Widgets Magazine

સિદી સૈયદની જાળીની ઉત્તમ કોતરણીથી બન્ને મહાનુભાવો પ્રભાવિત

ગુરુવાર, 14 સપ્ટેમ્બર 2017 (12:35 IST)

Widgets Magazine
modi and shinzo

જાપાનના વડા પ્રધાન શ્રી શિન્ઝો આબે અને શ્રીમતી આબે તેમજ ભારતના વડાપ્રધાન 
શ્રી નરેન્દ્રભાઇ મોદી બે દિવસની ગુજરાતની મુલાકાતે છે. દરમિયાન ભારતની પ્રથમ વર્લ્ડ હેરિટેજ સિટી અમદાવાદની આગવી ઓળખ એવી આર્ટના ઉત્તમ નમૂના જેવી લાલ દરવાજા ખાતે આવેલ સિદી સૈયદની જાળીની મુલાકાત લીધી હતી. 
 
વડાપ્રધાન શ્રી શિન્ઝો આબે, શ્રીમતી આબે અને ભારતના વડાપ્રધાનશ્રી આ કલાત્મક જાળીઓની કોતરણી અને તેના ઇતિહાસથી ખુબજ પ્રભાવિત થયા હતા. 
 
આ મુલાકાત દરમિયાન જાપનીઝ ડેલીગેશને પણ સિદી સૈયદની જાળીને રસપૂર્વક નિહાળી હતી. 
 
તાજેતરમાં જ ભારતના પ્રથમ વર્લ્ડ હેરિટેજ સિટી તરીકેનો અમદાવાદ શહેરને વૈશ્વિક દરજ્જો પ્રાપ્ત થયો છે. એવા આ ઐતિહાસિક શહેરમાં કળાનો ઉત્તમ નમૂનો એટલે સિદી સૈયદની જાળી. જેને મસ્જિદ તરીકે ઓળખવામાં આવે છે.
 
ગુજરાતનો આફ્રિકા સાથેનો ઘનિષ્ઠ સંબંધ આ મસ્જિદના કર્તા સિદી સૈયદ સાથે જોડાયેલો છે. આ જાળીનું મૂળભૂત રીતે વર્ષ-૧૫૭૩માં નિર્માણ થયું હોવાનું મનાય છે. બે કલાત્મક જાળીઓ વચ્ચે ત્રીજી જાળીના સ્થાને કોતરણીના બદલે આખા પથ્થર મૂકવામાં આવ્યા છે. 
 
લાલ રેતિયા પથ્થરની આ જાળી પ્રથમ નજરે તો એકજ પથ્થરમાંથી તૈયાર કરેલી લાગે પરંતુ તેમાં નાના-નાના અનેક ટૂકડાને એટલી સૂક્ષ્મતાથી જોડવામાં આવ્યા છે કે તે એક જ લાગે. સદીઓ બાદ પણ આજે તેની મોહકતા-કોતરણી અકબંધ છે. આ બેનમૂન જાળીઓને કારણે જ મૂળ આફ્રિકાના વતની સિદી સૈયદનું નામ જગપ્રસિદ્ધ થયું છે. 
 
અત્યંત મોહક કોતરણી ધરાવતી લાલ રેતિયા પથ્થરમાંથી બનાવેલી આ સિદી સૈયદની જાળી એ ૬૦૦ વર્ષ જૂના અમદાવાદ શહેરની આગવી ઓળખ છે. આ સિદી સૈયદની જાળીને જોવા અને માણવા રશિયાના અંતિમ ઝાર નિકોલસ કે જે દ્વિતિય યુવરાજ હતો ત્યારે તેને વિશ્વ પ્રવાસના ભાગરૂપે ૧૮૯૦માં આવ્યો હતો. જ્યારે ૧૯૬૧માં બ્રિટનના રાણી એલિઝાબેથ પણ અમદાવાદની મુલાકાતે આવ્યા હતા. 
 
જાપાનના વડાપ્રધાન શ્રી આબે અને ભારતના વડાપ્રધાન શ્રી મોદીની આજની મુલાકાતથી તેના સોનેરી ઇતિહાસમાં વધુ એક નવો અધ્યાય ઉમેરાયો છે. 



Widgets Magazine
Widgets Magazine
Widgets Magazine
આ પણ વાંચો :  

Loading comments ...

ગુજરાત સમાચાર

news

મોદીએ કેશુભાઈના ઘરે જઈને તેમના પુત્રને શ્રદ્ધાંજલિ અર્પણ કરી

ગુજરાતના પૂર્વ મુખ્યપ્રધાન કેશુભાઈ પટેલના પુત્રનું તાજેતરમાં અમેરિકામાં હાર્ટએટેકના લીઘે ...

news

બુલેટ ટ્રેન જાપાન તરફથી ભારતને ગિફ્ટ છે - મોદી, ઓબેએ બુલેટ ટ્રેનનું ભૂમિપૂજન કર્યું

મોદી જ્યારે ગુજરાતના મુખ્યમંત્રી હતા ત્યારે અમદાવાદ-મુંબઈ વચ્ચે બુલેટ ટ્રેનનું સપનું ...

news

ANALYSIS: શુ છે બુલેટ ટ્રેન પ્રોજેક્ટ ? શુ દેશને ખરેખર આની જરૂર છે ? આ પ્રોજેક્ટ પર સવાલ કેમ ઉઠી રહ્યા છે

મુંબઈ-અમદાવાદની વચ્ચે 2022 સુધી બુલેટ ટ્રેન ચાલુ કરવાનુ ટારગેટ છે આ એવી ટ્રેન હશે જે 508 ...

news

Live - મોદી બોલ્યા - પહેલા બોલતા હતા કે બુલેટ ટ્રેન ક્યારે આવશે અને હવે બોલે છે કેમ લાવ્યા

પ્રધાનમંત્રી નરેન્દ્ર મોદી જાપાનના પીએમ શિંઝો અબેની સાથે આજે દેશની પ્રથમ બુલેટ ટ્રેનનું ...