એશિયાકપ હોકી - પાકિસ્તાનને 3-1 થી હરાવીને ભારતે નોંધાવી સતત ત્રીજી જીત
દિવાળીનો ઉત્સવ ઉજવવાની તૈયારી કરી રહેલ ભારતીયોને ચાર દિવસ પહેલા જ ખિતાબની દાવેદાર માનવામાં આવનારી ભારતીય હોકી ટીમે શાનદાર જીતની ભેટ આપી. એશિયાકપ હોકીમાં ભારતે પાકિસ્તાનને 3-1થી હરાવીને સતત ત્રીજી જીત નોંધાવી છે. આ મેચમાં ભારતે 14 વર્ષ પછી એશિયા કપમાં પાકિસ્તાનને હરાવ્યુ. ભારતે મુકાલબ્લો 3-1થી જીત્યો.
ભારત રવિવારના મુકાબલા પહેલાં પાકિસ્તાનને સતત પાંચ મેચમાં હરાવી ચૂક્યું હતું અને તેની શરૂઆત ગયા વર્ષના સુલતાન અઝલન શાહ કપમાં થઇ હતી. ભારતે મુકાબલો 5-1થી જીત્યો હતો. ત્યારબાદ ભારતે એશિયન ચેમ્પિયન્સ ટ્રોફીમાં પાકિસ્તાનને બે વખત 3-2ના સમાન અંતરથી હરાવ્યું હતું. લંડન ખાતે રમાયેલી વર્લ્ડ હોકી લીગની સેમિફાઇનલમાં પાકિસ્તાનને પ્રથમ મેચમાં 7-1થી તથા બીજા મેચમાં 6-2થી પરાજય આપ્યો હતો.
