે પ્રકારની રસાકસી જોવા મળી છે તે જોતાં અનુમાન થઈ શકે છે આ વર્ષના અંતમાં યોજાનારી વિધાનસભાની ચૂંટણી તેની તમામ પરાકાષ્ટા વટાવી દેશે. ૧૫મી ઓગસ્ટ બાદ સમગ્ર રાજ્ય 'ચૂંટણી મોડ' પર આવી જશે. ૨૦૧૨ની ચૂંટણીમાં સત્તાધારી ભાજપ કરતાં કોંગ્રેસને માત્ર ૯ ટકા જ ઓછા મત મળ્યા હતા. આથી કોંગ્રેસ હવે આ ટકાવારી ઓછી કરીને પોતાની બેઠકો વધારવા માંગે છે. ગત ચૂંટણીમાં છ કરોડથી વધુની વસતી ધરાવતા ગુજરાતમાં ૨ કરોડ ૭૪ લાખથી વધુ નાગરિકોએ મતદાન કર્યું હતું જેમાં ભાજપને ૧.૩૧ કરોડથી વધુ જ્યારે કોંગ્રેસને ૧ કરોડ અને પોણા સાત લાખ જેટલા મત મળ્યા હતા. ટકાવારીની દ્રષ્ટિએ જોઈએ તો ભાજપને લગભગ ૪૮ ટકા તથા કોંગ્રેસને ૩૯ ટકા જેટલા મત મળ્યા હતા. આશ્ચર્યની વાત એ છે કે 'કેશુભાઈ પટેલની પાર્ટી GPP એ લગભગ ૧૦ લાખ મત (સાડા ત્રણ ટકા) સેરવી લીધા હતા.' તેનાથી પણ વધુ આંચકો આપનારી વાત એ છે કે અપક્ષોની સંખ્યા ૬૬૩ની હતી જેમાંથી એકમાત્ર ઉમેદવાર જીત્યો હતો બાકીના ૬૬૨ ઉમેદવારોની ડિપોઝીટ પણ જપ્ત થઈ હતી. આમ છતાં આ અપક્ષો ૧૬ લાખ જેટલા મત એટલે કે ૬ ટકા જેટલો મતનો હિસ્સો લઈ ગયા હતા. સૂત્રો જણાવે છે કે ગત ચૂંટણીમાં ભાજપને ૧૧૫ અને કોંગ્રેસને ૬૧ બેઠકો મળી હતી. મતની ટકાવારી મુજબ કોંગ્રેસને ભાજપ કરતા ઓછી બેઠકો મળી હતી. જ્યારે GPP ને ૨, NCP ને ૨ અને ૧ JDUને મળી હતી. ૨૦૧૨ની ચૂંટણીમાં રાષ્ટ્રીય કક્ષાના ૭ તથા અન્ય રાજ્યના ૪ પક્ષો પણ ચૂંટણી લડયા હતા. ૨૦૧૭ની ચૂંટણી જાહેર થવા આડે હવે બે મહિના જેટલો સમય બચ્યો હોઈ રાજકીય પક્ષો ગત ચૂંટણીમાં કોને કેટલા મત મળ્યા હતા, કેવી સ્થિતિ હતી, પ્રચારના કયા મુદ્દાઓ હતા ? તેની સમીક્ષામાં લાગી ગયા છે. શ્રાવણ માસની આઠમ અને જન્માષ્ટમી પત્યા બાદ થોડા દિવસોમાં જ ગુજરાતમાં ચૂંટણી ફિવર છવઈ જશે. કોંગ્રેસના નેતાઓ ગત ચૂંટણીમાં મેળવેલા મતોની જે ટકાવારી છે તેને ઘટાડીને વધુ બેઠકો પર કબજો કરવાનો વ્યૂહ ધરાવે છે.



Widgets Magazine
Widgets Magazine
Widgets Magazine
આ પણ વાંચો :  

Loading comments ...

ગુજરાત સમાચાર

news

કોંગ્રેસના ૧૩ બળવાખોર MLAને ભાજપની ટિકિટ મળવાથી કાર્યકરોમાં અસંતોષ

રાજ્યસભાની ચૂંટણી પહેલાં જ કોંગ્રેસમાંથી બળવો કરનારા ૧૩ ધારાસભ્યો એ અત્યારે તો તેમના ...

news

ગુજરાતમાં પણ ચોટલી કાંડ વધી રહ્યો છે. તાજી ઘટના અમદાવાદમાં બની

મહિલાઓની ચોટલીઓ કપાવવાની ઉપરાછાપરી બની રહેલી ઘટના રાજ્યમાં દહેશતનો માહોલ સર્જી રહી છે. ગઈ ...

news

યુપી- 15 ઓગસ્ટના દિવસે મદરેસામાં રાષ્ટ્રગીત વગાડવા અને તિરંગા લહેરાવવાના આદેશ

ઉત્તરપ્રદેશમાં 15 ઓગસ્ટ એટલે કે સ્વતંત્રતા દિવસે તમામ મદરેસામાં રાષ્ટ્રગીત વગાડવા અને ...

news

VIDEO - OMG અહી જન્મે છે Girl. અને યુવાન થતા જ બની જાય છે Boy

અહી જવાન થતા જ છોકરીઓનુ શરીર બદલાય જાય છે અને તે પુરૂષ બની જાય છે.. તમે વિચારી રહ્યા હશો ...