Widgets Magazine
Widgets Magazine

ગોંડલમાં સરકારી મગફળીની બે લાખ બોરી આગમાં ખાખ થઈ ગઈ

બુધવાર, 31 જાન્યુઆરી 2018 (12:43 IST)

Widgets Magazine
fire


ટેકાના ભાવની મગફળી ખરીદીમાં વ્યાપક પ્રમાણમાં કૌભાંડ આચર્યું હોવાની શંકાના લબકારા ઉઠતા હતા. આ લબકારા કૌભાંડમાં સંડોવાયેલાઓને ભડકે બાળે તે પૂર્વે જ ગોંડલમાં ઉમવાડા રોડ પર ખાનગી ગોડાઉનમાં આગ ફાટી નીકળતા તેમાં રાખેલી સરકારી મગફળીની બે લાખ બોરી ખાખ થઈ ગઈ છે. આ તકે અગન જવાળા સાથે ઘટના પણ શંકાસ્પદ હોવાના કાળા ડિબાંગ ધૂમાડા નીકળતા રાજકોટ જિલ્લા કલેક્ટર વિક્રાંત પાંડેએ ફોરેન્સિક તપાસના તેમજ પ્રાંત અધિકારીને મેજીસ્ટેરીયલ ઈન્કવાયરી કરવાના પણ આદેશ આપ્યા છે.
આગે વિકરાળ રૂપ ધારણ કર્યું છે. આગ હજી પણ બેકાબૂ બની રહી છે.

fire

મગફળીના ભાવ તળિયે બેસી જતા સરકાર ટેકાના ભાવે ખેડૂતોની મગફળી લેવા આગળ આવી હતી. પરંતુ તેમાં દલાલો, કમિશનબાજો અને વહીવટદારોએ ખેલ પાડીને ભોળા ખેડૂતો પાસેથી ૭-૧રના દાખલા વગેરે દસ્તાવેજો લઈને તેનું વેચાણ કરીને ખિસ્સા ભરી લીધાનું કૌભાંડ ભૂગર્ભમાંથી સપાટી પર આવી રહ્યું છે. બરાબર આવા સમયે જ ગોંડલ શહેરના ઉમવાડા રોડ પર દિનેશભાઈ અંબાણીના રામરાજ જીનિંગ મીલના વેરહાઉસમાં ગુજકોટ અને નાફેડ દ્વારા રાખવામાં આવેલ અંદાજે બે લાખ બોરી મગફળીના જથ્થામાં આગ ભભૂકી ઉઠતા ફાયર ફાઈટરો દોડી ગયા હતા. જોતજોતામાં આગે વિકરાળ સ્વરૃપ લેતા કાળા ધૂમાડાના વાદળો શહેરભર ઉપર છવાઈ ગયા હતા. આગનું વિકરાળ સ્વરુપ જોતા લોકોના ટોળા ઉમટયા હતા. અને ચર્ચા કરવા લાગ્યા હતા કે આગ લાગી નથી પરંતુ લગાડવામાં આવી હોય તેવું જણાઈ રહ્યું છે.
fire

ટેકાના ભાવમાં મગફળી ખરીદીમાં આચરવામાં આવેલું પાપ છાપરે ચડીને પોકારે તે પહેલા તેનો નાશ કરવાનું કારસ્તાન કરવામાં આવ્યું હોવાનું લોકમુખે ચર્ચાઈ રહ્યું હતું. નાફેડના ચેરમેન વાઘજીભાઈ બોડાએ સ્પષ્ટ શબ્દોમાં જણાવ્યું હતું કે આવી મોટાભાગની ઘટનામાં સેન્ટરવાળા અને ખરીદી વાળાની ગોલમાલ હોય તો જ આગ લાગે છે. ગોડાઉન ફરતે અને માલ ફરતે ચાર ફૂટ જગ્યા છોડવાના નિયમ હોય છે. એવામાં આગ લાગવાની શક્યતા ઘટી જાય. રાજકારણ અને વચેટીયાઓની સાંઠગાંઠને કારણે મંડળી ફડચામાં જતી હોય તેને પણ કામ આપવામાં આવે છે. છેવટે ખોટું થાય અને આગ લાગી જાય છે. એકંદરે પ્રજાના પૈસા બગડે છે.
fire



Widgets Magazine
Widgets Magazine
Widgets Magazine
આ પણ વાંચો :  

Loading comments ...

ગુજરાત સમાચાર

news

વિધાનસભાની ચૂંટણીમાં ધારાસભ્યોએ સરેરાશ રૃ. ૧૬.૪૫ લાખ ખર્ચ્યા

સામાન્ય રીતે મધ્યમ વર્ગના એક પરિવાર માટે રૃ. ૧૮ લાખથી વધુની મૂડી સુધી પહોંચવા સમગ્ર જીવન ...

news

ભાજપના બે ધારાસભ્યોના રાજકીય ભાવિ સામે પ્રશ્નાર્થ, મર્યાદા કરતાં વધુ ચૂંટણી ખર્ચો કર્યો

ગુજરાત વિધાનસભાની ચૂંટણીમાં માંડ-માંડ ૯૯ બેઠક જીતનારી ભાજપ સરકારને માથે વધુ એક રાજકીય ...

news

The Burning Bridge- અમદાવાદના સાબરમતી બ્રિજ પર ભીષણ આગ, રેલવે વ્યવહાર ખોરવાયો

સાબરમતી રેલવે બ્રિજ પરથી પસાર થતા અન્ય કંપનીઓના કેબલમાં મંગળવારે સાંજે 6.30 વાગ્યે અચાનક ...

news

બેટી પઢાઓ બેટી બચાવોના માત્ર નારા, વડોદરાની ૧૦,૦૦૦ દીકરીઓની ફી હજુ સુધી સરકારે ભરી નથી

'બેટી બચાવો બેટી પઢાઓ'ના નારાઓથી રાજ્યભરમાં ગરીબ પરિવારની દીકરીઓને એક તબક્કે એવી આશા જાગી ...

Widgets Magazine Widgets Magazine Widgets Magazine